YOHANE 5:44 - ICIGHAN BIBILO

⁴⁴ Ne er nan man ne na jighjigh, ne mba ne rumun icivir i her ayol a en la, kpa icivir i i dugh her Aôndo u A lu tswen yô, ne keren ga?

YOHANE 5:44 Iomraidhean Croise

2 Kroniku 6:8

Kpa TER kaa a terem Davidi er: Er u ver ishima u maan iyou sha ci u iti Yam yô, u er doo, er u ver ishima nahan yô.

Yeremia 13:23

Oretiopia nana fatyô u geman kwavyolough u nan hingir kposo kpa? Shin anyam yô, una gema amian a na? Aluer ka nahan yô, ne kpaa né er kwagh u dedoo, ne mba iferkwagh i hool ne ne.

Mateu 23:5

Kpa aeren a ve cii yô, mba eren a sha u ior ve̱ nenge; gadia ka ve kor akpagher a gbangese, man ve eren umka mba uriga vev ve kehe.

Luka 19:17

Tsô a kaa a na er: Doo yum, we ortom u injaa! Er i zough u a jighjigh sha kwagh u kiriki nahan yô, ngohol tahav sha agar pue.

YOHANE 12:43

gadia icivir i ior hemba doon ve a icivir i Aôndo.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

YOHANE 3:20

Gadia hanma or u nan eren kwaghbo yô, ka iwanger je nan vende ye, man shi nan ve hen iwanger kpaa ga, sha u i̱ de vende aeren a nan ga yô.

YOHANE 5:41

Kwagh gbam a civir i i dugh hen ior la ga.

YOHANE 8:43

Ka nyi ne kaven kwagh u M lu ôron a ven ne ga? Ka sha ci u ne fatyô u ungwan kwaghôron Wam ga yô.

Mbaromanu 2:10

Kpa iengem man icivir man bem vea lu sha mba ve lu eren dedoo la cii, hii sha or u Yuda kua or u Grika kpaa.

Mbaromanu 2:29

Gadia ka u nan lu Oryuda ken ishima la je nan lu Oryuda ye, icôngo i mimi kpaa, ka kwagh u ken ishima, ka kwagh u ken jijingi, ka sha kwaghngeren la tsô ga. Iwuese i nan yô, ka i hen ior ga, ka ken Aôndo i dugh ye.

Mbaromanu 2:7

Mba ve lu keren iengem man icivir man mtsôr sha u eren kwagh u dedoo sha ishima i wan yô, Una na ve uma u tsôron.

1 Mbakorinte 4:5

Nahan yô, de gbe ôron nen ma ijir er shighe a lu a kuma ga la ga, saa Ter Una va Una due a akaa a myer a ken ime la, Una va a mi ken iwanger, man Una pase mbaawashima mba ken asema a ior kpaa, ka ken shighe la man hanma or nana zua a iwuese i nan hen Aôndo ye.

2 Mbakorinte 10:18

Gadia ka or u nan wuese iyol i nan la man á rumun nan ga, kpa ka or u Ter A wuese nan la.

Mbafilipi 2:3

De eren nen kwagh sha u wan ayol a en iko tseegh shin sha u keren icivir i gbilinigh kpaa ga, kpa hide nen ayol a en ijime; hanma or nana̱ nengen er orgen hemba nan yô.

1 Mbatesalonika 2:6

shin u keren icivir hen ior, shin her a ven, shin hen mbagenev kpaa ga; ma se fetyô u zan ne iyol kpaa, er se lu mbaapostoli mba Kristu yô.

1 Timoteu 1:17

Icivir man iengem i̱ lu i Tor u tsôron u A lu u kpen ga, u i nengen a Na kpaa ga, u A lu Aôndo, Un tswen, gbem sha won. Amen.

Mbaheberu 3:12

Ver nen ishima, anmgbianev, sha u boshima u nan jighjigh ga a̱ de luun ken hanmô wen sha u né undu Aôndo u uma ga.

Yakobu 2:1

Anmgbianev av, de lu nen a jighjigh u nan u hen Ter wase Yesu Kristu Ter u iengem la, a msange u sha dooshima imôngo ga.

1 Peteru 1:7

Zenaria u a lu kwagh u saan ishe kpaa ka i kar un sha usu je, nahan mkar u i kar jighjigh wen u nan u a hemba zenaria inja ica la, ka sha u una kuma iwuese man icivir man iengem sha m-ande u Yesu Kristu.

Yuda 1:25

Aôndo u mtswen, Oryiman wase ken Yesu Kristu Ter wase ne, iengem i̱ lu i Na kua shagba man agee man tahav, je er kwagh lu a vande lun ga man hegen kpaa zan zan gbem sha won. Amen.

1 Samuel 15:30

Tsô a kaa er: M er kwaghbo; nahan kpaa shi civir mo sha ishigh ki mbatamen mba ior av kua sha ishigh ki Iserael kpaa, gema hide a mo sha er me za sôn TER, Aôndo wou, yô.

1 Samuel 2:30

Nahan yô, TER, Aôndo u Iserael, ngu kaan er: M kaa je Mer, ya wou man ya u teru vea zenden sha ishigh Yagh gbem. Kpa hegen yô, TER ngu kaan er: Á kera lu nahan je ga; gadia mba ve civir Mo yô, Mo kpaa Me civir ve, man mba ve laham yô, vea kera gba kwagh ga.