YOHANE 5:40 - ICIGHAN BIBILO

⁴⁰ Nahan kpaa ka ne ka van her a Mo sha er ne̱ zua a uma ga.

YOHANE 5:40 Iomraidhean Croise

Upasalmi 81:11

Kpa ior Av ver ato sha imo Yam ga, Iserael rumun Mo ga.

Yesaia 49:7

TER, Orpaan u Iserael, Icighan na ngu kaan a Or u i laha Un yum A ndôhôr ior asema la, Wanakiriki u mbatarev la er: Utor vea nenge vea mough sha, atiator kpaa nahan, vea gule inya vea civir, sha ci u TER u A lu u jighjigh, Icighan u Iserael, u A tsough U yô.

Yesaia 50:2

Ka sha ci u u nyi man zum u M va la, M kohol ma or ga? Zum u M yila kpaa, ma or vengese ga? Uwegh Agh kôvor, je kua kera fatyô u paan gaa? Shin M ngu a tahav mbu Me yiman gaa? Nenge, sha mzehe Wam ka M uma zegemnger, ka M gema uifi ve hingir desereti, ishu ve kpaa i human sha ci u mngerem ma ga yô, i kpe sha ci u imura.

Mateu 22:3

Nahan a tindi mbayev nav er, ve̱ za yila mba i lehe ve iniongo i kwasehe la, kpa lu ve pe van ga.

Mateu 23:37

Yerusalem, Yerusalem, we u u woo uprofeti man u te mba i tindi ve her a we, awen ne; ka acin a me je man i lum pe kohol ônov er ngôikegh ka a kohol ônov nav shin akper a na nahan, kpa ne rumun ga!

YOHANE 1:11

A va hen ya Na kpa ior Nav rumun Un ga.

YOHANE 10:10

Ormbaiv yô, nan ve kwagh ugen ga, ka sha u nana va ii man nana wua man nana tim tsô; Mo yô, M va sha u ve̱ zua a uma, ve̱ zua a mi wuee je.

YOHANE 3:19

Man ngin ka ijirôron ne: iwanger va nyôr shin tar man ime gema hemba doon ior a iwanger, gadia aeren a ve lu a bo je.

YOHANE 5:39

Ne mba timen ken icighanruamabera sha ci u ne mba henen ner, ka sha a ve man né zua a uma u tsôron ye; yô, ka ve je ve pasen kwaghwam ye.

YOHANE 5:41

Kwagh gbam a civir i i dugh hen ior la ga.

YOHANE 5:44

Ne er nan man ne na jighjigh, ne mba ne rumun icivir i her ayol a en la, kpa icivir i i dugh her Aôndo u A lu tswen yô, ne keren ga?

YOHANE 6:27

De kera eren nen tom sha ci u kwaghyan u a saan ishe ga, kpa i̱ lu sha ci u kwaghyan u a lu zan zan uma u tsôron, u Wan u or Una na ne yô, gadia Aôndo Ter, ver ikav sha a Na.

YOHANE 6:37

Mba Ter A nem cii, vea va her a Mo; man or u nana va hen Mo kpaa, mayange Me ta nan kera ga.

YOHANE 6:40

Gadia ishima i Terem ka i ne: Hanma or u nan nenge a Wan, shi nan ne Un jighjigh yô, nana̱ zua a uma u tsôron, man Mo kpaa Me nder nan sha iyange i masetyô.

Mbaromanu 6:23

Gadia injar i isholibo i kimbin yô, ka ku, kpa iwua i sha mrumun u sha mhôôn u Aôndo yô, ka uma u tsôron ken Kristu Yesu Ter wase.

Mpase U Yohane 22:17

Jijingi man kwasehe mba kaan er: Va! Or u nan lu ungwan kpaa nana̱ kaa er: Va! Or u imura i ker nan yô, nana̱ va. Or u i sar nan kpaa, nana̱ va, nana̱ va ngohol mngerem ma umam gbilin.