YOHANE 5:30 - ICIGHAN BIBILO

³⁰ Mo yô, M fatyô u eren ma kwagh sha tahav Av iyol Yam ga. Er M ongo nahan, kape M er ijir kpaa la; man ijirôron Yam ka i mimi, gadia M keren u eren ishima yam ga, kpa ka ishima i Un u A tindim la.

YOHANE 5:30 Iomraidhean Croise

Genese 18:25

Tuna u We nahan Ú er injakwagh ne sha u wuan mbaperapera a mbaaferev imôngo, je mbaperapera geman hingir kwagh môm a mbaaferev; kwagh ne tuna U tsô; Orjirigh u tar cii, Una kera er vough gaa?

Upasalmi 96:13

sha ishigh ki TER, gadia ngu van, ngu van sha u ôron tar ijir; Una ôr tar ijir sha perapera, man akuraior kpaa sha mimi Na.

Yesaia 28:6

man jijingi u ijirigh u or u nan tem sha u ôron ijir la, man agee a mba ve daan ityav sha ihinda ve hidi a mi ijime yô.

Sefania 3:15

TER tôô ajir a i ôr u la kera, A kar a orihom wou kera; Tor u Iserael, TER ngu ken atô wou; ú kera shi cia kwagh u bo ga.

Mateu 26:39

Tsô A kporom sha hemen kpeghee, A gure a suwa ityough inya, A er msen, A kaa er: Terem, aluer a fatyô yô, iyongo ne ma i karem kera; nahan kpaa i̱ de eren sha ishima Yam ga, i̱ er sha ishima You.

YOHANE 14:10

U na jighjigh er Mo M lu ken Ter, Ter kpaa A lu ken a Mo gaa? Mkaanem ma M er ne ne, M er ma ka sha tahav av ga kpa ka Ter u A lu ken Mo la, A eren ityom Na ye.

YOHANE 17:4

M na U icivir shin tar ne, er M kur tom u U nem wer, M̱ er la.

YOHANE 18:11

Nahan Yesu kaa a Peteru er: Wa sanker wou ken var. Iyongo i Ter A nem yô, Me ma i gaa?

YOHANE 4:34

Yesu kaa a ve er: Kwaghyan Wam yô, ka u Me er ishima i u A tindim la, Me kure tom Na vough kpaa.

YOHANE 5:19

Nahan Yesu gema kaa a ve er: Mimi mimi je, M kaan ne ne, Wan Una fatyô u gban eren ma kwagh iyol Na ga, saa kwagh u A nenge Ter A eren la; gadia akaa a A eren la, Wan kpaa eren a nahan vough je.

YOHANE 6:38

Gadia M sen Sha, ka sha u Me er ishima Yam ga, kpa ka u eren ishima i u A tindim la.

YOHANE 8:28

Nahan Yesu kaa er: Zum u nea kende Wan u or sha tsô né fa er M lu Un yô, man shi er M gbe eren ma kwagh sha tahav Av iyol Yam ga, kpa M er akaa er Ter a tesem yô.

YOHANE 8:42

Yesu kaa a ve er: Aôndo Una lu Ter wen yô, ma M doo ne ishima, gadia ka sha Aôndo je M dugh, M ve ye, gadia M gba van sha ishima Yam tsô ga, kpa ka Un je A tindim ye.

YOHANE 8:50

Kpa Mo M keren icivir sha ci Wam ga; Ugen ngu u A keren i sha ci Wam yô, shi Una ôr ijir kpaa.

Mbaromanu 15:3

Gadia Kristu kpaa ker kwagh u doon sha ci Na ga, kpa lu er i vande ngeren nahan la er: Aheen a ior ve lu heen We la gema haa sha a Mo.

Mbaromanu 2:2

Se fa ka sha mimi je ijirôron i Aôndo ka i kôr mba ve eren ambaakaa la ye.

Mbaromanu 2:5

Ka sha ishima you i cighir man ishima i geman ga la je u lu ombon iyugh sha ci wou iyol you sha iyange i iyugh man m-ande u ijirôron i mimi i Aôndo la ye.