YOHANE 5:23 - ICIGHAN BIBILO

²³ sha er ior cii ve̱ civir Wan er ve civir Ter nahan. Or u nan civir Wan ga yô, nan civir Ter u A tindi Un la kpaa ga.

YOHANE 5:23 Iomraidhean Croise

Upasalmi 2:12

Suse nen Wan zwa, sha er A̱ de yugh man né saa ishe sha gbenda ga yô; gadia ka Un ican u yuwen ga. Mba ve suur sha a Na cii saan ve iyol!

Yesaia 42:8

Ka Mo TER, ka iti Yam je ne; icivir Yam kpaa Me na orgen ga, iwuese Yam Me na ieev mbi gban a gba la ga.

Yesaia 44:6

TER, Tor u Iserael man Orpaan na kpaa, TER u akum a Sha ngu kaan nahan er: Mo M ngu u hiihii, shi M ngu u masetyô kpaa; ma aôndo ugen ngu ga, saa Mo.

Yesaia 45:15

Mimi je, U ngu Aôndo u U yer iyol You, Aôndo u Iserael, Oryiman.

Yesaia 45:21

Pase nen, due nen a mi; ve̱ hen kwagh ayol a ve: Ka anti nan tese kwagh ne, hii sha ayange a tsuaa la je? Ka anti nan pase kwagh ne sha ayange a tsuaa la? Kera ka Mo TER gaa? Ma aôndo ugen kpaa ngu ga, saa Mo; Aôndo u jighilii man u yiman kpaa ngu ga, saa Mo.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Mateu 10:37

Or u ter u nan shin ngô u nan a hembe doon nan ishima a Mo yô, nan kumam ga; man shi or u wan u nan u nomso shin u kwase a hembe doon nan ishima a Mo yô, nan kumam ga;

Mateu 11:27

Akaa cii Terem gema a, wam sha ikev, man shi ma or fa Wan ga, saa Ter tseegh, man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

Mateu 12:21

Ka sha iti Na je man akuraior aa veren ishima á keghen ye.

Mateu 15:8

Nongoior ne ngu civir Mo sha ityumbujôôgh ve tseegh, kpa ishima ve yô, ngi ica a Mo je.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Luka 10:16

U nan ongo ne yô, nan ngu ungwan Mo; u nan vende ne yô, nan ngu vendan Mo; man u nan vendem yô, ka u A tindim la je, nan vende ye.

YOHANE 14:1

Asema a̱ de kera te ne kwe ga; na nen Aôndo jighjigh, Mo kpaa nam nen jighjigh.

YOHANE 16:14

Un yô, Una nam icivir gadia ka kwagh Wam Una tôô Una ôr ne ye.

YOHANE 17:10

Akaa a a lu a Am cii ka a Ou, a Ou di kpaa ka a Am je, shi i nam icivir ken a ve kpaa.

Mbaromanu 1:7

Ne mba ne lu ken Roma mba ne doo Aôndo ishima la cii mba i yer ne er ne̱ lu uicighanmbaiorov la, mrumun u sha mhôôn a̱ lu sha a ven kua bem mba ve dugh her Aôndo Ter wase man Ter Yesu Kristu kpaa.

Mbaromanu 15:12

Man shi Yesaia kpaa kaa er, Mise u Yese Una va, ka Un u Una mough Una ya tor sha atôatyev la, ka sha a Na man atôatyev aa veren ishima aa keghen ye.

Mbaromanu 6:22

Kpa hegen yô, i pase ne sha ikev i isholibo kera i tuhwa ne, ne gema ne hingir ikpan i Aôndo, injar yen yô, ka mtsegh, man mkur yô, ka uma u tsôron.

Mbaromanu 8:9

Kpa ne yô, ne mba ken iyol ga, ka ken jijingi ne lu ye aluer Jijingi u Aôndo tema ken a ven yô. Kpa aluer or nana lu a Jijingi u Kristu ga yô, nan ngu u Na ga.

1 Mbakorinte 1:3

mrumun u sha mhôôn a̱ lu sha a ven man bem mba ve dugh ken Aôndo Ter wase man Ter Yesu Kristu.

1 Mbakorinte 10:31

Nahan yô, aluer nea yaan kwagh, shin nea maan kwagh shin nea eren nyityô kwagh kpaa, eren nen akaa cii sha ci u icivir i Aôndo.

1 Mbakorinte 16:22

Aluer Ter Una doo or ishima ga yô, ifan i̱ kôr nan. Maranata. (Ter ngu van.)

1 Mbakorinte 6:19

Shin ne fa er iyol yen i lu tempel u Icighan Jijingi u A lu ken a ven u ne ngohol Un her Aôndo la gaa? Ne kera mba kwagh wen ayol a en ga.

2 Mbakorinte 1:9

Se yô, i lu se je er i ôr se ijir i kuugh kera ve yô, lu sha u se̱ de suur sha ayol a ase ga, kpa se̱ suur sha Aôndo u A nderen mbakpenev la.

2 Mbakorinte 13:14

Mrumun u sha mhôôn u Ter Yesu Kristu man dooshima u Aôndo man mzough u Icighan Jijingi ve̱ lu sha a ven cii. Amen.

2 Mbakorinte 5:14

Dooshima u Kristu ngu mgbeghan se, sha mnenge wase yô or môm kpe sha ci u ior cii, nahan yô, ve cii ve kpe je ve.

2 Mbakorinte 5:19

Inja na yô, Aôndo lu ken Kristu, lu himen tar a iyol Na, kera na ve ibo sha mbamper mba ve per tindi la ga, shi A na se loho u mhim la sha ikev kpaa.

Mbaefese 6:24

Mrumun u sha mhôôn a̱ lu sha a ve mba Ter wase Yesu a doo ve ishima sha dooshima u been ga la, cii.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:12

ka sha ci u kwagh ne man m lu yan atsan ne nahan ye, kpa kunya kôrom sha mi ga. Gadia m fa Un u m na Un jighjigh la man m fa dedoo mer Una fatyô u kuran kwagh u i wem sha ikev la zan zan iyange la.

Mbaheberu 1:6

Man zum u A lu ôron u shi nyôron a Wan Na u iunda shin tar la yô, A kaa er: Mbatyomov mba Aôndo cii, ve̱ gure inya, ve̱ civir Un.

2 Peteru 1:1

Shimeon Peteru, kpan man apostoli u Yesu Kristu, ngu sughun mba ve zough a jighjigh u nan u injaa di er u wase nahan, sha perapera u Yesu Kristu u A lu Aôndo wase man Oryiman wase la.

2 Peteru 3:18

Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.

1 Yohane 2:23

Hanma or u nan nyiman Wan la, Ter kpaa nan ngu a Na ga; u nan pasen Wan ken igbar yô, nan ngu a Ter kpaa.

2 Yohane 1:9

Hanma or u nan ze hemen kpishi, kpa nan kera luun ken ityesen i Kristu ga yô, nan ngu a Aôndo ga. Kpa u nan luun ken ityesen ne yô, ka nan je nan lu a Ter man Wan kpaa ye.