YOHANE 5:19 - ICIGHAN BIBILO

¹⁹ Nahan Yesu gema kaa a ve er: Mimi mimi je, M kaan ne ne, Wan Una fatyô u gban eren ma kwagh iyol Na ga, saa kwagh u A nenge Ter A eren la; gadia akaa a A eren la, Wan kpaa eren a nahan vough je.

YOHANE 5:19 Iomraidhean Croise

Genese 1:1

Sha hiihii Aôndo gba Sha man tar:

Genese 1:26

Tsô Aôndo kaa er: Sé er or sha inja i mlu wase, sha ibeen Yase; ishu i shin zegemnger man inyon i sha man uzendenya man tar cii kua hanma kwagh u kpelan inya, u a kper a kpela sha tar kpaa, ve̱ lu sha ikev ve.

Upasalmi 138:3

Sha iyange i m yer U yô, U rumun, U taver mo, U nam agee ken ishima.

Upasalmi 27:14

Kegh TER, lu dông, ishima you i̱ taver; een, kegh TER. Ka Pasalmi u Davidi

Upasalmi 50:6

Usha mba pasen perapera Na, gadia Aôndo iyol Na ka Orjir. Sela.

Ekesodu 4:11

TER kaa a na er: Ka an nan er or zwa? Ka an nan er orkondoniker, shin orkondonato, shin ornengen, shin orapirashee? Ka Mo TER gaa?

Anzaakaa 2:6

Gadia TER ne kwaghfan, mfe kua mkav mba dugh ken zwa Na;

Yesaia 44:24

TER, Orpaan wou, man u A maa u ken uya je, ngu kaan nahan er: Ka Mo M lu TER u M er akaa cii ye, M samber Usha, Mo tswen, M samber tar sha won; ka an nan lu vea Mo?

Yesaia 45:24

Ka ken TER tseegh, kape á ôr kwagh sha a Mo la er, perapera kua agee a lu ye; ka her a Na je ior vea va ye; kpa mba asema a vihi ve a Na cii, kunya ua kôr ve.

Yeremia 17:10

Mo TER M tev ishima, M kar ahi, sha u Me na hanma or sha igbenda i nan, sha inja i atam a aeren a nan.

Mateu 26:39

Tsô A kporom sha hemen kpeghee, A gure a suwa ityough inya, A er msen, A kaa er: Terem, aluer a fatyô yô, iyongo ne ma i karem kera; nahan kpaa i̱ de eren sha ishima Yam ga, i̱ er sha ishima You.

Luka 21:15

gadia Mo Me na ne zwa man mfe u mba ve hendan kwagh a ven cii vea fatyô u vendan ga, u nyiman kpaa ga yô.

YOHANE 10:18

Ma or kpaa nan ngu ngohol Mo un ga, kpa ka Mo iyol Yam je M lu nan un ye. M ngu a tahav mbu Me na un, M ngu a tahav mbu Me shi Me ngohol un kpaa. Tindi ne M ngohol un hen Terem.

YOHANE 12:49

Gadia M gba ôron kwagh sha tahav Av ga; kpa ka Ter u A tindim la je, A nem tindi sha kwagh u Me kaa man shi Me ôr kpaa ye.

YOHANE 12:50

Man shi M fa tindi Na ka u uma u tsôron je. Nahan akaa a M lu ôron ne ne M ngu ôron vough er Ter A kaam nahan.

YOHANE 14:10

U na jighjigh er Mo M lu ken Ter, Ter kpaa A lu ken a Mo gaa? Mkaanem ma M er ne ne, M er ma ka sha tahav av ga kpa ka Ter u A lu ken Mo la, A eren ityom Na ye.

YOHANE 2:19

Yesu gema kaa a ve er: Yôhôl nen tempel ne kera, Mo Me maa un sha ayange atar.

YOHANE 3:3

Yesu gema kaa a na er: Mimi mimi je, M kaan we ne, saa á mar or hegh, gayô, nana fatyô u nengen tartor u Aôndo ga.

YOHANE 5:21

Gadia er Ter A nderen mbakpenev A ne ve uma nahan, kape Wan kpaa mba A we ishima u nan ve uma yô, A ne ve uma je la.

YOHANE 6:38

Gadia M sen Sha, ka sha u Me er ishima Yam ga, kpa ka u eren ishima i u A tindim la.

YOHANE 8:28

Nahan Yesu kaa er: Zum u nea kende Wan u or sha tsô né fa er M lu Un yô, man shi er M gbe eren ma kwagh sha tahav Av iyol Yam ga, kpa M er akaa er Ter a tesem yô.

YOHANE 9:4

Ka u sé er ityom i Un u A tindim la keng er iyange i shi ne; tugh mbu van mbu ma or nana kera fatyô u eren tom ga yô.

Aerenakaa A Mbaapostoli 2:24

kpa Aôndo nder Un, A sagh mnyoonom ma kuugh kera sha ci u u fetyô u kusun Un ga yô.

Mbaromanu 6:4

Nahan i ii se a Na imôngo sha batisema u ken ku la sha u er i nder Kristu ken mbakpenev sha iengem i Ter yô, kape se kpaa se zenden ken uma u he je la.

Mbaromanu 8:11

Kpa aluer Jijingi u Wen u A nder Yesu shin mbakpenev la Una tema ken ven yô, Wen u A nder Yesu shin ku la Una na ayol a en a á va kpen la uma sha Jijingi Na u A tem ken ven la.

1 Mbakorinte 15:12

Aluer mba pasen kwagh u Kristu er A nder shin mbakpenev yô, hii nan man mbagenev ken ven ve kaan er mnder u shin mbakpenev ngu ga?

2 Mbakorinte 4:14

Gadia se fa, Un u A nder Ter Yesu yô, se kpaa, Una nder se a Yesu imôngo man Una ver se a ven imôngo sha ishigh Nagh.

2 Mbakorinte 5:10

Gadia se cii sé va tile ken igbar sha ishigh ki ikônough ki ijirigh ki Kristu keng, sha er hanma or nana ngohol kwagh u nan lu eren ken iyol la shin a lu u doon shin a lu u bo kpaa.

Mbaefese 2:5

er se lu kpenegh ken gbev mbu nôngon la ye, ka sha mrumun u sha mhôôn i yima ne ye,

Mbaefese 3:16

M ngu sônon mer, A̱ na ne sha iengem Na i ngeen yum la, i̱ taver ne ne̱ lu a agee sha Jijingi Na ken uma u ken semayolough,

Mbafilipi 3:21

Una va gema ayol a ase a icivirigh ga ne, aa hingir kposo á lu kwagh môm a iyol Na i iengem la, ka sha agee a Na a A fetyô u geman akaa cii hingir sha ikev Na la.

Mbafilipi 4:13

M ngu a agee a eren akaa cii je ken Un u A taver mo ne.

Mbakolose 1:11

i̱ taver ne sha agee cii sha inja i agee a iengem Na la sha u taver ishima man shi u wan ishima saan saan kpaa,

Mbakolose 1:16

gadia ka ken a Na man i gbe akaa cii ye, a a lu Sha, man a a lu shin tar kpaa, a i nengen a mi la kua a i nengen a mi ga la kpaa, shin a lu mkônom ma torom, shin a lu tor u yan shin a lu mbatarev, shin a lu tahav. Akaa ne cii ka sha a Na i gbe a ye shi ka sha ci Na kpaa.

1 Mbatesalonika 4:14

Aluer se na jighjigh ser, Yesu kpe, shi hide nder yô, kape mba ve kpe ken Yesu la kpaa, Aôndo Una va a ve a Na imôngo.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.

Mpase U Yohane 2:23

man Me wua ônov nav sha ku. Iniongo i Kristu cii ia fa er i lu Mo je M tim ahi man asema ye; man Me na ne injar sha inja i aeren a en ser ser.