YOHANE 4:23 - ICIGHAN BIBILO

²³ Kpa shighe ngu van, a kuma je ve, u mba ve civir sha mimi yô, vea civir Ter ken jijingi kua ken mimi, gadia ka mba ve civir Un nahan ne je Ter A keren ye.

YOHANE 4:23 Iomraidhean Croise

1 Kroniku 29:17

Shi m fa kpaa, Aôndo wam, U kar ishima, perapera doo U. Mo iyol yam yô, ka sha ishima yam i wang je, m ne akaa ne cii gbar gbar ye; hegen yô, ka sha iember je, m nenge ior Ou, mba ve kohol heen, ve ne U akaa gbar gbar ye.

Upasalmi 147:11

Mba ve cie TER yô, ve doo Un ishima, kua mba ve veren asema, ve keghen erdoo Na la.

Upasalmi 17:1

TERE, ungwa kwagh u lun a ishô, wa iko sha mliam am; ver ato sha msen wam u a dugh ken ityumbuzwaagh u lun a icugh ga yô.

Upasalmi 32:2

Saan or u TER A ne nan ibo sha ifer i nan ga la, iyol; shi nan lu a icugh ken ishima i nan kpaa ga yô.

Upasalmi 51:6

Nenge, ka mimi U keren ken atô u ishima ye; ka ken myer je, U nem m lu a mfe ye.

Anzaakaa 15:8

Nagh ku aferaior ka TER kwagh u ndôhôrshima je, kpa msen u mbamimi yô, ka Un kwagh u ember je.

I Solomon 2:14

Atii wam, u a lu ken kwevande, ken ijiir i yeren hen bowoogh, de m̱ nenge mlu wou, m̱ ungwa imo you, gadia imo you i dio, u wa doo kpekpe.

Yesaia 10:20

Tsô sha iyange la asande a Iserael a a shi her man mba ve wer hen ya u Yakob vea kera suur sha u a gbidye ve la ga, kpa vea suur sha TER, Icighan u Iserael, sha mimi.

Yesaia 29:13

Ter kaa er: Er ior ne ve kporom her a Mo sha zwa ve, man ve civir Mo sha ityumbujôôgh ve, kpa asema a ve gema gba ca a mo man mciem ma ve lu cian Mo kpaa ka tindi u ior u i tese ve a tese tsô,

Yesaia 43:21

Ior mba M maa sha ci Wam iyol Yam je, vea pase iwuese Yam.

Yesaia 58:2

Nahan kpaa mba keren Mo ayange ayange man sar ve u fan igbenda Yam, bee er ikurior i eren kwagh u perapera man i undun akaawan a Aôndo ve ga yô, ve gema ve pinem akaawan a perapera, u kporom hen Aôndo kpaa doo ve.

Yeremia 3:10

Nahan kpaa, anngô na u kwase Yuda, u a lu a jighjigh ga la, hide her a Mo, kpa ka sha ishima i môm ga, ka sha igyer tsô, kape TER A kaa ne.

Yeremia 4:2

Tsô u bum wer: Er TER A lu u uma yô, sha mimi man sha ijirôron i mimi kua sha perapera; nahan akuraior aa ver ayol a a doo doo ken a Na, shi ka ken a Na aa ta ihagh kpaa ye.

Esekiel 22:30

M ker or môm ken ve u nana sôr kpekpegar man nana tile hen ijiir i i hembe kpekpegar la sha ishigh Yagh sha u M̱ de kera timin tar la ga, kpa M tser a ma or ga.

YOHANE 1:17

Gadia i na atindiakaa a va sha ikev i Mose, kpa mrumun u sha mhôôn man mimi yô, gema ka ken Yesu Kristu ve va ye.

YOHANE 12:23

Kpa Yesu gema kaa a ve er: Shighe kuma u a na Wan u or icivir ve.

YOHANE 16:2

Vea dugh ne ken ushinagoge kera; shighe ngu van je u hanma or u nana wua ne yô, nana hen er nan ngu eren tom u civir Aôndo.

YOHANE 16:32

Nenge, shighe ngu van, a ar je ve u á sambe ne, hanma or nana yem kwagh u nan, né mase undun Mo tswen; nahan kpaa M ngu tswen ga, gadia Ter ngu vea Mo.

YOHANE 4:21

Yesu kaa a na er: Kwase, nam jighjigh, shighe ngu van u né kera civir Ter sha uwo ne ga, shin ken Yerusalem kpaa ga.

YOHANE 5:25

Mimi mimi je M kaan ne ne, shighe ngu van, a kuma hegen, u mbakpenev vea ungwa imo i Wan u Aôndo, man mba vea ungwa i yô, vea lu uma.

YOHANE 5:28

Kwagh ne a̱ de kpiligh ne iyol ga, gadia shighe ngu van u mba ve lu shin iwar cii vea ungwa imo Na,

Mbaromanu 1:9

Aôndo u m civir Un ken jijingi wam sha Loho u Dedoo u Wan Na la, ka shiada wam er m ngu umbur ne gbem je ken mbamsen av hanma shighe,

Mbaromanu 8:15

Gadia ne ngohol jijingi u kpan u né shi né cia kwagh ga kpa ne ngohol jijingi u mlu u wan, ka sha mi je se yer ser Aba, Tere ye.

Mbaromanu 8:26

Kape Jijingi kpaa A wese se ken aseer a ase je ne, gadia se fa u eren msen er i doo u ma se er la ga, kpa Jijingi iyol Na ngu eren msen sha ci wase sha mbamkin gande u pasen.

Mbagalatia 4:6

Man sha ci u ne lu ônov yô, Aôndo tindi Jijingi u Wan Na ken asema a en, ngu genger imo er: Aba, Tere.

Mbaefese 6:18

Eren nen msen hanma shighe ken Jijingi sha hanma msen man mzamber cii. Luun nen per sha mi sha ishima i taver man sha mzamber sha ci u uicighanmbaiorov cii,

Mbafilipi 3:3

Gadia ka se je se lu mbaicôngo ye, se mba se civir Aôndo ken Jijingi, se mba se te ihagh ken Kristu Yesu, man se kera suur sha iyol ga la,

Yosua 24:14

Nahan yô, cia nen TER, er nen Un tom sha ishima i môm man sha mimi kpaa; de nen mbaaôndo mba uter enev lu civir ve Ifi yande la kua ken Igipiti la, civir nen TER.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

1 Samuel 12:24

Ka TER cian nen Un ye, civir nen Un sha mimi a ishima yen cii; gadia nenge nen uzegembaakaav mba A er sha ci wen yô.