YOHANE 4:22 - ICIGHAN BIBILO

²² Ne mba civir kwagh u ne fe un ga yô, se yô; se mba civir kwagh u se fe un yô; gadia myom ka hen Mbayuda a dugh ye.

YOHANE 4:22 Iomraidhean Croise

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

Esera 4:2

ve va hen Serubabel man hen mbavesen mba sha uya mba uter kpaa, ve kaa a ve er: Se kpaa ma se maa a ven imôngo, gadia se mba keren Aôndo wen, er ne kpaa ne eren nahan, se mba nan Un nagh hii sha ayange a Esar-hadon tor u Ashiria va a vese heen la je.

Upasalmi 147:19

A tesen Yakob mkaanem Nam, man Iserael kpaa akaawan a Na man ajir a Na a ôron.

Upasalmi 68:20

Aôndo wase ka Aôndo u yiman se acin imôngo je, iku i waren kpaa ka hen AÔNDO Ter i lu ye.

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yesaia 12:6

Genger imo, er ikenge, we u u tem ken Shion ne, gadia Icighan u Iserael u A tem hen atô wou ka u hemban cii je.

Yesaia 2:3

Ior kpishi vea za, vea kaa er: Va sé kôndo nen sha uwo u TER, sha iyou i Aôndo u Yakob, A̱ tese se igbenda Na, se kpaa sé zende sha igbenda Na; gadia ka ken Shion man tindi una due ye, kua kwaghôron u TER kpaa ken Yerusalem.

Yesaia 46:13

M ngu kporom a perapera Wam, a gba ca ga, myom Wam kpaa una ngôôr ga, Me na myom ken Shion sha ci u Iserael icivir Yam.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Luka 24:47

man shi ka ken iti Na man á ôr kwagh u mgemshima man mde u asorabo ken akuraior cii á hii ken Yerusalem je.

Aerenakaa A Mbaapostoli 17:23

gadia zum u m lu karen, kenger akaa a ne civir a yô, nahan m zua a atse agen a nanden nagh sha mi, i nger kwagh ne sha mi nahan er: Ka sha ci u aôndo u i fe un ga la; yô, ka Un u ne civir Un sha lan ne m lu pasen ne kwagh Na ye.

Aerenakaa A Mbaapostoli 17:30

Nahan Aôndo wa ayange a mlan ve la iko ga; kpa hegen yô, ngu pasen ior sha hanma ijiir cii er ve̱ gema ishima,

Aerenakaa A Mbaapostoli 3:26

Ka her a ven je Aôndo vande tindin Wanakiriki Na ye zum u A nder Un shin ku la, sha u A̱ ver ne dedoo, ka er Una gema hanmô wen sha afer a nan kera yô.

Mbaromanu 11:18

de te ihagh a agbaa la ga. Aluer u ta ihagh yô, ka we u tee mise ga, ka mise u tee u ye.

Mbaheberu 7:14

Gadia Ter wase due ken Yuda gbar gbar je, man sha kwe ngula yô, mayange Mose ter kwagh u upristi ga.