YOHANE 4:14 - ICIGHAN BIBILO

¹⁴ Kpa hanma or u nana ma mngerem ma Mo Me na nan yô, imura ia kera kôr nan mayange ga; kpa mngerem ma Me na nan mara, maa hingir imbormnger ken a nan, maa saar zan zan uma u tsôron.

YOHANE 4:14 Iomraidhean Croise

Yesaia 49:10

Ijen ia kôr ve ga shin imura kpaa ga; mtsee u ahumbe a tseen man oo kpaa ua ta ve ga; gadia u A zungu ve mhôônom la, Una hemen ve, Una hemen ve gbenda, Una za a ve hen amboramnger.

Yesaia 55:1

Ne mba imura i ker ne cii, va nen hen mnger, kua u nan lu a inyaregh je ga kpaa; va nen, va yam nen, ya nen, een, va nen, va yam nen wain kua atumbabua, á lu sha inyar ga, man sha ishe i wan kpaa ga.

Yesaia 58:11

TER kpaa Una hemen we gbenda gbem zan zan je, Una na uma wou una ide ken ajiir a ombor, Una taver akuhe ou; nahan wea hingir er ka sule u i ur u mngerem yô, man er ka imbor i i om mngerem mayange ga yô.

Yeremia 2:13

Gadia ior Av ve er aferakaa ahar: ve tam kera, Mo u M lu imbor i mngerem ma umam ne, ve gema ve time ahungwa a ombon mngerem shimi shin avande, ahungwa a ombon mngerem shimi a paven ikwe, a a fetyô u lun a mngerem shin mi ga yô.

Yeremia 31:25

M na uma u orvôron kundu un iyol, man hanma or u ishima i yen nan kpaa M taver nan ishima.

Esekiel 47:9

Tsô akaa a uma a zenden ininini henpe uifi mba uhar mban ve kar yô, aa lu uma; ishu ia ngee shimi kpishi; gadia mngerem nam va ar her, nahan mngerem ma zegemnger maa hingir ma dedoo, hanma kwagh una lu uma henpe ifi la a va ar cii.

Levitiku 11:36

Nahan kpaa imbor kua ijôr henpe mngerem ma kohol yô, ia lu wang, kpa or u nana bende a gundu u a shin mi la yô, nana kera lu wang ga.

Mateu 25:46

Mbala vea kar vea yem ken mtsaha u tsôron; kpa mbaperapera yô, vea nyôr ken uma u tsôron.

Mateu 5:6

Saan mba ijen i ker ve, man imura kpaa, sha kwagh u perapera la iyol, gadia vea ide.

YOHANE 10:10

Ormbaiv yô, nan ve kwagh ugen ga, ka sha u nana va ii man nana wua man nana tim tsô; Mo yô, M va sha u ve̱ zua a uma, ve̱ zua a mi wuee je.

YOHANE 11:26

Man anti or u nan lu uma man nan nem jighjigh yô, nana kpe mayange ga. U na kwagh ne jighjigh kpa?

YOHANE 4:10

Yesu gema kaa a na er: Wea fe iwua i Aôndo, man shi Un u A kaan a we er: nam mngerem, M̱ ma, ne yô, ma u sen Un, ma A ne u mngerem ma umam.

YOHANE 4:11

Kwase la kaa a Na er: Tere, U ngu a kwagh u kesen ga, man ijôr ne za kpee, man ka han U zough a mngerem ma umama?

YOHANE 4:13

Yesu gema kaa a na er: Anti or u nan me mngerem man yô, imura ia shi á kôr nan.

YOHANE 4:36

Orsundan ka nan zua a injar man nan kohol iyiav sha ci u uma u tsôron, sha er orlôôn man orsundan vea ember imôngo yô.

YOHANE 6:27

De kera eren nen tom sha ci u kwaghyan u a saan ishe ga, kpa i̱ lu sha ci u kwaghyan u a lu zan zan uma u tsôron, u Wan u or Una na ne yô, gadia Aôndo Ter, ver ikav sha a Na.

YOHANE 6:35

Yesu kaa a ve er: Mo M ngu kwaghyan u uma; or u nana va her a Mo yô, ijen ia kera kôr nan mayange ga; man shi or u nana nam jighjigh yô, imura kpaa ia kera kôr nan mayange ga.

YOHANE 6:58

Ngun ka kwaghyan u a sen Sha je ne; ka er uter enev lu ya mana, shi kpe la ga. U nan ye kwaghyan ne yô, nana lu uma gbem sha won.

YOHANE 7:37

Sha iyange i masetyô la, lu zegeyange u iniongo je la, Yesu tile sha, genger imo kaa er: Aluer imura ia kôr hanma or yô, nana̱ va her a Mo, nana̱ va ma.

Mbaromanu 5:21

Ka sha u, er isholibo i tema tor sha ku yô, kape mrumun u sha mhôôn di kpaa a̱ tema tor sha perapera u zan ken uma u tsôron sha Yesu Kristu Ter wase la.

Mbaromanu 6:23

Gadia injar i isholibo i kimbin yô, ka ku, kpa iwua i sha mrumun u sha mhôôn u Aôndo yô, ka uma u tsôron ken Kristu Yesu Ter wase.

2 Mbakorinte 1:22

Ka Un kpaa A ver se ikav shi A ne se ibumun ken asema ase ye, ka Jijingi je la.

Mbaefese 4:30

De vihin nen Icighan Jijingi u Aôndo ishima ga u i ver ne ikav sha a Na sha ci u iyange i mpaa la.

1 Peteru 1:22

Er ne vande wanger asema a en kera sha iko i ne wan mimi iko la u zan ken dooshima u mimi u hen anmgbianev yô, doo nen ayol a en ken ishima tsung je.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.

Mpase U Yohane 7:16

Ijen ia kera kôr ve mayange ga, imura kpaa ga, oo ua kera ta ve ga shin ma mtsee kpaa ga,

Mpase U Yohane 7:17

gadia Waniyôngo u A lu ker atô u ikônough ki torough la Una hemen ve, Una za a ve hen ambor a mngerem ma umam, Aôndo Una ese ve mliam sha ashe kera cii.