YOHANE 4:10 - ICIGHAN BIBILO

¹⁰ Yesu gema kaa a na er: Wea fe iwua i Aôndo, man shi Un u A kaan a we er: nam mngerem, M̱ ma, ne yô, ma u sen Un, ma A ne u mngerem ma umam.

YOHANE 4:10 Iomraidhean Croise

Upasalmi 10:17

TERE, U ungwa isharen i mbaasemaleghlegh; U taver asema ve, U gema U ver ato sha u ungwan,

Upasalmi 46:4

Ifi ngu, u ukungômbamngerev nav ve ne gar u Aôndo a ember yô, ka icighanjiir u Uhembansha je la.

Ekesodu 17:6

Nenge, Me tile sha ishigh you keregh, sha vande u hen Horebi; gbidye vande la, tsô mngerem maa due ker, sha u ior vea ma yô. Mose er nahan sha ishigh ki mbatamen mba Iserael;

I Solomon 4:15

Hwembemnger u ken ishule, ijôr i mngerem ma umam, man uikuwanmbamngerev mba senen sha Lebanon.

Yesaia 12:3

Nahan yô, ka sha iember je né tsugh mngerem shin azôr a myom ye.

Yesaia 35:6

Tsô orkeer nana gba tsuwen er ashim nahan, man nombor u orkondoniker kpaa ua wa icam; gadia mngerem maa due shin inya ken taaikôngo kua uikuwanmbamngerev kpaa ken desereti.

Yesaia 42:6

Mo TER, M yila U sha perapera, M kôr u Uwegh, M kura U kpaa; M gema U, U hingir ikuryan i ior man iwanger i akuraior,

Yesaia 43:20

Inyamtoho ia civir Mo ugbaseela kua ukonkofi, sha ci u M ne mngerem ken desereti man uifi ken taaikôngo, sha u Me na ior Av mngerem ve̱ ma, ka uicuwan Av je la.

Yesaia 44:3

Gadia Me haa mngerem sha tar u imura i ker u yô, man uikuwanmbamngerev kpaa hen ikpoghonya; Me haa Jijingi Wam sha mbayev ou, kua iveren Yam kpaa sha tsombor wou;

Yesaia 49:10

Ijen ia kôr ve ga shin imura kpaa ga; mtsee u ahumbe a tseen man oo kpaa ua ta ve ga; gadia u A zungu ve mhôônom la, Una hemen ve, Una hemen ve gbenda, Una za a ve hen amboramnger.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yeremia 2:13

Gadia ior Av ve er aferakaa ahar: ve tam kera, Mo u M lu imbor i mngerem ma umam ne, ve gema ve time ahungwa a ombon mngerem shimi shin avande, ahungwa a ombon mngerem shimi a paven ikwe, a a fetyô u lun a mngerem shin mi ga yô.

Esekiel 16:35

Nahan yô, we idyakwase, ungwa kwaghôron u TER;

Sekaria 13:1

Sha iyange la imbormnger i lun ivegher ia lu sha ci u ya u Davidi man mbateman ken Yerusalem, sha ci u isholibo man mlu u wang ga.

Sekaria 14:8

Tsô sha iyange la mngerem ma umam maa due ken Yerusalem; tiôn u ma ugen una yem sha zegemnger u sha ityoughkitaregh man tiôn ugen shin zegemnger u shin ityôtar; fam kua inyom kpaa, á lu nahan.

Luka 11:13

Aluer ne mba ne lu mbaaferev je kpaa ne fa u nan ônov enev uiwua mba dedoo yô, man hire Ter wen u A lu Sha Una kera na mba ve sen Un la Icighan Jijingi ga yee?

YOHANE 16:3

Akaa angan vea er sha ci u ve fe Ter ga, Mo kpaa ve fem ga yô.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

YOHANE 3:16

Gadia tar ne doo Aôndo ishima je, nahan A na Wan Na u môm môm la sha er anti or u nan ne Un jighjigh yô, nana̱ de timin ga kpa nana̱ zua a uma u tsôron.

YOHANE 4:14

Kpa hanma or u nana ma mngerem ma Mo Me na nan yô, imura ia kera kôr nan mayange ga; kpa mngerem ma Me na nan mara, maa hingir imbormnger ken a nan, maa saar zan zan uma u tsôron.

YOHANE 6:35

Yesu kaa a ve er: Mo M ngu kwaghyan u uma; or u nana va her a Mo yô, ijen ia kera kôr nan mayange ga; man shi or u nana nam jighjigh yô, imura kpaa ia kera kôr nan mayange ga.

YOHANE 6:51

Mo M ngu kwaghyan u uma u a sen sha la; aluer anti or nana ya kwaghyan ne yô, nana lu uma gbem sha won. Man kwaghyan u Me na yô, ka iyol Yam je, sha ci u uma u tar.

Aerenakaa A Mbaapostoli 9:11

Ter kaa a na er: Mough sha, za sha gbenda u i yer u er Nôô la, hen ya u Yuda, tsô u za pine or iti na er Saulu, ka or u Tarsu, gadia nenge, ngu eren msen,

Mbaromanu 8:32

Un u Wan Na iyol Na je kpaa A tange ga kpa A gema Un A na sha ci wase cii yô, Una kera na se akaa cii a Na imôngo wuee ga yee?

1 Mbakorinte 1:30

Kpa ka Un A ne ne lu ken Kristu Yesu ye, Un u Aôndo gema Un A hingir se mfe man perapera man mtsegh man mpaa kpaa.

1 Mbakorinte 10:4

Shi ve cii kpaa ve ma kwaghman u sha inja i jijingi la môm je. Gadia ve lu man ken vande u sha inja i jijingi u u lu zan a ve ityô la. Vande la yô, lu Kristu je.

2 Mbakorinte 9:15

I̱ wuese Aôndo sha ci u iwua Na i i gande u ôron la.

Mbaefese 2:8

Gadia ka sha mrumun u sha mhôôn i yima ne ye, sha jighjigh u nan. Man kwagh ne yô, ka her a ven a dugh ga, ka iwua i Aôndo.

Mbaheberu 6:4

Gadia ve mba kwagh a vande wanger ve man ve kav iwua i Sha, man ve lu a kwar sha Icighan Jijingi

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.

Mpase U Yohane 21:6

Shi A kaa a mo er: I kure ve! Mo M ngu Alefa man Omega, mhii man mkur. Or u imura i ker nan yô, Mo Me na nan mngerem ma imbormnger i uma la gbilin.

Mpase U Yohane 22:17

Jijingi man kwasehe mba kaan er: Va! Or u nan lu ungwan kpaa nana̱ kaa er: Va! Or u imura i ker nan yô, nana̱ va. Or u i sar nan kpaa, nana̱ va, nana̱ va ngohol mngerem ma umam gbilin.

Mpase U Yohane 7:17

gadia Waniyôngo u A lu ker atô u ikônough ki torough la Una hemen ve, Una za a ve hen ambor a mngerem ma umam, Aôndo Una ese ve mliam sha ashe kera cii.