YOHANE 3:9 - ICIGHAN BIBILO

⁹ Nikodemu gema kaa a Na er: Ka sha hanma gbenda man akaa ne aa fatyô u erene?

YOHANE 3:9 Iomraidhean Croise

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Yesaia 42:16

Shi Me va a mbaapirashe sha gbenda u ve fe u ga yô; ka sha igbenda i ve fe i ga je, Me kar a ve ye; Me gema ime ia hingir iwanger sha ishiv vev; ajiir a lun gbeen gbe gbeen aa hingir vaanaa. Akaa ne yô, Me er a, Me de a ga.

Luka 1:34

Tsô Maria kaa a ortyom la er: Á er nan man kwagh ne una ere, gadia m ngu a fa nom ga?

YOHANE 3:10

Yesu gema kaa a Na er: We, u ngu ortesen u Iserael, man er nan u kav akaa ne ga?

YOHANE 3:4

Nikodemu kaa a Na er: Á er nan man á mar or zum u nan vande been iyol kera? Nana fatyô u shi nyôron ngô u nan ken uya, á shi á mar nana?

YOHANE 3:8

Ahumbe ka a karen sha ishima i a, u ungwa ihuran i a je, kpa u fa ape a dugh man henpe a ze kpaa ga. Kape hanma or u i mar nan ken Jijingi nan lu la.

YOHANE 6:52

Nahan Mbayuda gba akperan ayol a ve, kaan er: Or ne Una er nan man Una fatyô u nan se iyol Na, sé ya?

YOHANE 6:60

Mbahenen Nav mbagenev kpishi er ve ungwa kwagh ne nahan yô, ve kaa er: Kwaghôron ne ngu ican je; ka an nana fatyô, u veren ato sha mini?