YOHANE 3:5 - ICIGHAN BIBILO

⁵ Yesu gema kaa er: Mimi mimi je, M kaan we ne, saa á mar or sha mnger kua Jijingi, gayô, nana fatyô u nyôron tartor u Aôndo ga.

YOHANE 3:5 Iomraidhean Croise

Mateu 18:3

A kaa er: Ka mimi je, M kaan ne ne, saa né gema né hingir er mbayev mba kiriki nahan, gayô, mayange né nyôr tartor u Sha ga.

Mateu 19:24

Man shi M kaan ne Mer: Guda u rakumi á kar ken ihura i anura, a u ornyar nana̱ nyôr sha tartor u Sha.

Mateu 21:31

Nahan ken ve̱ mba uhar mbala, ka an nan er ishima i ter na? Ve kaa er: Ka u masejime la. Yesu kaa a ve er: Mimi je, M ngu kaan ne, mbangoholkpandegh man udyambaiorov mba vanden nyôron tartor u Aôndo a ven.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Mateu 3:11

Mo yô, m ngu eren ne batisema sha mnger u sha mgemshima tsô, kpa Un u A lu van mo ken ijime la, A hembam agee, akôvangahar a Na tsô kpaa, m kuma u me tôô a ga; Wen yô, Una er ne batisema sha Icighan Jijingi man sha usu kpaa;

Mateu 5:20

Gadia M ngu kaan ne Mer, saa di perapera wen una hemba u mbangeren man Mbafarishi la, gayô, nyôron yen sha tartor u Sha mayange ga.

Marku 10:14

Tsô Yesu nengen nahan yô, ishima vihi Un, A kaa a ve er: De nen mbayev mba kiriki, ve̱ va her a Mo; de kera yangen nen ve ga, gadia ka anza a mban ne je tartor u lu u ve ye.

Marku 16:16

U nana na jighjigh man á er nan batisema yô, á yima nan. Kpa u nana na jighjigh ga yô, á ôr nan ijir á na nan ibo.

Marku 9:47

Man shi aluer ishe you ia na u gbev mbu nôngon yô, dugh i kera; u ú nyôr sha tartor u Aôndo a ishe i môm yô, ka u guda a u ma u lu a ashe ahar ma i kende u ken gehena,

Luka 13:24

Nôngo nyôr nen hen hunda u hogholoo, gadia M kaan ne ne, ior kpishi vea nôngo u nyôron, kpa vea fatyô ga.

Luka 13:3

Me kaa ne, ka nahan ga; ne cii kpaa kape né tim ne, saa nea gema asema.

Luka 13:5

Me kaa ne, ka nahan ga, kape ne cii kpaa né tim ne, saa nea gema asema.

YOHANE 1:13

ka mba i mar ve sha awambe ga, shin sha ishima i iyolough kpaa ga, shin sha ishima i or kpaa ga, kpa ka Aôndo je mar ve ye.

YOHANE 3:3

Yesu gema kaa a na er: Mimi mimi je, M kaan we ne, saa á mar or hegh, gayô, nana fatyô u nengen tartor u Aôndo ga.

YOHANE 3:4

Nikodemu kaa a Na er: Á er nan man á mar or zum u nan vande been iyol kera? Nana fatyô u shi nyôron ngô u nan ken uya, á shi á mar nana?

Aerenakaa A Mbaapostoli 2:38

Nahan Peteru kaa a ve er: Gema nen asema, i̱ er hanmô wen batisema ken iti i Yesu Kristu sha mde u asorabo a en, tsô né ngohol Icighan Jijingi iwua je.

Aerenakaa A Mbaapostoli 3:19

Yô, zamber nen man gema nen ishima, sha u i̱ ese asorabo a en kera, man sha u ashighe a myôhôryol a sha ishigh ki Ter kpaa a̱ va sha a ven yô;

Mbaromanu 14:17

Gadia tartor u Aôndo yô, ka sha kwaghyan man kwaghman u lu ga, kpa ka sha perapera man bem man iember ken Icighan Jijingi u lu ye.

Mbaromanu 8:2

Gadia tindi u Jijingi u uma u a lu ken Kristu Yesu la pase u tuhwa sha ikev i tindi u isholibo man u kuugh la.

1 Mbakorinte 15:50

Kpa, anmgbianev, m ngu ôron ngun nahan mer: inyam man awambe fatyô u yan dyako u tartor u Aôndo ga, kwagh u a lu u hôôn la kpaa, ye dyako u kwagh u hôôn ga la ze.

1 Mbakorinte 2:12

Kpa se yô, ka jijingi u taregh se ngohol ga, kpa ka jijingi u A dugh her Aôndo la, sha u se̱ fa akaa a Aôndo A ne se sha mhôôn yô.

1 Mbakorinte 6:11

Kape ne mbagenev kpaa ne vande lun la. Kpa i ôô ne, i tsegha ne, i na ne ishô ken iti i Ter Yesu Kristu man sha Jijingi u Aôndo wase.

Mbagalatia 6:15

Icôngo ka kwagh ga, ipusu kpaa ka ma kwagh ga saa mgbe u ka i gba or hegh la.

Mbaefese 5:26

sha u Una tsegha u er A wanger u sha m-ee u A ôô u sha mnger sha kwaghôron Na,

1 Peteru 1:2

sha mtsengefan u Aôndo, sha mtsegh u sha Jijingi, u zan ken iko i wan man awambe a mishin a Yesu Kristu. I̱ seer ne mrumun u sha mhôôn kua bem wuee.

1 Peteru 3:21

Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku.

1 Yohane 2:29

Aluer ne fa er A lu u perapera yô, ne fa hanma or u eren perapera yô, ka Un a mar nan ye.

1 Yohane 5:1

Hanma or u nan ne jighjigh er Yesu ka Kristu yô, ka Aôndo A mar nan ye, man hanma or u Ter A doo nan ishima yô, un u A mar la kpaa, una doo nan ishima.