YOHANE 3:3 - ICIGHAN BIBILO

³ Yesu gema kaa a na er: Mimi mimi je, M kaan we ne, saa á mar or hegh, gayô, nana fatyô u nengen tartor u Aôndo ga.

YOHANE 3:3 Iomraidhean Croise

Yeremia 5:21

Shi ungwa nen kwagh ne, ne ior mba lanen kwagh man mbakavenkwagh kpaa ga; ne mba ne lu a ashe, kpa ne mba nengen ga; ne mba ne lu a ato, kpa ne ongo ga ne.

Esekiel 36:26

Me na ne ishima i he man Me wa jijingi u he ker a ven; Me dugh iwenshima ken iyol yen kera, man Me na ne ishima i inyam.

Mateu 16:17

Yesu gema kaa a na er: Saan we iyol Shimon, wan u Yona, gadia ka or nan pase u nahan ga, kpa ka Terem u A lu Sha la.

Mateu 19:24

Man shi M kaan ne Mer: Guda u rakumi á kar ken ihura i anura, a u ornyar nana̱ nyôr sha tartor u Sha.

Mateu 21:31

Nahan ken ve̱ mba uhar mbala, ka an nan er ishima i ter na? Ve kaa er: Ka u masejime la. Yesu kaa a ve er: Mimi je, M ngu kaan ne, mbangoholkpandegh man udyambaiorov mba vanden nyôron tartor u Aôndo a ven.

Mateu 5:18

Gadia mimi je M kaan ne ne, zan zan Sha man tar kpaa vea kar kera je, kpa mayange ishangekwagh môm shin anikav môm tsô kpaa una kough ken atindiakaa kera ga, zan zan akaa cii aa kure sha mi vough.

Marku 10:14

Tsô Yesu nengen nahan yô, ishima vihi Un, A kaa a ve er: De nen mbayev mba kiriki, ve̱ va her a Mo; de kera yangen nen ve ga, gadia ka anza a mban ne je tartor u lu u ve ye.

Marku 9:47

Man shi aluer ishe you ia na u gbev mbu nôngon yô, dugh i kera; u ú nyôr sha tartor u Aôndo a ishe i môm yô, ka u guda a u ma u lu a ashe ahar ma i kende u ken gehena,

YOHANE 1:13

ka mba i mar ve sha awambe ga, shin sha ishima i iyolough kpaa ga, shin sha ishima i or kpaa ga, kpa ka Aôndo je mar ve ye.

YOHANE 1:5

Iwanger la ngi anem ken ime, kpa ime la hemba i ga.

YOHANE 1:51

Shi A kaa a na er: Mimi mimi je, M kaan ne ne, né va nenge á bugh Sha man mbatyomov mba Aôndo vea kôndon vea senen sha Wan u or.

YOHANE 12:40

A pir ve ashe, shi A cighir ve asema kpaa, sha u ve̱ de nengen sha ashe ve ga yô, shi ve̱ de kaven ken ishima man ve̱ gema ishima, M̱ war ve ga.

YOHANE 3:4

Nikodemu kaa a Na er: Á er nan man á mar or zum u nan vande been iyol kera? Nana fatyô u shi nyôron ngô u nan ken uya, á shi á mar nana?

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

2 Mbakorinte 5:17

Nahan yô, aluer or ngu ken Kristu yô, i gba nan hegh je ve, akaa a tse la kar kera, nenge a hingir a he.

Mbagalatia 6:15

Icôngo ka kwagh ga, ipusu kpaa ka ma kwagh ga saa mgbe u ka i gba or hegh la.

Mbaefese 2:1

Man ne kpaa, A na ne uma, ne mba ne lu kpenegh ken gbev mbu nôngon kua asorabo a en

Duteronomi 29:4

kpa zan zan hegen TER ngu a na ne ishima i kaven man ashe a nengen man ato a ungwan ga.

Titu 3:5

A yima se, lu sha aeren a ase a perapera ga, kpa lu sha mhôônom ma zungwen Nam iyol Na lu sha m-ee u i ôô se sha mmar u he, man sha mgem u he u sha Icighan Jijingi

Yakobu 3:17

Kpa kwaghfan u a dugh Sha yô, hiihii ka u wang, shi ka u bem kpaa, man u sar sar, man u norom ikaa ga, a iv a mhôônom ma zungwen kua atam a dedoo, ka u sangen sha dooshima ga man shi u imangeregh kpaa ga.

1 Peteru 1:3

I̱ wuese Aôndo, Ter u Ter wase Yesu Kristu u A mar ne hegh sha mhôônom Nam ma zungwen ma vesen er se̱ lu a ishimaverenkeghen i i lu uma sha mnder u Yesu Kristu shin mbakpenev la,

1 Yohane 2:29

Aluer ne fa er A lu u perapera yô, ne fa hanma or u eren perapera yô, ka Un a mar nan ye.

1 Yohane 3:9

Hanma or u Aôndo A mar nan yô, nan eren isholibo ga, gadia vor Na ngu ker a nan; man nana fatyô u eren isholibo ga, gadia ka Aôndo A mar nan ye.

1 Yohane 5:1

Hanma or u nan ne jighjigh er Yesu ka Kristu yô, ka Aôndo A mar nan ye, man hanma or u Ter A doo nan ishima yô, un u A mar la kpaa, una doo nan ishima.

1 Yohane 5:18

Se fa, hanma or u Aôndo mar nan yô, nan eren isholibo ga, kpa u Aôndo a mar nan yô, nan kor a kura iyol i nan, mayange Orbo benden nan ga.

1 Yohane 5:4

Gadia hanma kwagh u Aôndo A mar yô, hembe tar; man mhembe shon u a hembe tar yô, ka un ne; ka jighjigh wase u nan.

Mpase U Yohane 3:14

Nger hen ortyom u nongo u Kristu u hen Laodishia wer: Un u a lu Amen, Orshiada u jighjigh man u mimi, mhii u igbetar i Aôndo ngu ôron akaa ne nahan er: