YOHANE 3:29 - ICIGHAN BIBILO

²⁹ Or u nan lu a kwasehe yô, ka orkwasehe je la; kpa ikar u orkwasehe u a til a ongo imo na yô, ka a ember kpishi sha ci u imo i orkwasehe; nahan iember yam ne kpaa i iv ve;

YOHANE 3:29 Iomraidhean Croise

I Solomon 3:11

Due nen, ne ônkasev mba Shion, nenge nen tor Solomon, a tsar u sha ityou u ngô na kange un sha iyange i a er kwase la, sha iyange i iember na i ken ishima la.

I Solomon 5:1

M va ken sule wam, anngômkwase, kwasehe, m kohol mire wam kua ilyôghonov yav; m ya ikpayough kua zaryoughough wam; m ma wain wam kua atumbabua am. Ya nen ase akar, ma nen, een, ma nen i̱ kuma ne, ne mbadoonshima.

Yesaia 54:5

Gadia u A gbe u la, ka nomu je la, iti Na er, TER u akum a Sha je; man Icighan u Iserael ka Orpaan wou; á yila Un er Aôndo u sha won cii.

Yesaia 66:11

sha er né ambe atumba a na a surun ishima, á kuma ne gbing gbing yô, sha er né kam atumba, man á doo ne ken ishima sha mngee u icivir na.

Yeremia 2:2

Za, za yila sha ato a Yerusalem, kaa Wer: TER ngu kaan nahan er: Sha kwagh wou yô, M umbur erdoo u iyev ou man dooshima u ivaa you, er u dondo sha a Mo ken taaikôngo, hen tar u i lee kwagh her ga yô.

Esekiel 16:8

Nahan zum u M kar her a we, man M kenger we yô, nenge, shighe wou u doon ishima kuma; nahan M haa u riga wam iyol, M cir u idyelegh wou; een, M bum a we man M tôndo zwa a we, kape Ter AÔNDO A kaa ne, nahan u hingir u Wam.

Hosea 2:19

Me kange zwa a we u bunden mayange ga; een, Me kange zwa a we sha perapera, man sha ijirôron i mimi man sha erdoo man sha mhôônom ma zungwen.

Mateu 22:2

Tartor u Sha ngu er tor ugen u a er wan na iniongo i kwasehe.

Mateu 25:1

Tartor u Sha ua lu inja er anuunaukase pue, a a tôô amenger a ve, ve due sha u za keghen orkwasehe gbenda.

Mateu 9:15

Yesu kaa a ve er: Mbayaren iniongo i kwasehe vea fatyô, u zungwen zum u orkwasehe a lu a ve imôngo laa? Kpa ayange nga van a á tôô ve orkwasehe kera; ka zum la man vea hôr kwaghyan ye.

Luka 15:6

Va nyer ken ya yô, nan yila akar a nan man mba ve we ndor a nan, ve̱ va kohol her a nan nan gba kaan a ve er: Ember nen a mo imôngo, gadia m zua a iyôngo yam i i saa la ve!

YOHANE 15:11

Akaa angan M ôr ne sha er iember Yam i̱ lu ken ven, iember yen i̱ hôm kpaa yô.

YOHANE 16:24

Zan zan hegen ne mba a sôn kwagh ken iti Yam ga. Sôn nen, né ngohol, sha u iember yen ia hôm yô.

YOHANE 17:13

Kpa hegen yô, M ngu van hen we, man akaa angan M ngu ôron shin tar ne sha er vea iv a iember Yam gbing yô.

YOHANE 3:30

Un yô, ka u Una seer a seer keng, kpa mo yô, ka u me pande di a pande keng je.

2 Mbakorinte 11:2

Gadia m ngu a ishima i tseen sha kwagh wen je, ka imbashima i tseen i Aôndo la, m ver ne sha ci u nom môm sha u me na ne hen Kristu er ka iniunkwase i lun wang nahan.

Mbafilipi 2:2

iv nen iember yam, lu nen a ishima i veren môm, lu nen ken dooshima môm, lu nen ishima i môm, lu nen a mhen môm kpaa.

1 Yohane 1:4

Akaa ne yô, se mba ngeren ne a sha er iember yase ia hôm yô.

2 Yohane 1:12

M ngu a akaa kpishi a ma m nger ne, kpa sarem ka ngeren sha takerada man sha inki ga, kpa m ver ishima u van her a ven, me ôr kwagh a ven sha zwa je, sha er iember yase ia hôm yô.

Mpase U Yohane 21:9

Tsô u môm ken mbatyomov mba Shaav mba utaankaruhar mba ve lu a agbande ataankarahar a a iv a atsan a ataankarahar a masetyô la, a va ôr kwagh a mo, a kaa er: Va heen, m̱ tese u kwasehe, ka kwase u Waniyôngo je la.