YOHANE 3:15 - ICIGHAN BIBILO

¹⁵ sha er anti or u nan ne Un jighjigh yô, nana̱ zua a uma u tsôron.

YOHANE 3:15 Iomraidhean Croise

Yesaia 11:10

Sha iyange la, mise u Yese ua lu er tuta u i tim u sha sha ci u ior; ka hen u man akuraior aa ver ishigh ye; ijiir i u i memen kpaa ia engem.

Yesaia 45:22

Gema nen her a Mo, i̱ yima ne, ne akighir a tar cii; gadia M ngu Aôndo, mô ugen kpaa ngu ga.

Numeri 21:9

Tsô Mose ker iyô i togula, hambe i sha ityô; nahan or u iyô i nyom nan nan kenger sha iyô i togula la yô, nan war je.

Mateu 18:10

Ver nen ishima, de lahan nen u môm ken mbakiriki mban ga, gadia M ngu kaan ne Mer, mbatyomov vev mba Shaav mba kenger ishigh ki Terem u A lu sha la gbem.

Mateu 25:46

Mbala vea kar vea yem ken mtsaha u tsôron; kpa mbaperapera yô, vea nyôr ken uma u tsôron.

Marku 16:16

U nana na jighjigh man á er nan batisema yô, á yima nan. Kpa u nana na jighjigh ga yô, á ôr nan ijir á na nan ibo.

Luka 19:10

Gadia Wan u or va sha u keren man u yiman kwagh u a saa yô.

YOHANE 1:12

Kpa mba ve rumun Un la yô, ve cii A na ve tahav mbu vea hingir ônov mba Aôndo, ka mba ve ne iti Na jighjigh je la;

YOHANE 16:33

Akaa ne M ôr ne sha u né lu a bem ken a Mo yô. Shin tar ne yô, ican ngi eren ne; kpa taver nen asema, Mo M hemba tar ne.

YOHANE 20:31

kpa mban yô, i nger ve sha er ne̱ na jighjigh er Yesu A lu Kristu, Wan u Aôndo je yô, er ne̱ zua a uma ken iti Na er ne ne jighjigh yô.

YOHANE 3:16

Gadia tar ne doo Aôndo ishima je, nahan A na Wan Na u môm môm la sha er anti or u nan ne Un jighjigh yô, nana̱ de timin ga kpa nana̱ zua a uma u tsôron.

YOHANE 3:36

U nan ne Wan jighjigh yô, nan ngu a uma u tsôron; kpa u nan hembe Wan ato yô, nana nenge a uma ashe ga, kpa iyugh i Aôndo ngi sha a nan.

YOHANE 5:24

Mimi mimi je, M kaan ne ne, or u nan ongo kwaghôron Wam man nan ne Un u A tindim la jighjigh yô, nan ngu a uma u tsôron, nan ngu van hen ijirôron kpaa ga, kpa nan due ken ku, nan nyôr ken uma ve.

YOHANE 6:27

De kera eren nen tom sha ci u kwaghyan u a saan ishe ga, kpa i̱ lu sha ci u kwaghyan u a lu zan zan uma u tsôron, u Wan u or Una na ne yô, gadia Aôndo Ter, ver ikav sha a Na.

YOHANE 6:40

Gadia ishima i Terem ka i ne: Hanma or u nan nenge a Wan, shi nan ne Un jighjigh yô, nana̱ zua a uma u tsôron, man Mo kpaa Me nder nan sha iyange i masetyô.

YOHANE 6:47

Mimi mimi je, M kaan ne ne, or u nan ne jighjigh yô, nan ngu a uma u tsôron.

Aerenakaa A Mbaapostoli 13:41

Nenge nen, ne mba ne lahan ne, i̱ kpiligh ne iyol, tim nen, gadia M ngu eren tom ugen ken ayange a en; ka tom u mayange né rumun u jighjigh ga yô, shin aluer orgen nana pase ne u je kpaa.

Aerenakaa A Mbaapostoli 8:36

Tsô mba ngur yemen sha gbenda yô, ve za ar hen mnger. Or u eren tom ken ya u tor la kaa er: Mngerem kpaa man, man ka nyi je i yange u eren mo batisema? [

Mbaromanu 5:21

Ka sha u, er isholibo i tema tor sha ku yô, kape mrumun u sha mhôôn di kpaa a̱ tema tor sha perapera u zan ken uma u tsôron sha Yesu Kristu Ter wase la.

1 Mbakorinte 1:18

Gadia kwaghôron u terankon ka mba ve lu timin la ibumekwagh, kpa se mba i lu yiman se yô, gema ka se agee a Aôndo je.

2 Mbakorinte 4:3

Aluer ivangeli yase shi ngi ior myer her yô, ka mba ve lu timin la tsô i lu ve myer her ye.

Mbagalatia 2:16

Se fa or gbe zuan a ishô sha aeren a sha tindi ga, kpa ka sha jighjigh u nan ken Kristu Yesu. Man se ayol a ase kpaa se na Kristu Yesu jighjigh, sha u ma i ne se ishô sha jighjigh u nan u ken Kristu, i kera lu sha aeren a tindi ga. Gadia sha aeren a tindi yô, ma or u umace nana zua a ishô ga.

Mbagalatia 2:20

I mandem sha terankon a Kristu imôngo; m kera ngu uma ga, kpa Kristu ngu uma ken mo. Man uma u m lu uma ken iyol hegen ne yô; ka sha jighjigh u nan ken Wan u Aôndo u m doo Un ishima man A gem A ne iyol Na sha ci wam la, man m lu uma ye.

Mbaheberu 10:39

Kpa se yô, se mba mbahirenjime sha u za saan ishe ga, kpa se mba mbananjighjigh sha er uma una war yô.

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.

1 Yohane 2:25

Man ityendezwa i A tende a vese ne yô, ka uma u tsôron.

1 Yohane 5:1

Hanma or u nan ne jighjigh er Yesu ka Kristu yô, ka Aôndo A mar nan ye, man hanma or u Ter A doo nan ishima yô, un u A mar la kpaa, una doo nan ishima.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.