YOHANE 3:11 - ICIGHAN BIBILO

¹¹ Mimi mimi je, M kaan we ne, se mba er kwagh u se fe, man shi se mba pasen kwagh u se nenge yô, kpa ne mba rumun mpase wase la ga.

YOHANE 3:11 Iomraidhean Croise

Yesaia 50:2

Ka sha ci u u nyi man zum u M va la, M kohol ma or ga? Zum u M yila kpaa, ma or vengese ga? Uwegh Agh kôvor, je kua kera fatyô u paan gaa? Shin M ngu a tahav mbu Me yiman gaa? Nenge, sha mzehe Wam ka M uma zegemnger, ka M gema uifi ve hingir desereti, ishu ve kpaa i human sha ci u mngerem ma ga yô, i kpe sha ci u imura.

Yesaia 53:1

Ka an je nan ne kwagh u i pase se la jighjighii? Man i pase uwegh ku TER hen ana?

Yesaia 55:4

Nenge, M ver un Mer, a̱ lu shiada hen ior a̱ lu orhemen man orwan akuraior kwagh.

Yesaia 65:2

M shi dughun ave didi sha ior mba hendan akaa, mba ve zenden sha gbenda u dedoo ga, sha mbamhen vev ayol a ve la;

Mateu 11:27

Akaa cii Terem gema a, wam sha ikev, man shi ma or fa Wan ga, saa Ter tseegh, man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

Mateu 23:37

Yerusalem, Yerusalem, we u u woo uprofeti man u te mba i tindi ve her a we, awen ne; ka acin a me je man i lum pe kohol ônov er ngôikegh ka a kohol ônov nav shin akper a na nahan, kpa ne rumun ga!

Luka 10:22

Akaa cii Ter gema a wam sha ikev; man shi ma or fa Wan ga, saa Ter tseegh; man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

YOHANE 1:11

A va hen ya Na kpa ior Nav rumun Un ga.

YOHANE 1:18

Aôndo yô, mayange ma or ngu a nenge a Na ga; Wan u môm môm u A lu sha ikum i Ter la, ka Wen je A va ne i fe Un ye.

YOHANE 12:49

Gadia M gba ôron kwagh sha tahav Av ga; kpa ka Ter u A tindim la je, A nem tindi sha kwagh u Me kaa man shi Me ôr kpaa ye.

YOHANE 14:24

Or u M doo nan ishima ga yô, nan we kwaghôron Wam iko ga; kwaghôron u ne ongo ne kpaa, ka u Wam ga, kpa ka u Ter u A tindim la.

YOHANE 3:12

Aluer Me ôr ne akaa a taregh man ne na jighjigh ga yô, á er nan man Me ôr ne akaa a Sha, ve né na jighjighi?

YOHANE 3:13

Man shi mayange or ngu a kôndo nan yem Sha ga, saa di Un u A hongo Sha la tsô, ka Wan u or u A dugh Sha je la.

YOHANE 3:3

Yesu gema kaa a na er: Mimi mimi je, M kaan we ne, saa á mar or hegh, gayô, nana fatyô u nengen tartor u Aôndo ga.

YOHANE 3:5

Yesu gema kaa er: Mimi mimi je, M kaan we ne, saa á mar or sha mnger kua Jijingi, gayô, nana fatyô u nyôron tartor u Aôndo ga.

YOHANE 5:43

Mo M va ken iti i Terem, kpa ne rumun Mo ga; aluer orgen nana va ken iti i nan iyol i nan yô, ka nan je né rumun nan ye.

YOHANE 7:16

Tsô Yesu gema kaa a ve er: Ityesen i M tesen, ka i Yam ga, kpa ka i Un u A tindim la.

YOHANE 8:14

Yesu gema kaa a ve er: Shin er M pasen kwagh Wam iyol Yam nahan kpaa, mpase Wam ka u mimi je; gadia M fa ape M dugh, man shi hen ape M lu zan la kpaa; kpa ne yô, ne fa ape M dugh man hen ape M lu zan la ga.

YOHANE 8:26

M ngu a akaa kpishi a ma M er sha kwagh wen man a ma M er ijir sha mi kpaa, kpa Un u A tindim la ka u mimi je; ka akaa a M ongo her a Na je M er tar ye.

YOHANE 8:38

Ka akaa a M nenge hen Terem la je M lu ôron kwagh sha mi ye; man ne kpaa ka di akaa a ne ongo hen ter wen la je ne lu eren ye.

Aerenakaa A Mbaapostoli 22:18

m nenge a Na, A lu kaan a mo er: Due ken Yerusalem fese, gadia vea rumun shiada u we u lu eren sha kwagh Wam la ga.

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

Mpase U Yohane 1:5

man shi hen Yesu Kristu, Orshiada u jighjigh, ka Waniunda u ken mbakpenev man ka Tor u tamen sha utor mba sha won kpaa. Un u se doo Un ishima man A sagh se A due a vese ken asorabo ase kera sha awambe a Na

Mpase U Yohane 3:14

Nger hen ortyom u nongo u Kristu u hen Laodishia wer: Un u a lu Amen, Orshiada u jighjigh man u mimi, mhii u igbetar i Aôndo ngu ôron akaa ne nahan er: