YOHANE 21:22 - ICIGHAN BIBILO

²² Yesu kaa a na er: Aluer ka ishima Yam sha u una lu zan zan Me kar van yô, ka nyi you i lu sha mi? We yô, gba dondon sha a Mo tsô.

YOHANE 21:22 Iomraidhean Croise

Mateu 16:24

Tsô Yesu kaa a mbahenen Nav er: Aluer anti or a sar nan pe van a mo ityô yô, nana̱ nyiman iyol i nan, nana̱ tôô terankon u nan, nana̱ dondo sha a Mo.

Mateu 24:27

Gadia er inyiar ka i nyiar sha ityoughkitaregh man i wanger i mande shin ityôtar nahan kape m-ande u Wan u or kpaa una lu la.

Mateu 24:3

Tsô za tem sha uwo u Olev yô, mbahenen va her a Na, ve tseegh, ve kaa er: Kera kaa ase se yôô, ka hanma shighe man akaa ne aa ere? Man ka nyi ia lu ikav i sha mve Wou la man i mkurtara?

Mateu 24:44

Nahan yô, ne kpaa kohol nen iyol gadia ka hen shighe u ne ver ishima ga la je, Wan u or Una va ye.

Mateu 25:31

Kpa zum u Wan u or Una va sha iengem Na a mbatyomov mba Shaav cii a Na imôngo yô, zum la Una tema sha ikônough Nagh ki torough ki engem la;

Mateu 8:22

Kpa Yesu kaa a na er: Dondo sha a Mo, de mbakpenev ve̱ ii mbakpenev vev.

Marku 9:1

A kaa a ve er: Mimi je, M kaan ne ne, mba ve til heen ne, mbagenev ker ka mba vea kpe mayange ga, saa vea vande nengen tartor u Aôndo ua va sha agee ve.

YOHANE 21:19

A ôr kwagh ne nahan lu sha inja i kuugh i una civir Aôndo a mi yô. Kaan ngun nahan yô, A kaa a na er: Dondo sha a Mo.

YOHANE 21:21

Tsô Peteru nengen a na yô, a kaa a Yesu er: Tere, man ngun ye?

1 Mbakorinte 11:26

Gadia hanma shighe u nea yaan bredi ne man shi nea maan iyôngo ne yô, ka ku u Ter je ne lu yôôn u ye; zan zan Una kar van.

1 Mbakorinte 4:5

Nahan yô, de gbe ôron nen ma ijir er shighe a lu a kuma ga la ga, saa Ter Una va Una due a akaa a myer a ken ime la, Una va a mi ken iwanger, man Una pase mbaawashima mba ken asema a ior kpaa, ka ken shighe la man hanma or nana zua a iwuese i nan hen Aôndo ye.

1 Mbatesalonika 2:19

Gayô, ka nyi i lu ishimaverenkeghen yase, shin iember yase shin tsar wase u ihagh u sha ityou laa? Kera ka ne je sha ishigh ki Ter wase Yesu sha m-ande Na gaa?

Yakobu 5:7

Nahan anmgbianev, wa nen ishima zan zan m-ande u Ter. Nenge orsule ka nan kegh iyiagh ki taregh ki injaagh, nan wa ishima a mi zan zan ura u he man shi u masetyô u nôô sha mi.

Yakobu 5:8

Ne kpaa, wa nen ishima nahan, taver nen asema a en gadia m-ande u Ter mgbôghom ikua ikua je.

Mpase U Yohane 1:7

Nenge, ngu van sha abeen man hanma ashe aa nenge a Na, kua ve mba ve kuma Un la kpaa. Akuraior a sha won cii aa vaa sha ci Na. Kape i lu je la. Amen.

Mpase U Yohane 2:25

Kpa kwagh u ne lu a mi la yô, kusu nen un gbang gbang zan zan Me kar van.

Mpase U Yohane 22:20

Un u A er shiada sha akaa ne ngu kaan er: Een, M ngu van fefa. Amen, va, Ter Yesu.

Mpase U Yohane 22:7

Nenge, M ngu van fefa. Or u nan we akaaôron a profeti a ken ruamabera ne iko yô, saan nan iyol.

Mpase U Yohane 3:11

M ngu van fefa. Kusu kwagh u u lu a mi la gbang gbang sha u ma or nana̱ de ngohol we tsar ga yô.