YOHANE 20:15 - ICIGHAN BIBILO

¹⁵ Yesu kaa a na er: Kwase, ka nyi u vaa? U ngu keren ana? Kpa un lu er ka orsule, nahan a kaa a na er: Tere, aluer Wea tôô Un yô, kaam ape U za ver yô, m̱ za m̱ za tôô.

YOHANE 20:15 Iomraidhean Croise

I Solomon 3:2

Yô, me mough hegen, me zende ken gar, sha igbenda kua ityembe, me ker un u a doom ishima la; m ker un, kpa m zua a na ga.

I Solomon 6:1

Ka han u a doo u ishima la a ze, we u udoo ashe, u hembe kasev cii ne? Ka han u a doo u ishima la a ver ishigh, er sé ker un a we imôngo?

Mateu 12:34

Ne ônov mba igbindev, á er nan man ne mba ne lu mbaaferev, né ôr akaa a doono? Gadia ka sha m-iv u ken ishima man zwa u er kwagh ye.

Mateu 28:5

Kpa ortyom u Sha la gema kaa a kasev mbala er: De cie nen ga, gadia m fa ka Yesu u i mande Un sha terankon la ne keren ye.

Marku 16:6

Kpa a kaa a ve er: I̱ de kera cier ne iyol ga; ne mba keren Yesu u Nasareti, u i mande Un sha terankon. A nder, ngu heen ga; nenge nen henpe i ver Un la.

Luka 2:44

Kpa ve lu henen er, ngu ken ikpelaior, nahan ve yem zan zan zende u sha iyange i môm, ve gba za keren Un hen anmgbianev vev man hen mba ve fe ve yô;

Luka 24:5

Cier ve iyol ve kuma ishiv inya, tsô mbala kaa a ve er: Ka nyi ne keren or u uma hen mbakpeneve?

YOHANE 1:38

Yesu gem ashe yô, A nenge a ve van Un ijime, A kaa a ve er: Ka nyi ne kerene? Ve kaa a Na er: Rabi (inja na yô er, Ortesen) U tem hana?

YOHANE 18:4

Kpa er Yesu fa akaa a á va er Un cii yô, A due A za kaa a ve er: Ka an ne kerene?

YOHANE 18:7

Tsô Yesu shi pine ve er: Ka an ne kerene? Ve kaa er: Ka Yesu u Nasareti.

YOHANE 20:13

Tsô ve kaa a na er: Kwase, ka nyi u vaa? a kaa a ve er: Ka sha ci u ve tee Terem kera yô, man m fa ijiir i ve za ver Un la ga.

1 Samuel 1:16

De kera henen wer kpan wou u kwase ka dangkwase ga; gadia ka sha mvihi u ishima i vihim yum man mbam u i bamen mo la m er kwagh zan zan hegen ye.