YOHANE 2:24 - ICIGHAN BIBILO

²⁴ Kpa Yesu yô, na ve jighjigh ga A na iyol Na sha ikev ve kpaa ga, sha ci u A fe ior cii,

YOHANE 2:24 Iomraidhean Croise

1 Utor 8:39

ungwa Sha, sha ijiir i teman You, de nan isholibo, er sha mi, na hanma or sha ieren i nan cii, er U fe ishima i nan yô (gadia ka We tseegh U fa ishima i ônov mba iorov cii ye);

1 Kroniku 28:9

Nahan yô, we wan wam Solomon, fa Aôndo u teru, civir Un a ishima i môm man ishima i gbar gbar kpaa; gadia TER tev asema cii, man A kar hanma mhen cii. Aluer ú ker Un yô, ú zua a Na; man aluer ú undu Un yô, Una ta u kera, Una hunde ishima a we gbem je.

1 Kroniku 29:17

Shi m fa kpaa, Aôndo wam, U kar ishima, perapera doo U. Mo iyol yam yô, ka sha ishima yam i wang je, m ne akaa ne cii gbar gbar ye; hegen yô, ka sha iember je, m nenge ior Ou, mba ve kohol heen, ve ne U akaa gbar gbar ye.

Yeremia 17:9

Ishima i wa atseregh je hemba hanma kwagh cii, i vihi je gande; ka an nana fatyô u fan i?

Mateu 9:4

Man er Yesu fa mbamhen vev yô, A kaa er: Ka nyi ne henen kwagh u bo ken asema a ene?

Marku 2:8

Yesu kav ken ishima er ve henen ken asema a ve nahan yô; tsô A kaa a ve er: Ka nyi ne henen akaa ne ken asema a ene?

YOHANE 1:42

A kua a na a va a na hen Yesu. Yesu kenger un kaa er: We u ngu Shimon, wan u Yona, á masen yilan we er Kefa (inja na yô er Peteru).

YOHANE 16:30

Hegen se fa U fa akaa cii, kera gba U u ma or nana pine U kwagh ga, ka nahan je man se ne jighjigh er U dugh her Aôndo ye.

YOHANE 21:17

A pine un sha kwa tar er: Shimon, wan u Yona, M doo wee? Ishima vihi Peteru sha ci u a pin un sha kwa tar er: M doo wee, yô. Tsô a kaa a Na er: Tere, U fa akaa cii, U fa er U doom yô. Yesu kaa a Na er: Koson iyôngo Yam.

YOHANE 4:16

A kaa a na er: Za yila nomu, man ú hide heen ye.

YOHANE 5:42

Kpa M fa ne, ne mba a dooshima u Aôndo ken asema a en ga.

YOHANE 6:15

Tsô er Yesu kav er ve sôôn u kôron Un sha apera, nan Un tor nahan yô, A shi A kar, A yem sha uwo, Un tswen.

YOHANE 6:64

Kpa mbagenev mba ker a ven mba ve ne jighjigh ga yô. Gadia sha hiihii je Yesu fa mba ve ne Un jighjigh ga, shi A fa un u una nenge Un mker la kpaa.

Aerenakaa A Mbaapostoli 1:24

Ve er msen, ve kaa er: We, Ter u U fe asema a ior cii ne, ior mba uhar mban ne, tese or u U tsough nan la,

Aerenakaa A Mbaapostoli 15:8

Man Aôndo u A fe or ishima yô, A er ve shiada sha mne u A na ve Icighan Jijingi la er lu na se nahan kpaa la.

Duteronomi 31:21

Tsô zum u akaavihin kpishi man atsan aa tser ve yô, icam ne ia pase kwagh sha ishigh vegh er ka shiada yô; gadia ia hungul ken zwa u tsombor ve ga, gadia M fa mhen ve u ve lu a mi nyian ne, je er M lu a za a ve ken tar u M bum a ve la ga yô.

Mbaheberu 4:13

Ma kwagh u i gbe sha won kpaa ngu myer sha ishigh Nagh ga, akaa cii nga gbar gbar, i tar a tar a kpaa sha ashe a Wen u kwagh a zough se a Na la.

Mpase U Yohane 2:23

man Me wua ônov nav sha ku. Iniongo i Kristu cii ia fa er i lu Mo je M tim ahi man asema ye; man Me na ne injar sha inja i aeren a en ser ser.

1 Samuel 16:7

Kpa TER kaa a Samuel er: De kenger mluyol na ga, shin ityaven na kpaa ga; gadia a kumam ga, gadia mnenge u TER ngu er mnenge u or nahan ga; gadia or nengen mluashe u ken won, kpa TER yô, nengen ken ishima.