YOHANE 2:23 - ICIGHAN BIBILO

²³ Man er A lu ken Yerusalem sha iniongo i Paseka la yô, ior kpishi na iti Na jighjigh er ve nenge uivande mba A lu eren la yô.

YOHANE 2:23 Iomraidhean Croise

Luka 8:13

Mba sha ikuu mbala yô, ka mba zum u ka vea ungwa la ve rumun kwaghôron la saan saan, kpa ve kera lu a amise ga, ve na jighjigh sha anyangem kpeghee tsô, kpa shighe u imeen ia va yô, ve hide ijime.

YOHANE 11:45

Nahan ior kpishi ken Mbayuda mba ve va hen Maria mba nengen kwagh u A er la yô, ve na Un jighjigh.

YOHANE 2:11

Ivande i hiihii ne yô, Yesu er ken Kana u Galilia, A tese icivir Na ken igbar; mbahenen Nav kpaa na Un jighjigh.

YOHANE 2:13

Paseka u Mbayuda mgbôghom yô, Yesu za ken Yerusalem.

YOHANE 3:2

Un va her a Na tugh, va kaa a na er: Rabi, se fa U ngu ortesen, ka sha Aôndo U ve ye, gadia ma or nana fatyô u gban eren uivande mba U eren ne ga, saa Aôndo Una lu a nan.

YOHANE 4:45

Tsô nyer ken Galilia yô, ior mba ken Galilia rumun Un, sha ci u ve nenge akaa a A er ken Yerusalem sha iniongo la cii yô, gadia ve kpaa ve za iniongo la.

YOHANE 5:36

Kpa Mo M ngu a mpase u sha kwagh Wam u a hembe u Yohane la yô; gadia ityom i Ter A nem er M̱ kure i ne, ka ityom i M eren i ne je i lu pasen kwagh Wam er Ter A tindim ye.

YOHANE 6:14

Tsô ior mba nengen ivande i A er nahan la yô, ve kaa er: Mimi je, ngun ka profeti u i ongo er ngu van shin tar je ne.

YOHANE 6:2

Ikpelaior kpishi cir Un ijime sha ci u ve nenge uivande mba A er sha mbauangev yô.

YOHANE 7:31

Kpa mbagenev ken ikpelaior kpishi na Un jighjigh, ve kaa er: Zum u Kristu Una va yô, Una er uivande vea hemba ngeen a mba Or ne A eren nee?

Mbagalatia 5:6

Gadia ken Kristu Yesu yô, icôngo kera ngi a ma inja ga shin ipusu kpaa ga, saa di jighjigh u nan u a eren tom sha dooshima yô.

1 Yohane 3:23

Tindi Na yô, ka un ne: ka u sé na iti i Wan Na Yesu Kristu jighjigh man shi ka u se̱ doo ayol a ase er A na se tindi nahan.