YOHANE 2:22 - ICIGHAN BIBILO

²² Nahan zum u i nder Un shin mbakpenev kera la, mbahenen nav umbur er lu kaa kwagh ne yô. Tsô ve na icighanruamabera jighjigh man kwaghôron u Yesu lu ôr la kpaa.

YOHANE 2:22 Iomraidhean Croise

Upasalmi 16:10

Gadia Ú undu uma wam shin Sheol ga; man shi U de Wer, un u i doo U a na la a̱ nenge a ijiir i mtim ga.

Luka 24:26

Kera lu u Kristu Una ya atsan ne cii keng, man Una nyôr ken icivir Na ye gaa?

Luka 24:44

A kaa a ve er: Angan ka akaaôron Am a M ôr ne je er M lu a ven imôngo la, Mer, ka u akaa a i nger sha a Mo ken atindiakaa a Mose man uprofeti man upasalmi á kure sha mi vough keng.

YOHANE 12:16

Akaa la mbahenen Nav kav a sha hiihii la ga, kpa zum u i na Yesu icivir kera yô, ve mase umbur er i nger akaa ne sha a Na, man er i er Un a kpaa yô.

YOHANE 14:26

Kpa Orsurunshima, ka Icighan Jijingi je la, u Ter Una tindi ken iti Yam yô, ka Un je, Una tese ne akaa cii, man shi Una umbur ne akaa a M er ne cii kpaa ye.

YOHANE 16:4

Kpa akaa angan M ôr ne sha er zum u shighe u a una va kuma yô, né umbur a er M kaa ne a yô; kpa akaa ne yô, M kaa ne a sha hiihii la ga, sha ci u M lu a ven her yô.

YOHANE 2:11

Ivande i hiihii ne yô, Yesu er ken Kana u Galilia, A tese icivir Na ken igbar; mbahenen Nav kpaa na Un jighjigh.

YOHANE 2:17

Nahan mbahenen Nav umbur er i nger er: Ishima i veren i sha iyou You la ia wuam.

YOHANE 2:2

I lôhô Yesu iniongo i kwasehe la kua mbahenen Nav kpaa.

Aerenakaa A Mbaapostoli 11:16

Tsô m umbur kwaghôron u Ter er lu kaa er: Yohane yô, lu eren batisema sha mnger, kpa ne yô, á er ne batisema sha Icighan Jijingi.

Aerenakaa A Mbaapostoli 13:33

Aôndo kure i hen ônov asev zum u A nder Yesu, er i nger ken Pasalmi u sha uhar la kpaa nahan er: We, U ngu Wan Wam je; Mo M mar u nyian.