YOHANE 19:7 - ICIGHAN BIBILO

⁷ Mbayuda gema kaa a Na er: Se mba a tindi man sha tindi wase la yô, A kuma ku, sha ci u A veren iyol er Un ngu Wan u Aôndo je yô.

YOHANE 19:7 Iomraidhean Croise

Yesaia 53:4

Mimi je, ka angev asev je A tee sha iyol Na ye, atsan ase kpaa A tôô a; kpa se yô, lu se er kwagh tser Un a tser je yô, man er Aôndo kpaa tsaha Un, shi A kighir Un a ican kpaa yô.

Levitiku 24:16

Man shi u nan toho iti i TER kpaa, i̱ wua nan kpee je; mkohol u ior cii ve̱ ta nan awen, ve̱ ta nan awen ve̱ wua kpee je; shin a lu shiror shin a lu or u tar la jim kpaa, aluer nana ter ITI la dang yô, i̱ wua nan.

Marku 15:39

Tsô torutya u a tile her sha ishigh Nagh la, nengen er A sur nahan yô, a kaa er: Mimi je, Or ne lu Wan u Aôndo.

YOHANE 19:8

Tsô er Pilatu ongo kwagh ne nahan yô, shi seer cier un iyol,

YOHANE 5:18

Ka sha ci u kwagh ne man Mbayuda hemba keren Un a ku ye, lu sha ci u A vihi iyange i memen tseegh ga, kpa A shi A yila Aôndo er Ter Na je, inja na yô, A fa er Un ngu er Aôndo nahan vough.

Aerenakaa A Mbaapostoli 18:13

ve kaa er: Or ne ngu urugh ior sha u ve̱ civir Aôndo, kpa ka sha gbenda u atindigh ga.

Mbaromanu 1:4

kpa sha Jijingi u mtsegh i pase er Un ka wan u ageegh u Aôndo sha mnder u shin mbakpenev, ka Yesu Kristu Ter wase je la.

Duteronomi 18:20

Kpa profeti u nana cihi nana ôr kwagh ken iti Yam, u M kaa a nan Mer nana̱ ôr ga, shin nana ôr kwagh ken iti i mbaaôndo mbagenev yô, profeti la nana̱ kpe.