YOHANE 19:6 - ICIGHAN BIBILO

⁶ Nahan upristi mba tamen man udugwer mba nengen a Na yô, ve gba genger imo kaan er: I̱ mande Un sha terankon, i̱ mande Un sha terankon. Pilatu kaa a ve er: Kôr nen Un ayol a en, za mande nen sha terankon, gadia mo m zua Un a kwaghbo ga.

YOHANE 19:6 Iomraidhean Croise

Mateu 26:58

Kpa Peteru dondo Un ken ijime ica, zan zan hen tembe u zegepristi la; nyer ker yô, a tema a udugwer imôngo sha u nengen er kwagh la una kure yô.

Mateu 27:22

Pilatu kaa a ve er: Tsô m̱ er a Yesu u i yer er Kristu la nana? Ve cii ve kaa er: I̱ mande Un sha terankon!

Mateu 27:24

Tsô er Pilatu nenge un kera fatyô ciôn kpaa ga, man er ayôôso kpaa lu hiin u taver yô, a tôô mngerem a ôô ave na sha ishigh ki ikpelaior, a kaa er: M ngu a ibo sha awambe a ishôôgh ne ga, mase shin kwagh wen.

Luka 23:4

Pilatu kaa a upristi mba tamen man ikpelaior er: M zua or ne a ibo ga.

YOHANE 18:3

Tsô Yuda zough a ikum i mbautyav man udugwer man upristi mba tamen man Mbafarishi yô, a va her a amenger man akagh a usu man ikav mbi utyav.

YOHANE 18:31

Nahan Pilatu kaa a ve er: Kua nen a Na, za ôr nen Un ijir sha atindi a en. Mbayuda kaa a Na er: Tindi rumun se u wuan or ga;

YOHANE 18:38

Pilatu kaa a Na er: Ka nyi i lu mimi? Kaan nahan yô, a shi a due, a za hen Mbayuda, a za kaa a ve er: M zua Un a ma kwaghbo ga.

YOHANE 19:15

Kpa ve genger imo er: I̱ yem a Na kera, i̱ yem a Na kera. I̱ za mande Un sha terankon. Pilatu kaa a ve er: M̱ mande Tor wen sha terankono? Upristi mba tamen gema kaa er: Se mba a tor ga, saa di Shisar tsô.

YOHANE 19:4

Pilatu shi due ken won, za kaa a ve er: Nenge nen, m ngu duen a Na ken won her a ven sha er ne fa er m zough Un a kwaghbo ga yô.

Aerenakaa A Mbaapostoli 2:23

ka Un u i na Un sha awashima u Aôndo man sha mvandefan Na la je, ne mande Un sha terankon sha ikev i aferaior, ne wua Un kpaa ye,

Aerenakaa A Mbaapostoli 7:52

Ka hanmô ken uprofeti je man uter enev tôv nan a ican ga? Ve wua mba ve lu tsengan ôron mve u Ormimi, man hegen ne kpaa ne hingir mbanengen Un mker shi ne wua Un kpaa;