YOHANE 19:36 - ICIGHAN BIBILO

³⁶ Gadia akaa ne er sha er icighanruamabera a̱ kure sha mi vough yô, er: Á kever Un ma kuhe ga.

YOHANE 19:36 Iomraidhean Croise

2 Utor 15:12

Ka imo i TER lu ôr Yehu je la, er: Ônov ou vea tema sha ikônough ki torough ki Iserael zan zan ikov inyiin. Lu di nahan je.

Upasalmi 22:14

I haam kera er mngerem yô; akuhe am cii ndivir; ishima yam hingir er tsur yô, i sough ken atô wam;

Upasalmi 34:20

Ka A kura akuhe a nan cii, môm môm kpaa u sombo ga.

Upasalmi 35:10

Akuhe am cii aa kaa er: TERE, ka an nan lu er We? We u U yem icanor sha ikev i or u nan hembe un agee yô, icanor kua oribanave kpaa sha ikev i or u nan ngohol nan akaa sha apera la.

Ekesodu 12:46

I̱ ya un ken iyou i môm; de dugh a ma ivurugh ki inyamegh ken won ga; man de sombon kuhe na kpaa ga.

Numeri 9:12

ve̱ de deen ma kwagh na a luun her zan zan sev mbu aven ga, man ve̱ de sombon kuhe na kpaa ga; ka sha atindi a Paseka vough ve̱ yaan un ye.

Mateu 1:22

Akaa ne cii er sha u kwagh u Ter ôr sha ikev i profeti la, a̱ kure sha mi vough, er:

YOHANE 13:18

Ka ne cii M kaan ga; M fa mba M tsough ve yô; kpa ka sha er icighanruamabera Una kure sha mi vough yô er: Ka or u nan ye kwagh a Mo ikagh i môm je nan tumum angahar iyol ye.

YOHANE 19:24

Nahan ve kaa ayol a ve er: Se ande nen un ga, kpa se er nen ishor sha mi, man sé fa or u una lu u nan ye; sha er kwagh u icighanruamabera lu kaa la, a̱ kure sha mi vough yô, er: Ve kar akondo Am her ayol a ve, ve er ishor sha riga Wam. Akaa ne mbautyav er a.

YOHANE 19:28

Ken masejime la, Yesu fe er akaa cii a kur yô, A kaa er: Imura kôrom. Lu sha u icighanruamabera una kure sha mi vough yô.