YOHANE 19:30 - ICIGHAN BIBILO

³⁰ Yesu ngohol vineger la yô, A kaa er: Bee ve. Tsô A suwa ityough, A na jijingi Na kera A sule.

YOHANE 19:30 Iomraidhean Croise

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

Upasalmi 22:15

agee am uma kera er icenge nahan, nombor wam varem sha ikighô; U va a mo hen vuulevu u kuugh.

Yesaia 53:10

Nahan kpaa lu ishima i TER je u vihin Un iyol; A haa Un angev iyol kpaa; shighe u Una gema iyol Na Una na nagh sha mi sha ci u isholibo yô, Una nenge a tsombor Na; Una tsa sha won, man á kpe kwagh u TER A ver ishima sha mi la iyol sha uwegh Nagh;

Yesaia 53:12

Nahan Me na Un kwar a ashagbaior imôngo, Una kar ishar a mbataveryol imôngo kpaa, sha ci u A gbihi uma Na ken ku je, shi i wa Un ken mbaaferev kpaa; nahan kpaa, ka Un je A tee isholibo i ior kpishi sha iyol Na, man A shi A sôn sha ci u mbaaferev kpaa ye.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Daniel 9:26

Ken masejime u ulahadi akunduatar kar uhar la, á gber u i shigh Un mkurem la kera, Una lu a ma ibo ga; ior mba tor u una va la, vea hembe gar man icighanjiir la; mkur na una lu sha avenge a saren, man zan zan mkur kpaa ityav mbia lu; mbamtim vea lu kpee je.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Mateu 20:28

er Wan u or kpaa A ve, i lu sha u i̱ er Un tom ga, kpa sha u Un Una er mbagenev tom man Una na uma Na á hingir ipaan sha ci u ior kpishi yô.

Mateu 27:50

Kpa Yesu shi genger imo taver taver, tsô A na jijingi Na kera.

Mateu 3:15

Kpa Yesu gema kaa a na er: Kpa hegen yô, gba rumun tsô, gadia kape i doo u sé kure perapera cii vough je ne. Tsô a rumun a Na.

Marku 15:37

Kpa Yesu yila sha imo i taver genger genger maa A sule.

Luka 22:37

Gadia M ngu kaan ne, kwagh u i nger ne ka u una kure sha a Mo keng, er: I wa Un ken mbavendan atindi. Gadia kwagh u i nger sha a Mo kure sha mi je.

Luka 23:46

Yesu kpaa yila sha imo i taver genger genger er: Tere, M na jijingi Wam sha ikev You. Kaan nahan yô, maa A sule.

YOHANE 10:11

Mo M ngu Orkuranilev u dedoo; orkuranilev u dedoo ka A gbihi uma na sha ci u iyôngo.

YOHANE 10:18

Ma or kpaa nan ngu ngohol Mo un ga, kpa ka Mo iyol Yam je M lu nan un ye. M ngu a tahav mbu Me na un, M ngu a tahav mbu Me shi Me ngohol un kpaa. Tindi ne M ngohol un hen Terem.

YOHANE 17:4

M na U icivir shin tar ne, er M kur tom u U nem wer, M̱ er la.

YOHANE 19:28

Ken masejime la, Yesu fe er akaa cii a kur yô, A kaa er: Imura kôrom. Lu sha u icighanruamabera una kure sha mi vough yô.

YOHANE 4:34

Yesu kaa a ve er: Kwaghyan Wam yô, ka u Me er ishima i u A tindim la, Me kure tom Na vough kpaa.

Mbaromanu 10:4

Kristu ka mkur u tindi sha u hanma or u nan ne jighjigh la yô, á na nan ishô.

Mbaromanu 3:25

Un yô, Aôndo vande veren Un er A̱ lu iwom i sha jighjigh u nan, sha awambe a Na. Lu sha u Aôndo Una tese perapera Na gadia asorabo a i vande eren tsuaa sha shighe u ishimawan i Aôndo la yô, A kera wa a iko ga.

1 Mbakorinte 5:7

Dugh nen kwa u tse la kera sha u né lu ijenmwe i he yô, gadia jim je yô, ne kera mba a kwa ga. Gadia Waniyôngo wase u Paseka kpaa i sôngo un kera, ka Kristu je la.

Mbafilipi 2:8

Man er i va zua a Na a mluyol er or nahan yô, A hide a iyol Na ijime, hingir u ungwan kwagh zan zan ar ken ku, man lu ku u terankon je.

Mbaheberu 12:2

Sé veren nen ashe sha Yesu Orhemen man Orkuren u jighjigh wase u nan, Un u A taver ishima a terankon, a kera wa kunya iko ga sha ci u iember i i ver Un sha ishi la, A za tema sha uwegh ku yanegh ku ikônough ki Aôndo ki torough.

Mbaheberu 9:22

Sha tindi yô, shi kpuaa tsô akaa cii ma i wanger a sha awambe, man aluer á haa awambe ga yô mde u akaabo kpaa una lu ga.