YOHANE 19:11 - ICIGHAN BIBILO

¹¹ Yesu gema kaa er: Aluer a ne u tahav mbu mbu sen sha la ga yô, ma u lu a ma tahav sha a Mo ga; nahan yô, or u nan lu nan Mo sha ikev you la, nan hemba ngun a isholibo.

YOHANE 19:11 Iomraidhean Croise

1 Kroniku 29:11

We TER, U kuma ivesen man agee man iengem man mhembe man icivir, akaa a Sha man a shin tar cii ka a Ou; We TER, U kuma u teman tor, U ngu ityough sha akaa cii.

Upasalmi 39:9

M huan ving, m bugh zwa ga, gadia ka We je, U er kwagh ne ye.

Upasalmi 62:11

Aôndo ôr kwagh, kwa môm, kwa har je kpaa, m ungwa nahan, mer: Agee yô, ka Aôndo A lu a mi ye;

Ukwelegh 3:37

Ka anti nana kaa kwagh, man á kure sha mi aluer TER ngu a na zwa ga yôô?

Daniel 4:17

Ka sha imo i mbakuran i wa tindi la, man ka sha mkaa u mba i tsegh ve la a lu ye, ka sha ci u mba ve lu uma, ve̱ fa. Uhembansha ngu a tahav sha tartor u ior, ka A gema u A na hanma or u i doo Un u nan nan yô, ka a ver or hemban gban ijime ken ior sha u kpaa.

Daniel 4:25

á zenda u ken ior kera, man ijiir i teman you ia lu a inyamtoho imôngo, man á er u, ú ya toho er ibua nahan, avure a Sha á heen we iyol, ashighe á kar u ataankarahar, zan zan ú fa er Uhembansha a lu a tahav sha tartor u ior yô, ka A gema u, A na or u i doo Un u nan yô.

Daniel 4:32

Á zenda u hen ior kera, ijiir you i teman la ia lu a inyamtoho imôngo; á na u ú ya toho er ibua nahan, ashighe aa kar u ataankarahar; zan zan ú fa er Uhembansha a lu a tahav sha tartor u ior yô, ka A gema u A na hanma or u i doo Un u nan nan yô.

Daniel 4:35

mba ve tem sha won cii mba er ka ma kwagh ga nahan; ka A er sha awashima Na a akum a Sha man a mba ve tem shin tar kpaa; ma or fatyô u yangen uwegh Nagh ga, shin u pinen Un er: Ka nyi U eren nahan, kpaa ga.

Daniel 5:21

i zenda un hen ior kera; ishima na gema hingir er i inyamtoho nahan, ijiir na i tsan kpaa lu a ujaki mba tohov imôngo; a hingir u yan toho er ibua nahan, iyol na heen sha avure a Sha, zan zan a kar fan er Aôndo Uhembansha la, A tem tor sha tartor u ior; ka A gema u, A na hanma or u i doo Un u nan nan yô.

Mateu 26:65

Tsô zegepristi ande akondo a na kaa er: A tuhwa Aôndo ve! Shi kwagh gba se a shiada? Nenge ase, ne ungwa mtoho u A toho hegen ne.

Mateu 27:2

Ve kange Un ve yem a Na, ve za na sha ikev i gomna Pilatu.

Mateu 6:13

man shi de ze a vese hen ape imeen i lu ga, kpa yima se sha ifer. (Gadia tartor ka u Wou kua agee man icivir kpaa, gbem sha won. Amen)

Marku 14:44

Un u a lu nengen mker sha a Na la vande tesen ve ikav, kaa er: U me suse Un zwa la yô, ka Un je la, kôr nen Un, yem nen a mi doo doo.

Luka 22:53

Er M lu a ven ken tempel ayange ayange, ne za ave sha u kôron Mo ga; kpa shighe ne ka shighe wen je ne, man ka shighe u tahav mbu imegh kpaa.

YOHANE 18:13

ve vande zan a Na hen Ana; gadia a lu terkem u Kayafa je, u a lu zegepristi hen inyom la yô.

YOHANE 18:3

Tsô Yuda zough a ikum i mbautyav man udugwer man upristi mba tamen man Mbafarishi yô, a va her a amenger man akagh a usu man ikav mbi utyav.

YOHANE 19:10

Nahan Pilatu kaa a Na er: U bughum zwa gaa? U fa er m lu a tahav mbu me pase U me tuhwa, man shi m lu a tahav mbu me mande U sha terankon kpaa gaa?

YOHANE 3:27

Yohane gema kaa er: Or á fatyô u ngohol ma kwagh ga, saa á na nan Sha.

YOHANE 7:30

Tsô ve nôngo u kôron Un; kpa or môm môm kôr Un ave iyol ga gadia shighe Na lu a kuma ga.

YOHANE 9:41

Yesu kaa a ve er: Nea lu mbaapirashe yô, ma ne lu a isholibo ga; kpa hegen ne kaa ner: Se mba nengen; nahan isholibo yen ngi ne her.

Aerenakaa A Mbaapostoli 2:23

ka Un u i na Un sha awashima u Aôndo man sha mvandefan Na la je, ne mande Un sha terankon sha ikev i aferaior, ne wua Un kpaa ye,

Aerenakaa A Mbaapostoli 3:13

Ka Aôndo u Aberaham man Isaka man Yakob, ka Aôndo u uter asev, A civir Wanakiriki Na Yesu ye, Un u ne na Un kera, ne nyiman Un sha ishigh ki Pilatu zum u wa ishima u una pase Un á tuhwa yô.

Aerenakaa A Mbaapostoli 4:28

sha u vea er akaa a uwegh Ough man awashima Wou vande veren cii er á er yô.

Mbaromanu 11:36

Gadia akaa cii ka her a Na a dugh, man ka sha a Na a lu her, shi ka sha a Na a lu veren ishigh kpaa ye. Un yô, icivir i̱ lu i Na gbem sha won. Amen.

Mbaromanu 13:1

Hanma or u uma nana̱ ungwan imo i tahav mbu nan lu mbu sha ikev la, gadia ma tahav mbu ga, saa mbu mbu dugh her Aôndo la, mbu mbu lu her ne kpaa, ka Aôndo je A ver ye.

Yakobu 1:17

Hanma nagh ku dedoo man hanma iwua i vough kpaa ka Sha hen Ter u iwanger ve dugh, ve senen ye. Un yô, ma mgem ngu ken a Na ga, shin mure u mgem tsô kpaa ga.

Yakobu 4:17

Nahan yô, or u nan fe u eren dedoo kpa nan kera er nahan ga yô, hingir isholibo je nan er ye.