YOHANE 18:37 - ICIGHAN BIBILO

³⁷ Tsô Pilatu kaa a Na er: Nahan U ngu tor zee? Yesu gema kaa er: U kaa sha mi, M ngu tor. Ka sha ci u nahan i marem, shi ka sha ci u nahan kpaa M ve shin tar ne, sha er Me pase mimi ye. Hanma or u nan lu or u mimi yô, nan ongo imo Yam.

YOHANE 18:37 Iomraidhean Croise

Yesaia 55:4

Nenge, M ver un Mer, a̱ lu shiada hen ior a̱ lu orhemen man orwan akuraior kwagh.

Mateu 26:64

Yesu kaa a na er: U kaa tsô! Kpa M ngu kaan ne Mer; hii hegen je né nenge Wan u or Una tema ken uwegh ku yanegh ku Ageegh, man Una va sha abeen a sha kwavaôndo.

Mateu 27:11

Tsô Yesu tile sha ishigh ki gomna. Gomna pine Un er: U ngu tor u Mbayuda? Yesu kaa er: U kaa tsô.

Marku 14:62

Yesu kaa er: Ka Mo Un je ne; man né nenge Wan u or, Una tema ken uwegh ku yanegh ku Ageegh la, Una va a abeen a sha kwavaôndo imôngo.

Marku 15:2

Pilatu pine Un er; U ngu tor u Mbayuda? A gema A kaa a na er: U kaa tsô.

Luka 22:70

Ve cii ve kaa er: Nahan U ngu Wan u Aôndo? A kaa a ve er: Ne mba kaan je, M ngu Un.

Luka 23:3

Pilatu pine Un er: We, U ngu tor u Mbayuda? A gema A kaa a na er: U kaa tsô.

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 1:17

Gadia i na atindiakaa a va sha ikev i Mose, kpa mrumun u sha mhôôn man mimi yô, gema ka ken Yesu Kristu ve va ye.

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

YOHANE 3:32

Kwagh u A nenge man A ongo la, ka un je A pasen ye; kpa mpase Na la ma or rumun un ga.

YOHANE 7:17

Aluer i sar hanma or pe eren ishima Na yô, nana fa kwagh u ityesen ne, shin ka her Aôndo i dugh, shin ka kwagh Wam tsô M erou?

YOHANE 8:14

Yesu gema kaa a ve er: Shin er M pasen kwagh Wam iyol Yam nahan kpaa, mpase Wam ka u mimi je; gadia M fa ape M dugh, man shi hen ape M lu zan la kpaa; kpa ne yô, ne fa ape M dugh man hen ape M lu zan la ga.

YOHANE 8:45

Kpa Mo yô, er M er ne mimi yô, ne nam jighjigh ga.

YOHANE 8:46

Ka an wen nana pasem isholibo Yama? Aluer ka mimi M lu ôron yô, ka nyi ne nem jighjigh ga?

YOHANE 8:47

U nan dugh sha Aôndo yô, nan ongo mkaanem ma Aôndo; kape i lu man ne ongo ma ga la, sha ci u ne dugh her Aôndo ga yô.

1 Timoteu 6:13

M ngu wan we kwagh sha ishigh ki Aôndo u A ne akaa cii uma la man shi Kristu Yesu u A er shiada sha ishigh ki Pontiu Pilatu sha mpase u dedoo la mer,

1 Peteru 1:22

Er ne vande wanger asema a en kera sha iko i ne wan mimi iko la u zan ken dooshima u mimi u hen anmgbianev yô, doo nen ayol a en ken ishima tsung je.

1 Yohane 2:21

M nger ne ka sha ci u ne lan mimi ga, kpa ka sha ci u ne fe un, man ken mimi yô, ma aie ngu ga.

1 Yohane 3:14

Se yô, se fa, se due ken ku kera se nyôr ken uma sha ci u anmgbianev ve doo se ishima yô. Or u nan lu a dooshima ga yô, ka ken ku nan tem ye.

1 Yohane 3:19

Sha kwagh ne yô, sé fa er se lu ken mimi man sea pever asema ase sha ishigh Nagh,

1 Yohane 4:6

Se yô, se due ken Aôndo; or u nan fe Aôndo yô, nan ongo se; u nan dugh ken Aôndo ga yô, nan ongo se ga. Ka sha kwagh ne man se fe jijingi u mimi man jijingi u icughugh kpaa ye.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.

Mpase U Yohane 1:4

Yohane ngu sughun iniongo i Kristu i itiankarihiar i ken Ashia la. Mrumun u sha mhôôn a̱ lu sha a ven kua bem mba ve dugh hen Un u A lu hegen, ngise kpaa lu, shi A lu van kpaa la, man shi hen Ujijingi mba utaankaruhar mba ve lu sha ishigh ki ikônough Nagh ki torough la,

Mpase U Yohane 3:14

Nger hen ortyom u nongo u Kristu u hen Laodishia wer: Un u a lu Amen, Orshiada u jighjigh man u mimi, mhii u igbetar i Aôndo ngu ôron akaa ne nahan er: