YOHANE 18:36 - ICIGHAN BIBILO

³⁶ Yesu gema kaa er: Tartor Wam ka u shin tar ne ga. Tartor Wam ua lu u shin tar ne yô, mbayev Av ma ve nenge ityav sha u i̱ de nem sha ikev i Mbayuda ga yô; kpa hegen yô, tartor Wam ka u heen ga.

YOHANE 18:36 Iomraidhean Croise

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 7:14

I na Un tor sha won cii man icivir man tartor, sha u ior man akuraior man ijô cii ve̱ er Un tom; mtemtor Na ka mtemtor u tsôron, u una kar kera mayange ga, man tartor Na kpaa ka u timin kera mayange ga.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Mateu 26:53

Shin u hen wer nana, Me fatyô u sônon Terem man hegen je kpaa Una tindim a akum a mbatyomov mba Shaav, á hemba pue kar uhar, gaa?

Luka 12:14

Kpa A kaa a na er: Nomsoor! Ka an nan verem orjir shin or u karen ne kwara?

YOHANE 18:35

Pilatu gema kaa er: Mo m ngu Oryudaa? Ka nongo Wou man upristi mba tamen ve ne U sha ikev yam ye; ka nyi U ere?

YOHANE 6:15

Tsô er Yesu kav er ve sôôn u kôron Un sha apera, nan Un tor nahan yô, A shi A kar, A yem sha uwo, Un tswen.

YOHANE 8:15

Ne yô, ne mba er ijir sha inja i iyolough, Mo yô, M er ma or ijir ga.

Mbaromanu 14:17

Gadia tartor u Aôndo yô, ka sha kwaghyan man kwaghman u lu ga, kpa ka sha perapera man bem man iember ken Icighan Jijingi u lu ye.

1 Timoteu 6:13

M ngu wan we kwagh sha ishigh ki Aôndo u A ne akaa cii uma la man shi Kristu Yesu u A er shiada sha ishigh ki Pontiu Pilatu sha mpase u dedoo la mer,