YOHANE 18:11 - ICIGHAN BIBILO

¹¹ Nahan Yesu kaa a Peteru er: Wa sanker wou ken var. Iyongo i Ter A nem yô, Me ma i gaa?

YOHANE 18:11 Iomraidhean Croise

2 Samuel 16:10

Tor kaa er: Ka nyi i zoughom a ven, ne ônov mba Seruya? Aluer a tuhwa, man aluer ka TER je A kaa a na er: Tuhwa Davidi yô, ka anti nana cihi nana pine er: Ka nyi u eren nahana?

Upasalmi 75:8

Gadia ken uwegh ku TER yô, iyongo ngi, man zar u wain u u lu shimi ngu oso hugh, i nungwa u dedoo, ka sha i je A toon ye; mimi je akase a na la yô, mbaaferev mba shin tar cii vea mase ndeer.

Esekiel 23:31

U zende sha gbenda u anngôu u kwase; nahan yô, Me na iyongo na sha uwegh ough.

Mateu 20:22

Kpa Yesu gema kaa er: Ne fa kwagh u ne sen ga. Ne fatyô u man iyongo i Me ma i la kpa? Ve kaa er: Se fatyô.

Mateu 26:39

Tsô A kporom sha hemen kpeghee, A gure a suwa ityough inya, A er msen, A kaa er: Terem, aluer a fatyô yô, iyongo ne ma i karem kera; nahan kpaa i̱ de eren sha ishima Yam ga, i̱ er sha ishima You.

Mateu 26:42

A shi A yem mze u sha kwa har la, A er msen, A kaa er: Terem, aluer iyongo ngin ia fatyô u karen Mo ga, saa Me ma i keng yô, i̱ er ishima You!

Luka 12:30

gadia akaa ne cii akuraior sha won cii nga keren; kpa Ter Wen fa er kwagh a gbe ne sha akaa ne cii yô.

Luka 22:42

A kaa er: Tere! Wea rumun yô, tôôm iyongo ne kera, nahan kpa ka ishima Yam ga, i̱ lu ishima You i̱ er ye.

YOHANE 15:10

Aluer ne wa atindi Am iko yô, né lu ken dooshima Wam; er Mo kpaa M we atindi a Terem iko, man M luun ken dooshima Na nahan.

YOHANE 17:24

Tere, mba U nem yô, kam ka ve̱ lu a Mo imôngo ape M lu la, sha u ve̱ nenge icivir Yam i U nem la; gadia M doo U ishima je er i lu a gba tar ga yô.

YOHANE 18:36

Yesu gema kaa er: Tartor Wam ka u shin tar ne ga. Tartor Wam ua lu u shin tar ne yô, mbayev Av ma ve nenge ityav sha u i̱ de nem sha ikev i Mbayuda ga yô; kpa hegen yô, tartor Wam ka u heen ga.

YOHANE 20:17

Yesu kaa a na er: De benden Mo ave iyol ga, gadia M ngu a kôndo M yem sha Ter ga; kpa za hen anmgbianev Av, za kaa a ve wer: M ngu kôndon sha Terem man Ter wen, Aôndo wam man Aôndo wen kpaa.

2 Mbakorinte 10:4

Gadia ikav mbi utyav yasev ka mbi iyolough ga, kpa ka mbi ageev sha ishigh ki Aôndo sha ci u yôhôl ayou a utya,

2 Mbakorinte 6:7

man kwaghôron u mimi, man agee a Aôndo, man sha ikav mbi utyav mbi perapera ken uwegh ku yanegh man ku imesegh kpaa,

Mbaheberu 12:2

Sé veren nen ashe sha Yesu Orhemen man Orkuren u jighjigh wase u nan, Un u A taver ishima a terankon, a kera wa kunya iko ga sha ci u iember i i ver Un sha ishi la, A za tema sha uwegh ku yanegh ku ikônough ki Aôndo ki torough.