YOHANE 17:6 - ICIGHAN BIBILO

⁶ M pase iti You hen ior mba U tsough ve shin tar ne, U nem la. Ve lu mba Ou je man U gem ve U nem ye; ve kpaa ve wa kwaghôron wou iko.

YOHANE 17:6 Iomraidhean Croise

Upasalmi 119:11

M kusu mkaanem Ou ken ishima yam, sha er me er U isholibo ga yô.

Upasalmi 22:22

Me pase anmgbianev av, iti You; ka ken atô u mkohol man me wuese iti You ye.

Ekesodu 9:16

Kwagh u M de u u lu her je yô, ka sha u Me tese u agee Am man á pase iti Yam sha won cii kpaa yô.

Anzaakaa 2:10

Gadia kwaghfan una nyôr u ken ishima, mfe una doo u ken uma wou;

Anzaakaa 23:23

Yam mimi, de teen un ga, een, kua kwaghfan man ityesen man mkav kpaa.

YOHANE 1:18

Aôndo yô, mayange ma or ngu a nenge a Na ga; Wan u môm môm u A lu sha ikum i Ter la, ka Wen je A va ne i fe Un ye.

YOHANE 12:28

Tere, na iti You icivir. Tsô imo due Sha kaa er: M vande civir i, Me shi Me civir i kpaa.

YOHANE 15:19

Aluer nea lu ior i tar ne yô, ma ne lu kwagh u tar jim, ma ne doo tar ishima; kpa er ne lu ior i tar ne ga, Mo M gem M tsough ne shin tar ne kera yô, ka nahan man tar u ker ne ihom ye.

YOHANE 15:3

Hegen je kpaa ne mba wang sha ci u kwaghôron u M er ne la.

YOHANE 15:7

Aluer ne luun ken a Mo, man mkaanem Am maa luun ken a ven yô, nyi ityôkwagh i i sar ne kpaa, sôn, nen, á er ne i.

YOHANE 17:12

Er M lu a ve, M kuran mba U nem la, ken iti You. M kumba ve doo doo, mô ve môm kpaa saa ga, saa wan u mtim, sha er icighanruamabera una kure sha mi yô.

YOHANE 17:14

M na ve kwaghôron Wou, kpa tar kôr ve ihom, sha ci u ve lu ior i tar ne ga yô, er Mo kpaa M lu or u tar ne ga nahan.

YOHANE 17:16

Ve mba ior i tar ne ga, er Mo kpaa M lu or u tar ne ga nahan.

YOHANE 17:2

gadia U na Un tahav sha uuma cii, sha u mba U ne Un cii A̱ na ve uma u tsôron yô.

YOHANE 17:24

Tere, mba U nem yô, kam ka ve̱ lu a Mo imôngo ape M lu la, sha u ve̱ nenge icivir Yam i U nem la; gadia M doo U ishima je er i lu a gba tar ga yô.

YOHANE 17:26

Man M pase ve iti You; Me shi Me pase ve i kpaa; sha u dooshima u M doo U la, a̱ lu ken a ve, Mo kpaa M̱ lu ken a ve yô.

YOHANE 17:7

Hegen yô, ve fa er akaa a U nem cii, i lu her a We a dugh yô;

YOHANE 18:9

Lu sha er kwaghôron u A kaa la a̱ kure sha mi vough er: Mba U nem mbala, mô ve môm saam ga.

YOHANE 6:37

Mba Ter A nem cii, vea va her a Mo; man or u nana va hen Mo kpaa, mayange Me ta nan kera ga.

YOHANE 6:39

Man ishima i u A tindim yô, ka i ne: Akaa a A nem la cii ma kwagh môm a̱ de saan Mo ga, kpa M̱ nder un sha iyange i masetyô.

YOHANE 8:51

Mimi mimi je, M kaan ne ne, aluer or nana wa kwaghôron Wam iko yô, mayange nana nenge a ku ashe ga.

YOHANE 8:52

Tsô Mbayuda kaa a Na er: Hegen yô, se fa U ngu a jijingi u bo; Aberaham kpe kua uprofeti kpaa; man We U ngu kaan wer: Aluer or nana wa kwaghôron Wam iko yô, nana bende a ku mayange ga.

Aerenakaa A Mbaapostoli 13:48

Er atôatyev ungwa nahan yô, a ember, a civir kwaghôron u Aôndo. Tsô mba i ver ve sha u ve̱ zua a uma u tsôron yô, ve na jighjigh.

Mbaromanu 11:2

Aôndo gbihi nongoior Na mba A vande fan ve la kera ga. Shin ne kera fa kwagh u icighanruamabera kaa sha kwagh u Elia zum u A ôr Aôndo kwagh u Iserael la, ga ase?

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

Mbakolose 3:16

Kwaghôron u Kristu a̱ tema ken a ven gbing, tesen nen ayol a en kwagh shi waan nen ayol a en kwagh sha kwaghfan cii, shi waan nen upasalmi man atsam man gberen nen amo a ken jijingi, sughun nen Aôndo ken asema a en.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:13

Kwaghôron u dedoo u u zough a mi hen mo yô, a̱ lu u ikav i zan sha mi sha kwagh u jighjigh u nan man dooshima u ken Kristu Yesu.

Mbaheberu 2:12

A kaa er: Me pase anmgbianev Av iti You, ka her atô u mkohol man me wa icam i civir We ye.

Mbaheberu 3:6

Kpa Kristu yô lu jighjigh sha ya Na, lu Wan je. Man ka se se lu ya Na ye, aluer se kôr ave gbang gbang sha vangertiôr wase man ihagh i sha ishimaverenkeghen yase la zan zan mkur yô.

1 Peteru 1:1

Peteru apostoli u Yesu Kristu ngu sughun ushirmbaiorov mba ve sambe ve lu ken Pontu man Galatia man Kapadoshia man Ashia man shi Bitinia la, ka mba i tsough ve

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.

Mpase U Yohane 2:13

M fa henpe u tem ka henpe ikônough ki torough ki Satan ki lu je la, nahan kpaa u kusu iti Yam gbang gbang, u nyiman jighjigh u nan Mo la ga, shin sha ayange a Antipa orshiada Wam u jighjigh la kpaa, un u i wua un hen ven, henpe Satan a tem la.

Mpase U Yohane 3:10

Er u kor kwaghôron u ishimawan Yam yô, Mo kpaa Me kura u shighe u imeen i i lu van sha tar cii sha u karen mba ve tem sha tar yô.

Mpase U Yohane 3:8

M fa aeren a ou. Nenge, M ver hunda ivegher sha ishigh you, ma or nana fatyô u sendan u ga. Gadia u ngu a anagee kpeghee, kpa u kusu kwaghôron Wam, u kera nyiman iti Yam ga.