YOHANE 17:3 - ICIGHAN BIBILO

³ Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

YOHANE 17:3 Iomraidhean Croise

1 Kroniku 28:9

Nahan yô, we wan wam Solomon, fa Aôndo u teru, civir Un a ishima i môm man ishima i gbar gbar kpaa; gadia TER tev asema cii, man A kar hanma mhen cii. Aluer ú ker Un yô, ú zua a Na; man aluer ú undu Un yô, Una ta u kera, Una hunde ishima a we gbem je.

2 Kroniku 15:3

Nenge, ayange vese je, Iserael lu a Aôndo u mimi ga, pristi u tesen kwagh lu ga, man atindi kpaa lu ga,

Upasalmi 9:10

Mba ve fe iti You yô, vea suur sha a We, gadia TERE, We, U kende mbakeren We la, dang mayange ga.

Anzaakaa 8:35

Gadia or u nan zough a mo, ka uma nan zough a mi ye, á doo TER a nan kpaa.

Yesaia 48:16

Kporom nen her a Mo, ungwa nen kwagh ne: sha hiihii je M ôr kwagh ken myer ga; zum u kuma u kwagh la una er yô, Mo M lu heregh je; hegen Ter AÔNDO tindim kua Jijingi Na.

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Yesaia 61:1

Jijingi u Ter AÔNDO ngu sha a Mo, sha ci u TER shighem mkurem; A verem er M̱ sur mba asema a vihi ve la asema, M̱ yôô i̱ pase mbakwarev man i̱ bugh gaadi u mba i hee ve ahye la.

Yeremia 10:10

Kpa TER yô, ka Aôndo u mimi je; Un ka Aôndo u uma je man shi ka Tor u tsôron gbem sha won; sha iyugh Na yô, tar tenger, man akuraior fatyô u kundun ishima sha ishimavihin Na la ga.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Marku 9:37

Hanmô u nana rumun u môm ken imba i mbayev mban ken iti Yam yô, ka Mo je nan rumun ye; man shi hanmô u nan rumun Mo yô, ka Mo nan rumun ga, kpa ka Un u A tindim la.

Luka 9:48

A kaa a ve er: Anti or u nana rumun wanye ne ken iti Yam yô, ka Mo je nan rumun ye, man shi anti or u nan rumun Mo yô, nan ngu rumun Un u A tindim la kpaa. Gadia ka or u nan hembe ndahar ken a ven la, ka nan nan lu orvesen ye.

YOHANE 10:36

ka nyi man ne kaan a Un u Aôndo a tsegh Un, A tindi Un shin tar la, ner: U ngu tuhwan Aôndo, sha ci u M kaa Mer: M ngu Wan u Aôndo?

YOHANE 11:42

kera je kpaa M fa er U ongom keke yô, kpa ka sha ci u ikpelaior i i kasem heen ne man M kaan nahan ye, sha u ve̱ na jighjigh er i lu We U tindim yô.

YOHANE 14:26

Kpa Orsurunshima, ka Icighan Jijingi je la, u Ter Una tindi ken iti Yam yô, ka Un je, Una tese ne akaa cii, man shi Una umbur ne akaa a M er ne cii kpaa ye.

YOHANE 17:18

Er U tindim shin tar ne nahan, Mo kpaa, kape M tindi ve shin tar ne je ne.

YOHANE 17:21

sha u ve cii ve̱ lu kwagh môm, er We Ter, U lu ken a Mo, Mo kpaa m lu ken a We nahan, sha u ve kpaa ve̱ lu ken avese; sha er tar u̱ na jighjigh er U tindim yô.

YOHANE 17:23

Mo ken a ve, man We di ken a Mo, sha u ve̱ hingir kwagh môm vough yô; sha er tar u̱ fa er We U tindim man shi er ve doo U ishima er M doo U ishima nahan kpaa yô.

YOHANE 17:25

Ter u perapera, tar fa U ga, kpa Mo M fa U, man mban kpaa fa er We U tindim yô.

YOHANE 17:8

gadia akaaôron a U nem, M na ve, ve ngohol, ve fa mimi je er M dugh her a We yô, man ve na jighjigh er i lu We, U tindim yô.

YOHANE 3:17

Gadia Aôndo tindi Wan Na shin tar ne sha u A̱ va ôr tar ijir ga, kpa ka sha u tar u̱ war sha a Na.

YOHANE 3:34

Gadia Un u Aôndo A tindi Un la, ngu ôron akaaôron a Aôndo gadia Aôndo na Un Jijingi wuee je, kar a kar ga.

YOHANE 5:44

Ne er nan man ne na jighjigh, ne mba ne rumun icivir i her ayol a en la, kpa icivir i i dugh her Aôndo u A lu tswen yô, ne keren ga?

YOHANE 6:57

Er Ter u uma A tindim, man M lu uma ken Ter yô, kape or u nana yam kpaa nana lu uma ken a Mo la.

YOHANE 7:29

Mo yô, M fa Un; gadia M due her a Na, man ka Un kpaa A tindim ye.

YOHANE 8:19

Tsô ve kaa a Na er: Nahan Teru ngu hana? Yesu gema kaa er: Ne fam ga, Terem kpaa ne fa Un ga; nea fem yô, ma ne fe Terem kpaa.

1 Mbakorinte 15:34

Nder nen tsevaa, de nen u eren isholibo. Mbagenev lan kwagh u Aôndo je, M ngu ôron nahan ka iheen yen je.

1 Mbakorinte 8:4

Nahan sha kwagh u inyamakombo i yan yô, se fa, ma akombo nga a inja sha won ga, man shi ma Aôndo ugen ngu ga, saa môm tseegh.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

Mbafilipi 3:10

sha u ma m fe Un man agee a mnder Na u shin ku, man mzough u zuan a Na sha atsan a Na man u hingir kwagh môm a Na ken ku Na la,

Mbafilipi 3:8

Mimi je m nenge akaa cii hingir mo msaa sha ci u mfe u fan Kristu Yesu Terem la a hembe ica yum yô. Ka sha ci Na man m de akaa cii a saam ye, m nenge a hingir mo hôngor sha u Kristu Una lu mtsera wam yô,

1 Mbatesalonika 1:9

Gadia ve ayol a ve je kpaa mba ôron kwagh wase sha injamnyer i se nyôr her a ven, man er ne gema her Aôndo, ne undu akombo, sha u né eren Aôndo u uma man u mimi la tom,

2 Timoteu 1:8

ken igyamusu; Una tsaha mba ve fe Aôndo ga man shi mba ve we Loho u Dedoo u Ter wase Yesu iko ga la kpaa.

Mbaheberu 3:1

Nahan yô, ne uicighananmgbianev mba ne lu a kwar sha myer u a dugh Sha, u i yila ne la, ver nen ishima sha Apostoli man Zegepristi u se pase kwagh Na sha mpase u jighjigh wase u nan la cii, ka Yesu je la,

2 Peteru 1:2

I̱ seer ne mrumun u sha mhôôn kua bem wuee, sha kwaghfan u ne fe Aôndo la man shi Yesu Ter wase kpaa.

2 Peteru 1:3

Gayô agee a Na a sha inja i Aôndo la na se akaa cii a a lu a inja sha uma wase man u civir Aôndo, ka sha mfe u fan Un u a yer se sha iengem Na man agee a Na a hemban la.

2 Peteru 1:8

Gadia aluer akaa ne aa lu ken a ven man á ngee je, á dumbur yô, aa na er ken mfe u ne fe Ter wase Yesu Kristu la né kera lu gbilin shin mbaumen atam ga, ze.

1 Yohane 1:2

uma la yô, i due a na ken igbar, se nenge a na man se mba eren shiada sha kwagh na, se mba ôron ne kwagh u uma u tsôron u a lu vea Ter imôngo u i pase se un la—

1 Yohane 1:3

ka kwagh u se nenge man se ungwa la je se lu ôron ne kpaa ye, sha u ne kpaa, ma ne zough a vese; man mzough wase ngu vea Ter kua Wan Na Yesu Kristu kpaa.

1 Yohane 2:23

Hanma or u nan nyiman Wan la, Ter kpaa nan ngu a Na ga; u nan pasen Wan ken igbar yô, nan ngu a Ter kpaa.

1 Yohane 4:6

Se yô, se due ken Aôndo; or u nan fe Aôndo yô, nan ongo se; u nan dugh ken Aôndo ga yô, nan ongo se ga. Ka sha kwagh ne man se fe jijingi u mimi man jijingi u icughugh kpaa ye.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.