YOHANE 17:24 - ICIGHAN BIBILO

²⁴ Tere, mba U nem yô, kam ka ve̱ lu a Mo imôngo ape M lu la, sha u ve̱ nenge icivir Yam i U nem la; gadia M doo U ishima je er i lu a gba tar ga yô.

YOHANE 17:24 Iomraidhean Croise

Genese 45:13

Man shi ôr nen terem icivir yam i ken Igipiti cii man akaa a ne nenge cii; va nen a terem heen fefa.

Mateu 25:21

Tsô ter na kaa a na er: Doo yum, we ortom u injaa u jighjigh, u er jighjigh sha akaa a kpeghee, nahan me ver u sha akaa kpishi. Nyôr ken iember i teru.

Mateu 25:23

Ter na kaa a na er: Doo yum, we ortom u injaa, u jighjigh, u er jighjigh sha akaa kpeghee; nahan me ver u sha akaa kpishi. Nyôr ken iember i teru.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Mateu 26:29

Kpa Me kaa ne, mayange Me kera ma zar u atam a kon u wain ne ga zan zan sha iyange i Me ma u hegh a ven imôngo sha tartor u Terem.

Luka 12:37

A saan mbatomov mba ter ve una va, una va kohol ve kuran la, iyol. Mimi je, M kaan ne ne, una ta ikondo uya, una ver ve hen ijiir i kwaghyan una va due ve a iwer.

Luka 23:43

A kaa a na er: Mimi je M kaan we ne, nyian je ú lu a Mo imôngo ken Paradiso.

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 12:26

Aluer anti or nana eren Mo tom yô, Ter Una civir nan, nana̱ dondo sha a Mo; hen ape Mo M lu la, ka her je man or u nan eren Mo tom kpaa nana lu ye. Aluer anti or nana eren Mo tom yô, Ter Una civir nan.

YOHANE 14:3

Me yem Me za sôr ne ijiir yô, Me shi Me hide, Me va kua a ven sha er ne kpaa né lu hen ape M lu yô.

YOHANE 15:9

Er M doo Ter ishima, nahan kape ne kpaa, ne doom ishima la; luun nen ken dooshima wam ne.

YOHANE 17:2

gadia U na Un tahav sha uuma cii, sha u mba U ne Un cii A̱ na ve uma u tsôron yô.

YOHANE 17:22

Man icivir i U nem la, M na ve, sha u ve̱ lu kwagh môm er se se lu kwagh môm nahan.

YOHANE 17:5

Hegen yô, Tere, nam icivir hen We, sha icivir i M lu a mi her a We je, er i lu a gba tar ga la.

YOHANE 6:37

Mba Ter A nem cii, vea va her a Mo; man or u nana va hen Mo kpaa, mayange Me ta nan kera ga.

YOHANE 6:39

Man ishima i u A tindim yô, ka i ne: Akaa a A nem la cii ma kwagh môm a̱ de saan Mo ga, kpa M̱ nder un sha iyange i masetyô.

YOHANE 8:58

Yesu kaa a ve er: Mimi mimi je, M kaan ne ne, er i lu a mar Aberaham ga je, tsô Mo M lu.

1 Mbakorinte 13:12

Gadia hegen se mba nengen ken ijingi cing kpa shighe la yô, á lu ishigh a ishigh. Hegen yô, mfe wam yina kpa hen shighe la me fa kwagh vough di er i fem vough nahan.

2 Mbakorinte 3:18

Se cii se kera mba a ikondo i yisan sha ishi ga se mba nengen iengem i Ter er ka ken ijingi nahan. Mba geman se se̱ hingir er ibeen shon la nahan, hii ken iengem za a za hemen ken iengem. Ka hen Ter u A lu Jijingi la kwagh ne a dugh ye.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

2 Mbakorinte 5:8

Ishima i taver se, hemba saren se u duen ken iyol kera za lun vea Ter.

Mbafilipi 1:23

Asema hingir mo ahar. Sarem ka yemen za lun vea Kristu, gadia nahan hemba doon yum.

1 Mbatesalonika 4:17

Ken masejime, se mba se lu uma, se lu her la, á feese se a ve imôngo sha abeen, sé za kohol Ter sha kwavaôndo. Kape sé za lu a Ter gbem je la.

1 Peteru 1:21

Ka sha a Na man ne lu mbanan Aôndo jighjigh u A nder Un shin mbakpenev shi A na Un icivir kpaa, sha er jighjigh wen u nan man ishimaverenkeghen yen ve lu sha Aôndo.

1 Yohane 3:2

Ne mbadoon mo ishima, hegen yô, se mba ônov mba Aôndo, kpa mba a pase er sé va lu ga. Se fa zum u á va pase Un yô, sé lu er Un nahan, gadia sé nenge a Na er A lu yô.

Mpase U Yohane 21:22

Tempel yô, m nenge a mi ker ga, gadia ka Ter Aôndo Uhembanagee la A lu tempel na ye, man shi Waniyôngo kpaa ka imenger na.

Mpase U Yohane 3:21

Or u nan hembe yô, Me na nana tema a Mo imôngo sha ikônough Yagh ki torough di er Mo kpaa M hembe man M tem a Terem imôngo sha ikônough Nagh ki torough nahan.