YOHANE 17:23 - ICIGHAN BIBILO

²³ Mo ken a ve, man We di ken a Mo, sha u ve̱ hingir kwagh môm vough yô; sha er tar u̱ fa er We U tindim man shi er ve doo U ishima er M doo U ishima nahan kpaa yô.

YOHANE 17:23 Iomraidhean Croise

YOHANE 10:38

kpa aluer Mea eren i, man nea nam jighjigh ga kpaa, na nen ityom la jighjigh; sha er ne̱ fa man ne̱ kav er Ter A lu ken a Mo, man Mo kpaa M lu ken Ter yô.

YOHANE 13:35

Ka sha kwagh ne man ior cii vea kav er ne lu mbahenen Av ye, aluer ne doo ayol a en yô.

YOHANE 14:10

U na jighjigh er Mo M lu ken Ter, Ter kpaa A lu ken a Mo gaa? Mkaanem ma M er ne ne, M er ma ka sha tahav av ga kpa ka Ter u A lu ken Mo la, A eren ityom Na ye.

YOHANE 14:23

Yesu gema kaa a na er: Aluer Mea doo or ishima yô, nana kuran kwaghôron Wam, Terem kpaa nana doo Un ishima; Sé va her a nan Sé va er ijiir i tsan her a nan kpaa.

YOHANE 15:9

Er M doo Ter ishima, nahan kape ne kpaa, ne doom ishima la; luun nen ken dooshima wam ne.

YOHANE 16:27

gadia Ter iyol Na kpaa, ne doo Un ishima tsung, sha ci u M doo ne ishima, man shi ne ne jighjigh er M dugh hen Ter yô.

YOHANE 17:11

Kera lun Yam shin tar ne ga, kpa mban yô, mba shin tar ne heregh; Mo yô, M ngu van hen We, Icighan Ter. Mba U nem la, kuran ve ken iti You sha u ve̱ lu kwagh môm er se nahan.

YOHANE 17:21

sha u ve cii ve̱ lu kwagh môm, er We Ter, U lu ken a Mo, Mo kpaa m lu ken a We nahan, sha u ve kpaa ve̱ lu ken avese; sha er tar u̱ na jighjigh er U tindim yô.

YOHANE 17:24

Tere, mba U nem yô, kam ka ve̱ lu a Mo imôngo ape M lu la, sha u ve̱ nenge icivir Yam i U nem la; gadia M doo U ishima je er i lu a gba tar ga yô.

YOHANE 17:26

Man M pase ve iti You; Me shi Me pase ve i kpaa; sha u dooshima u M doo U la, a̱ lu ken a ve, Mo kpaa M̱ lu ken a ve yô.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

YOHANE 17:8

gadia akaaôron a U nem, M na ve, ve ngohol, ve fa mimi je er M dugh her a We yô, man ve na jighjigh er i lu We, U tindim yô.

YOHANE 3:17

Gadia Aôndo tindi Wan Na shin tar ne sha u A̱ va ôr tar ijir ga, kpa ka sha u tar u̱ war sha a Na.

YOHANE 6:56

U nan ye iyol Yam shi nan me awambe Am kpaa yô, nan ngu ken a Mo, Mo kpaa M ngu ken a nan.

1 Mbakorinte 1:30

Kpa ka Un A ne ne lu ken Kristu Yesu ye, Un u Aôndo gema Un A hingir se mfe man perapera man mtsegh man mpaa kpaa.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbagalatia 3:28

Or u Yuda kua or u Grika kera ngu ga, kpan kua wan kpaa kera mba ga, nomsoor kua kwase kpaa kera mba ga, gadia ne cii ne mba môm ken Kristu.

Mbafilipi 3:15

Nahan se mba se hingir vough la yô, se lu nen a mhen ne. Man aluer mhen wen una kaha kposo sha ma kwagh yô, heera kpaa, Aôndo Una pase ne.

Mbakolose 1:28

Ka Un se lu yôôn kwagh Na, se lu wan ior cii kwagh, se lu tesen ior cii sha hanma kwaghfan ye, sha u veren hanma or nana̱ lu vough ken Kristu yô.

Mbakolose 2:2

sha u ma i taver ve asema ma i zough ve ken dooshima ma ve fe kwaghmyer u Aôndo, ka Kristu je la.

Mbakolose 3:14

Kwagh u a hembe cii yô, haa nen dooshima iyol, ka kwagh u maghen mlu u vough je la.

1 Peteru 5:10

Zum u ne ya ican sha anyangem kpeghee kera yô, Aôndo u mhôôn cii u A yila ne u zan ken iengem i tsôron ken Kristu, Un iyol Na Una sôr mlu wen Una suwe ne, Una taver ne man shi Una tim ne né lu dông kpaa.

1 Yohane 1:3

ka kwagh u se nenge man se ungwa la je se lu ôron ne kpaa ye, sha u ne kpaa, ma ne zough a vese; man mzough wase ngu vea Ter kua Wan Na Yesu Kristu kpaa.

1 Yohane 3:1

Nenge imba dooshima u se doo Ter ishima ne; mba yilan se je er ônov mba Aôndo, man kape se lu je la. Ka nahan man tar u fe se ga ye, sha ci u u fe Un ga yô.

1 Yohane 4:19

Se mba a dooshima sha ci u se vande doon Un ishima je yô.

Mpase U Yohane 3:9

Nenge, Me na, mba ken shinagoge u Satan mba ve yer ayol a ve er Mbayuda kpa i lu nahan ga i lu aie tsô ve eren la, Me na, vea va gure inya hen angahar a ou, vea va rumun er u doom ishima yô.