YOHANE 17:21 - ICIGHAN BIBILO

²¹ sha u ve cii ve̱ lu kwagh môm, er We Ter, U lu ken a Mo, Mo kpaa m lu ken a We nahan, sha u ve kpaa ve̱ lu ken avese; sha er tar u̱ na jighjigh er U tindim yô.

YOHANE 17:21 Iomraidhean Croise

Yeremia 32:39

Me na ve ishima i môm man gbenda môm, sha u ve̱ ciam gbem, i̱ kpe ve iyol kua ônov vev mba ken ijime ve;

Sefania 3:9

Gadia hen shighe la Me gema zwa u ior ua hingir zwa u wang, sha u ve cii ve̱ yila sha iti i TER, man ve̱ er Un tom sha ishima i môm yô.

Sekaria 14:9

TER Una tema tor sha tar cii; sha iyange la TER Una lu môm man iti Na kpaa ia lu i môm.

Marku 3:24

Man aluer tartor ugen ua pav sha ihom yô, tartor la ua fatyô u lun her ga.

YOHANE 10:16

M ngu a iyôngo igen i i lu hen ityôr ne ga yô, i kpaa Me va a i keng, ia ungwa imo Yam; ia hingir ikum i môm man orkuran môm kpaa.

YOHANE 10:30

Mo a Ter ka kwagh môm.

YOHANE 10:38

kpa aluer Mea eren i, man nea nam jighjigh ga kpaa, na nen ityom la jighjigh; sha er ne̱ fa man ne̱ kav er Ter A lu ken a Mo, man Mo kpaa M lu ken Ter yô.

YOHANE 11:42

kera je kpaa M fa er U ongom keke yô, kpa ka sha ci u ikpelaior i i kasem heen ne man M kaan nahan ye, sha u ve̱ na jighjigh er i lu We U tindim yô.

YOHANE 13:32

Aluer Aôndo zua a icivir ken a Na yô, Aôndo Una na Un icivir fefa je.

YOHANE 13:35

Ka sha kwagh ne man ior cii vea kav er ne lu mbahenen Av ye, aluer ne doo ayol a en yô.

YOHANE 17:11

Kera lun Yam shin tar ne ga, kpa mban yô, mba shin tar ne heregh; Mo yô, M ngu van hen We, Icighan Ter. Mba U nem la, kuran ve ken iti You sha u ve̱ lu kwagh môm er se nahan.

YOHANE 17:18

Er U tindim shin tar ne nahan, Mo kpaa, kape M tindi ve shin tar ne je ne.

YOHANE 17:20

Man ka sha ci u mban tseegh M eren msen ga, kpa ka sha ci u mba vea va nam jighjigh sha kwaghôron u mban la kpaa,

YOHANE 17:25

Ter u perapera, tar fa U ga, kpa Mo M fa U, man mban kpaa fa er We U tindim yô.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

YOHANE 17:8

gadia akaaôron a U nem, M na ve, ve ngohol, ve fa mimi je er M dugh her a We yô, man ve na jighjigh er i lu We, U tindim yô.

YOHANE 3:17

Gadia Aôndo tindi Wan Na shin tar ne sha u A̱ va ôr tar ijir ga, kpa ka sha u tar u̱ war sha a Na.

YOHANE 5:23

sha er ior cii ve̱ civir Wan er ve civir Ter nahan. Or u nan civir Wan ga yô, nan civir Ter u A tindi Un la kpaa ga.

Aerenakaa A Mbaapostoli 2:46

Ve zer kohol ken tempel ayange ayange, ve coon bredi sha uya vev ser ser, ve yaan kwagh a iember man a ishima i wang,

Aerenakaa A Mbaapostoli 4:32

Ikpelaior i i na jighjigh yô, asema a ve man mhen ve hingir kwagh môm, man shi sha akaa a hanmô ve nan lu a mi la yô, ma or kera kaa er, ka kwagh u nan iyol i nan je la ga, ve nungwa akaa a ve lu a mi la hingir kwagh môm.

Mbaromanu 12:5

kape se kpaa, se lu iyol i môm ken Kristu ne, shin er se ngee nahan kpaa, se mba alegh a ayol a ase.

1 Mbakorinte 1:10

M ngu zamber a ven anmgbianev, ken iti i Ter wase Yesu Kristu mer: Ne cii, lu nen zwa môm, mbampav ve̱ de lu her a ven ga, kpa zua nen, lu nen ishima i môm man mhen môm kpaa.

1 Mbakorinte 12:12

Gadia er iyol i lu i môm man i lu a alegh kpishi yô, man alegh a iyolough a a lu kpishi la, a lu iyol i môm tsô yô, kape Kristu kpaa A lu je la.

1 Mbakorinte 6:17

Kpa u nana var a Ter yô, nan ngu jijingi môm a Na je.

Mbagalatia 3:28

Or u Yuda kua or u Grika kera ngu ga, kpan kua wan kpaa kera mba ga, nomsoor kua kwase kpaa kera mba ga, gadia ne cii ne mba môm ken Kristu.

Mbafilipi 1:27

Kpa kwagh môm yô, mlu wen a̱ kuma sha Loho u Dedoo u Kristu, sha u shin mea va mea va zua ishigh a ven shin mea va ga kpaa, ma m ongo kwagh wen mer, ne tile dông, ne mba ken jijingi môm ne mba ishima i môm, ne mba nôngon imôngo sha ci u jighjigh u nan u sha Loho u Dedoo la.

1 Yohane 1:3

ka kwagh u se nenge man se ungwa la je se lu ôron ne kpaa ye, sha u ne kpaa, ma ne zough a vese; man mzough wase ngu vea Ter kua Wan Na Yesu Kristu kpaa.

1 Yohane 5:7

Mba ve eren shiada [Sha] yô, mba utar [ka Ter man Imo man Icighan Jijingi, man mba utar mban yô, ka môm.