YOHANE 17:18 - ICIGHAN BIBILO

¹⁸ Er U tindim shin tar ne nahan, Mo kpaa, kape M tindi ve shin tar ne je ne.

YOHANE 17:18 Iomraidhean Croise

Mateu 10:5

Mban ka mba pue kar uhar mba Yesu tindi ve, man A wa ve kwagh A kaa er: De kahan zaan nen sha gbenda u hen atôatyev ga, man shi de nyer nen ken ma gar u Mbasamaria kpaa ga.

Mateu 23:34

Sha ci u nahan yô, M ngu tindin ne a uprofeti man ior mba fan kwagh man mbangeren; né wua mbagenev, né mande mbagenev sha terankon, shi mbagenev yô, né gbidye ve akpa ken ushinagoge enev, né tôv ve a ican ityô sha agar agar;

YOHANE 17:21

sha u ve cii ve̱ lu kwagh môm, er We Ter, U lu ken a Mo, Mo kpaa m lu ken a We nahan, sha u ve kpaa ve̱ lu ken avese; sha er tar u̱ na jighjigh er U tindim yô.

YOHANE 17:23

Mo ken a ve, man We di ken a Mo, sha u ve̱ hingir kwagh môm vough yô; sha er tar u̱ fa er We U tindim man shi er ve doo U ishima er M doo U ishima nahan kpaa yô.

YOHANE 17:25

Ter u perapera, tar fa U ga, kpa Mo M fa U, man mban kpaa fa er We U tindim yô.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

YOHANE 17:8

gadia akaaôron a U nem, M na ve, ve ngohol, ve fa mimi je er M dugh her a We yô, man ve na jighjigh er i lu We, U tindim yô.

YOHANE 20:21

Tsô Yesu shi kaa a ve er: Bem a̱ lu sha a ven. Er Ter A tindim yô, Mo kpaa M ngu tindin ne nahan.

YOHANE 3:17

Gadia Aôndo tindi Wan Na shin tar ne sha u A̱ va ôr tar ijir ga, kpa ka sha u tar u̱ war sha a Na.

YOHANE 4:38

Mo M tindi ne sha u né sunda kwagh u ne er tom sha mi ga yô; mbagenev er tom, ne ne ya a ya.

2 Mbakorinte 5:20

Nahan yô, se mba mbaôronkwagh sha ci u Kristu za iyol er ka Aôndo A lu ôron kwagh a ven ken a vese yô. Se mba zamber a ven sha ci u Kristu ser, i̱ hime ne a Aôndo.

Mbaefese 3:7

M hingir ortom u u sha mne u i nam sha mrumun u sha mhôôn u Aôndo, ka sha m-ertom u agee a Na la.