YOHANE 17:13 - ICIGHAN BIBILO

¹³ Kpa hegen yô, M ngu van hen we, man akaa angan M ngu ôron shin tar ne sha er vea iv a iember Yam gbing yô.

YOHANE 17:13 Iomraidhean Croise

Nehemia 8:10

Shi a kaa a ve er: Gba yemen nen tsô, za ya nen tar, ma nen kwaghnyohon, tindi nen mba i er kwagh sha ci ve ga la a kwar; gadia nyian ka icighaniyange i TER wase je, ishima i̱ de kera vihin ne ga; gadia iember i ne ember TER la ka agee a en je.

Upasalmi 126:5

Mba ve lee a mliam iker yô, vea sunda a iember tsung.

Upasalmi 43:4

Nahan me za hen atse a Aôndo a nanden nagh sha mi, Aôndo u m-ember wam u tsung; me wuese We sha adiguve, Aôndo, Aôndo wam.

YOHANE 13:3

er Yesu A fe er Ter gema akaa cii wa Un sha ikev man shi er A fe er Un due hen Aôndo, shi Una za sha Aôndo yô,—

YOHANE 15:11

Akaa angan M ôr ne sha er iember Yam i̱ lu ken ven, iember yen i̱ hôm kpaa yô.

YOHANE 16:33

Akaa ne M ôr ne sha u né lu a bem ken a Mo yô. Shin tar ne yô, ican ngi eren ne; kpa taver nen asema, Mo M hemba tar ne.

YOHANE 17:11

Kera lun Yam shin tar ne ga, kpa mban yô, mba shin tar ne heregh; Mo yô, M ngu van hen We, Icighan Ter. Mba U nem la, kuran ve ken iti You sha u ve̱ lu kwagh môm er se nahan.

YOHANE 3:29

Or u nan lu a kwasehe yô, ka orkwasehe je la; kpa ikar u orkwasehe u a til a ongo imo na yô, ka a ember kpishi sha ci u imo i orkwasehe; nahan iember yam ne kpaa i iv ve;

YOHANE 7:33

Tsô Yesu kaa er: M hira lu a ven anyangem kpeghee, man Me yem hen u A tindim la ye.

Aerenakaa A Mbaapostoli 13:52

Mbahenen mbala yô, ve iv a iember man Icighan Jijingi.

Mbaromanu 14:17

Gadia tartor u Aôndo yô, ka sha kwaghyan man kwaghman u lu ga, kpa ka sha perapera man bem man iember ken Icighan Jijingi u lu ye.

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbaheberu 12:2

Sé veren nen ashe sha Yesu Orhemen man Orkuren u jighjigh wase u nan, Un u A taver ishima a terankon, a kera wa kunya iko ga sha ci u iember i i ver Un sha ishi la, A za tema sha uwegh ku yanegh ku ikônough ki Aôndo ki torough.

1 Yohane 1:4

Akaa ne yô, se mba ngeren ne a sha er iember yase ia hôm yô.

2 Yohane 1:12

M ngu a akaa kpishi a ma m nger ne, kpa sarem ka ngeren sha takerada man sha inki ga, kpa m ver ishima u van her a ven, me ôr kwagh a ven sha zwa je, sha er iember yase ia hôm yô.