YOHANE 16:7 - ICIGHAN BIBILO

⁷ Kpa ka mimi je M kaa ne ye Mer: Ka ne a inja u Me yem yô; gadia aluer Me yem ga yô, Orsurunshima Una va her a ven ga. Kpa aluer Me yem yô, Me tindi ne a Na.

YOHANE 16:7 Iomraidhean Croise

Upasalmi 68:18

U kôndo U yem Sha, U yem a mbakwarev uikangen, U ngohol uiwua hen ior, een, zan zan hen mbahendan kpaa, sha er TER Aôndo Una tema a ve imôngo yô.

Luka 24:49

Man nenge, M ngu tindin ityendezwa i Terem sha a ven; kpa hira lu nen ken gar zan zan i̱ haa ne agee a Sha.

Luka 4:25

Kpa mimi je M kaan ne ne, sha ayange a Eliya la kasev mba côgholov lu ken Iserael kpishi, zum u ura kera nôô ga anyom atar man iwer ataratar, man zegejen gba sha won cii la.

Luka 9:27

Kpa M ngu kaan ne mimi je, mba ve til heen ne mbagenev ker ka mba vea bende a ku ga saa vea vande nengen tartor u Aôndo ve.

YOHANE 14:26

Kpa Orsurunshima, ka Icighan Jijingi je la, u Ter Una tindi ken iti Yam yô, ka Un je, Una tese ne akaa cii, man shi Una umbur ne akaa a M er ne cii kpaa ye.

YOHANE 14:28

Ne ungwa er M kaa ne Mer, Me yem kpa Me shi Me va her a ven. Mea doo ne ishima yô, ma ne ember sha ci u M lu yemen hen Ter yô; gadia Ter hembam.

YOHANE 14:3

Me yem Me za sôr ne ijiir yô, Me shi Me hide, Me va kua a ven sha er ne kpaa né lu hen ape M lu yô.

YOHANE 15:26

Kpa Orsurunshima u Me tindi ne a Na hen Ter, ka Jijingi u mimi u A dugh ken Ter je la, Una va yô, ka Un je Una pase kwagh Wam ye.

YOHANE 16:8

Zum u Una va yô, Una pase tar kwagh u isholibo man kwagh u perapera kua u ijirôron kpaa;

YOHANE 7:39

Kpa A ôr kwagh ne, lu sha kwagh u Jijingi u mba ve ne Un jighjigh vea zua a mi yô; gadia i lu a na Jijingi ga sha ci u i lu a ver Yesu sha icivir Na ga yô.

Aerenakaa A Mbaapostoli 10:34

Tsô Peteru bugh zwa kaa er: Mimi je, m kav, Aôndo ka u sangen a sange ior ga,

Aerenakaa A Mbaapostoli 2:33

Er i kende Un sha a lu ken uwegh ku yanegh ku Aôndo man er A ngohol ityendezwa i Icighan Jijingi hen Ter A haa Un yô, ka kwagh shon u ne lu nengen shi ne lu ungwan kpaa je ne.

Mbaromanu 8:28

Shi se fa mba Aôndo A doo ve ishima yô, akaa cii nga eren sha u i̱ lu ve a inja yô, ka ve mba i yer ve sha awashima Na la.

2 Mbakorinte 4:17

Gadia ancan u peesa u sha anshighe kpeghee ne ngu sôron se a sôr iengem i tsôron i vesen i ganden cii.