YOHANE 16:32 - ICIGHAN BIBILO

³² Nenge, shighe ngu van, a ar je ve u á sambe ne, hanma or nana yem kwagh u nan, né mase undun Mo tswen; nahan kpaa M ngu tswen ga, gadia Ter ngu vea Mo.

YOHANE 16:32 Iomraidhean Croise

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Mateu 26:31

Tsô Yesu kaa a ve er: Hen tugh mbun, ne cii á na ne anzughul sha kwagh Wam, gadia i nger er: Me gbidye orkuranilev, ilev mbi ken ikum la mbia sambe.

Mateu 26:56

Kpa kwagh ne cii er sha er uruamabera mba uprofeti ve̱ kure sha mi vough yô. Hen shighe la je, mbahenen mbala cii undu Un yevese.

Marku 14:27

Tsô Yesu kaa a ve er: Ne cii, á na ne anzughul sha kwagh Wam; gadia i nger er: Me gbidye orkuranilev, ilev cii mbia sambe.

Marku 14:50

Ve cii, ve undu Un ve yevese.

YOHANE 12:23

Kpa Yesu gema kaa a ve er: Shighe kuma u a na Wan u or icivir ve.

YOHANE 16:2

Vea dugh ne ken ushinagoge kera; shighe ngu van je u hanma or u nana wua ne yô, nana hen er nan ngu eren tom u civir Aôndo.

YOHANE 16:25

Akaa ne M ôr ne sha anzaakaa; shighe ngu van u Me kera ôr ne kwagh sha anzaakaa ga yô, kpa Me pase ne kwagh u Ter gbar gbar.

YOHANE 16:31

Yesu gema kaa a ve er: Ne mba nan jighjigh hegenee?

YOHANE 19:27

Shi A gema A kaa a orhenen la er: Nenge ka ngôu je ne. Hii hen shighe la je maa orhenen la kua a na yem a na ken ya na.

YOHANE 20:10

Nahan mbahenen mbala shi hide hen ya ve.

YOHANE 4:21

Yesu kaa a na er: Kwase, nam jighjigh, shighe ngu van u né kera civir Ter sha uwo ne ga, shin ken Yerusalem kpaa ga.

YOHANE 4:23

Kpa shighe ngu van, a kuma je ve, u mba ve civir sha mimi yô, vea civir Ter ken jijingi kua ken mimi, gadia ka mba ve civir Un nahan ne je Ter A keren ye.

YOHANE 5:25

Mimi mimi je M kaan ne ne, shighe ngu van, a kuma hegen, u mbakpenev vea ungwa imo i Wan u Aôndo, man mba vea ungwa i yô, vea lu uma.

YOHANE 5:28

Kwagh ne a̱ de kpiligh ne iyol ga, gadia shighe ngu van u mba ve lu shin iwar cii vea ungwa imo Na,

YOHANE 8:16

Man aluer Mea ôron ijir je kpaa, ijir Yam i ôron ka i mimi je, gadia M ngu tswen ga kpa ka Mo vea Un u A tindim la.

YOHANE 8:29

Un u A tindim la ngu a Mo; A undum tswen ga, gadia M eren akaa a doon Un gbem.

Aerenakaa A Mbaapostoli 21:6

tsô se lôhô ve ayem, se se nyôr ken tso, ve ve hide sha ya.

Aerenakaa A Mbaapostoli 8:1

Saulu kpaa lu rumun ku na. Tsô hen ayange la zegemtev u sha ican mough sha nongo u Kristu u u lu ken Yerusalem la. Ve cii i sambe ve ken ityar i Yudia man i Samaria, mase shin mbaapostoli tseegh.