YOHANE 16:28 - ICIGHAN BIBILO

²⁸ M due hen Ter M va shin tar ne; shi Me undu tar ne, Me yem hen Ter.

YOHANE 16:28 Iomraidhean Croise

Luka 24:51

Er lu veren ve a ver tsô A pav a ve, i yem a Na sha.

Luka 9:51

Tsô er ayange a á ngohol Un Sha la nga mgbôghom yô, A ver ishigh u zan Yerusalem jighilii,

YOHANE 13:1

Tsô er iyange i iniongo i Paseka lu a kuma ga la er Yesu fa shighe Na kuma u Una due shin tar ne, Una yem hen Ter yô, er ior Nav mba ve lu shin tar ne ve doo Un ishima zan zan ar sha mkur je.

YOHANE 13:3

er Yesu A fe er Ter gema akaa cii wa Un sha ikev man shi er A fe er Un due hen Aôndo, shi Una za sha Aôndo yô,—

YOHANE 14:28

Ne ungwa er M kaa ne Mer, Me yem kpa Me shi Me va her a ven. Mea doo ne ishima yô, ma ne ember sha ci u M lu yemen hen Ter yô; gadia Ter hembam.

YOHANE 16:10

sha kwagh u perapera yô, ka sha ci u M lu yemen hen Ter, né kera nenge a Mo ga yô;

YOHANE 16:16

Shi kpuaa tsô né kera nenge a Mo ga; shighe shi una karen kpuaa yô, né nenge a Mo.

YOHANE 16:30

Hegen se fa U fa akaa cii, kera gba U u ma or nana pine U kwagh ga, ka nahan je man se ne jighjigh er U dugh her Aôndo ye.

YOHANE 16:5

Kpa hegen yô, M ngu zan hen Un u A tindim la nahan kpaa mô wen môm nan pinim er: U ngu zan hana? ga.

YOHANE 17:11

Kera lun Yam shin tar ne ga, kpa mban yô, mba shin tar ne heregh; Mo yô, M ngu van hen We, Icighan Ter. Mba U nem la, kuran ve ken iti You sha u ve̱ lu kwagh môm er se nahan.

YOHANE 17:13

Kpa hegen yô, M ngu van hen we, man akaa angan M ngu ôron shin tar ne sha er vea iv a iember Yam gbing yô.

YOHANE 17:5

Hegen yô, Tere, nam icivir hen We, sha icivir i M lu a mi her a We je, er i lu a gba tar ga la.

YOHANE 8:14

Yesu gema kaa a ve er: Shin er M pasen kwagh Wam iyol Yam nahan kpaa, mpase Wam ka u mimi je; gadia M fa ape M dugh, man shi hen ape M lu zan la kpaa; kpa ne yô, ne fa ape M dugh man hen ape M lu zan la ga.

YOHANE 8:42

Yesu kaa a ve er: Aôndo Una lu Ter wen yô, ma M doo ne ishima, gadia ka sha Aôndo je M dugh, M ve ye, gadia M gba van sha ishima Yam tsô ga, kpa ka Un je A tindim ye.