YOHANE 16:27 - ICIGHAN BIBILO

²⁷ gadia Ter iyol Na kpaa, ne doo Un ishima tsung, sha ci u M doo ne ishima, man shi ne ne jighjigh er M dugh hen Ter yô.

YOHANE 16:27 Iomraidhean Croise

Sefania 3:17

TER, Aôndo wou, ngu ken atô wou, Orutaha u Una yima yô; Una ember we a iember, Una mem ken dooshima Na, Una ember we a icam i wan.

Mateu 10:37

Or u ter u nan shin ngô u nan a hembe doon nan ishima a Mo yô, nan kumam ga; man shi or u wan u nan u nomso shin u kwase a hembe doon nan ishima a Mo yô, nan kumam ga;

YOHANE 14:21

Or u nan lu a atindi Am, man nan we a iko kpaa yô, ka nan je, M doo nan ishima ye. Or u M doo nan ishima kpaa, nana doo Terem ishima; Mo kpaa nana doom ishima, man Me pase iyol Yam her a nan kpaa.

YOHANE 14:23

Yesu gema kaa a na er: Aluer Mea doo or ishima yô, nana kuran kwaghôron Wam, Terem kpaa nana doo Un ishima; Sé va her a nan Sé va er ijiir i tsan her a nan kpaa.

YOHANE 16:30

Hegen se fa U fa akaa cii, kera gba U u ma or nana pine U kwagh ga, ka nahan je man se ne jighjigh er U dugh her Aôndo ye.

YOHANE 17:23

Mo ken a ve, man We di ken a Mo, sha u ve̱ hingir kwagh môm vough yô; sha er tar u̱ fa er We U tindim man shi er ve doo U ishima er M doo U ishima nahan kpaa yô.

YOHANE 2:11

Ivande i hiihii ne yô, Yesu er ken Kana u Galilia, A tese icivir Na ken igbar; mbahenen Nav kpaa na Un jighjigh.

YOHANE 3:13

Man shi mayange or ngu a kôndo nan yem Sha ga, saa di Un u A hongo Sha la tsô, ka Wan u or u A dugh Sha je la.

YOHANE 7:29

Mo yô, M fa Un; gadia M due her a Na, man ka Un kpaa A tindim ye.

YOHANE 8:42

Yesu kaa a ve er: Aôndo Una lu Ter wen yô, ma M doo ne ishima, gadia ka sha Aôndo je M dugh, M ve ye, gadia M gba van sha ishima Yam tsô ga, kpa ka Un je A tindim ye.

Mbaromanu 8:3

Gadia Aôndo er kwagh u atindi a fatyô u eren ga la, sha ci u lu isheer sha ci u iyol yô; A tindi Wan Na iyol Na ken mlu u iyol i isholibo man lu sha kwagh u isholibo kpaa, A ôr isholibo ijir ken iyol A na i ibo;

1 Mbakorinte 15:47

Or u hiihii la ka u shin tar, ka shin inya je i dugh nan ye, Or u sha uhar la yô, ka Sha A dugh ye.

1 Mbakorinte 16:22

Aluer Ter Una doo or ishima ga yô, ifan i̱ kôr nan. Maranata. (Ter ngu van.)

2 Mbakorinte 5:14

Dooshima u Kristu ngu mgbeghan se, sha mnenge wase yô or môm kpe sha ci u ior cii, nahan yô, ve cii ve kpe je ve.

Mbagalatia 4:4

Kpa er shighe va kuma vough yô, Aôndo tindi Wan Na, kwase va mar Un, i mar Un sha ikev i tindi,

Mbaefese 6:24

Mrumun u sha mhôôn a̱ lu sha a ve mba Ter wase Yesu a doo ve ishima sha dooshima u been ga la, cii.

1 Timoteu 1:15

Kwaghôron ne ka u jighjigh, a kuma u rumun un a ishima i môm er Kristu Yesu va shin tar sha u yiman mbaasorabo, man ken ve yô, ka mo m hembe ye.

Mbaheberu 12:6

Gadia or u nan doo Ter ishima yô, ka nan man A kôôm nan ye, man shi gbidi hanma wan u A rumun nan yô.

1 Peteru 1:8

A doo ne ishima shin er ne lu a nenge a Na ga je kpaa; ne mba nengen a Na ga nahan kpaa ne mba nan Un jighjigh man ne mba ember tsung sha iember i i gande u ôron i i doo je i hemba.

1 Yohane 4:19

Se mba a dooshima sha ci u se vande doon Un ishima je yô.

Mpase U Yohane 3:19

Mo yô, mba ve doom cii ka M tsaha ve shi M kôôm ve kpaa, nahan yô, ver ishima, gema ishima.

Mpase U Yohane 3:9

Nenge, Me na, mba ken shinagoge u Satan mba ve yer ayol a ve er Mbayuda kpa i lu nahan ga i lu aie tsô ve eren la, Me na, vea va gure inya hen angahar a ou, vea va rumun er u doom ishima yô.