YOHANE 16:22 - ICIGHAN BIBILO

²² Nahan ne kpaa, asema nga vihin ne hegen, kpa Me shi Me nenge a ven, nahan asema a en kpaa aa ember, ma or kpaa nana bunde ne iember yen ga.

YOHANE 16:22 Iomraidhean Croise

Yobu 34:29

Aluer Wen Una huan yô, ka anti je nana na ibo? man aluer Una yer ishigh Nagh yô, ka anti nana nenge a Na— shin a lu ikurior, shin a lu or môm kpaa, ve imôngo cii—

Upasalmi 146:2

Me wuese TER, sha ayange a m lu uma ne, me wa atsam me wuese Aôndo wam, sha ayange a m hile lu her ne.

Upasalmi 33:21

Gadia ka ken a Na ishima yase i ember ye, ka sha icighanti Na se suur ye.

Yesaia 25:9

Tsô sha iyange la, á kaa er: Nenge, ngun ka Aôndo wase u se lu veren ashe Na ser, A̱ va yima se je ne; ka TER je u se lu veren ashe Na; sé lu nen saan saan, sé ember nen myom Na.

Yeremia 31:12

Vea va man vea wa atsam sha igungu u Shion, vea sen gudu gudu hen mdoom ma TER, hen alakema man zar u wain, man hen mkurem, man hen agum a iyôngo man a ibua; uma ve una hingir er sule u i urun u mngerem yô, vea kera shi lu gbuu mayange je ga.

Mateu 28:8

Tsô ve mough hen uwar la fefa a mciem man iember kpishi kpaa, ve za ayem sha u vea za ôr mbahenen Nav kwagh la.

Luka 10:42

Kpa kwagh u kwagh a gbe sha mi yô, ngu môm tseegh; Maria yô, tsuwa ci u dedoo u mayange á kera tsuwe un her a na kera ga yô.

Luka 16:25

Kpa Aberaham kaa er: Wan, umbur er iyange u zuan a akaa a ou a dedoo zum u u lu uma la kape Lasaru kpaa zuan di a akaa a bo je la; kpa hegen yô, mba surun un ishima heen; man we di ican ngi eren we hegen kpishi.

Luka 19:26

Gadia Me kaa ne, hanma or u nan lu a kwagh yô, ka nan je shi á seer nan ye; kpa u nan lu a kwagh ga yô, kwagh u nan lu a mi la je kpaa á ngohol hen nan kera.

Luka 24:41

Er ve lu a na jighjigh ga sha ci u iember, man i kpiligh ve iyol her yô, A kaa a ve er: Ne shi ne mba a ma kwagh u yan heen kpa?

YOHANE 14:1

Asema a̱ de kera te ne kwe ga; na nen Aôndo jighjigh, Mo kpaa nam nen jighjigh.

YOHANE 14:19

Mase shin ciôn man tar ua kera nenge a Mo ga; kpa ne yô, né nenge a Mo, sha ci u Mo M lu uma, ne kpaa né va lu uma yô.

YOHANE 14:27

M ngu veren ne bem, M ngu nan ne bem Wam; M ngu nan ne, kpa ka er tar u ne nahan ga. Asema a̱ de kera te ne kwe ga, man shi de kera cie nen kpaa ga.

YOHANE 16:16

Shi kpuaa tsô né kera nenge a Mo ga; shighe shi una karen kpuaa yô, né nenge a Mo.

YOHANE 16:20

Mimi mimi je, M kaan ne ne, né va vaa, né zungwe kpaa tar yô, ua ember; asema aa vihi ne kpishi, kpa asema a vihin a en la aa gema á hingir ne iember.

YOHANE 16:6

Kpa sha ci u M er ne akaa ne yô, asema vihi ne, kondo je.

YOHANE 21:7

Nahan orhenen u a doo Yesu Ishima la, kaa a Peteru er: Ka Ter je. Shimon Peteru ongo er i lu Ter je yô, a fiir ikondo, gadia lu idyelegh, a guusu shin zegemnger.

YOHANE 4:14

Kpa hanma or u nana ma mngerem ma Mo Me na nan yô, imura ia kera kôr nan mayange ga; kpa mngerem ma Me na nan mara, maa hingir imbormnger ken a nan, maa saar zan zan uma u tsôron.

Aerenakaa A Mbaapostoli 13:52

Mbahenen mbala yô, ve iv a iember man Icighan Jijingi.

Aerenakaa A Mbaapostoli 16:25

Kpa ka kom atôutu nahan yô, Paulu man Shila gba eren msen, wan atsam a civir Aôndo; mbakwarev kpaa lu ungwan ve.

Aerenakaa A Mbaapostoli 2:46

Ve zer kohol ken tempel ayange ayange, ve coon bredi sha uya vev ser ser, ve yaan kwagh a iember man a ishima i wang,

Aerenakaa A Mbaapostoli 5:41

Nahan ve due ken mkohol la kera, ve gba ember sha er i nenge er ve kuma u yan ican i aheenegh sha ci u iti la yô.

2 Mbakorinte 6:10

man shi bee er se mba zungwen yô, kpa se mba ember gbem je; man shi bee er se mba mbaatsanev yô, kpa se mba geman mbagenev kpishi hingir mbanyarev; man shi bee er se mba a ma kwagh ga yô, kpa se mba a akaa cii je.

2 Timoteu 2:16

Ter wase Yesu Kristu iyol Na man Ter wase Aôndo u se doo Un ishima man A ne se msurshima u tsôron man shi ishimaverenkeghen i dedoo sha mrumun u sha mhôôn la,

Mbaheberu 10:34

Gadia mbakwarev kpaa, mhôônom kôr ne a ve; zum u i ya ne ishar kpaa, vihi ne ga ne lu saan saan je gadia ne ayol a en kpaa ne fa er ne lu a kwagh u hembandoon man u lun gbem yô.

Mbaheberu 6:18

sha u sha akaa ahar a a lu a geman ga, a Aôndo kpaa Una fatyô u eren aie sha mi ga ne, se mba se yevese ser, sé za war her a Na la, se̱ hemba lun a ishima i taver, sha u kôron ave sha ishimaverenkeghen i i lu se ken hemen la.

1 Peteru 1:8

A doo ne ishima shin er ne lu a nenge a Na ga je kpaa; ne mba nengen a Na ga nahan kpaa ne mba nan Un jighjigh man ne mba ember tsung sha iember i i gande u ôron i i doo je i hemba.