YOHANE 16:20 - ICIGHAN BIBILO

²⁰ Mimi mimi je, M kaan ne ne, né va vaa, né zungwe kpaa tar yô, ua ember; asema aa vihi ne kpishi, kpa asema a vihin a en la aa gema á hingir ne iember.

YOHANE 16:20 Iomraidhean Croise

Yobu 20:5

er m-erikenge u iferor a lu tiônôô, man iember i ormimiga kpaa i lu kpeghee tsô.

Upasalmi 30:11

U gemam mzungu wam hingir mo ahan; U saghem ajav, U gema u zerem iember

Upasalmi 30:5

Gadia iyugh Na ngi sha anshighe kpeghee tsô, mrumun Na yô, ngu zan zan ayange a uma u or cii; mliam ma haan ka ma tsa tugh, kpa pepe yô, a lu iember.

Upasalmi 97:11

Mba samber a iwanger sha ci u mbaperapera, man msaanyol sha ci u mba ve lu a ishima i mimi yô.

Yesaia 12:1

Sha iyange la ú kaa wer: Me wuese We, TERE, gadia shin er U yugh a mo, nahan kpaa iyugh You kar kera, man U ngu surun mo ishima.

Yesaia 61:3

Shi M̱ ver mba ve zungu ken Shion la, tsar u hweegh sha ityough ki mtwe, mkurem ma msaanyol sha ityough ki mzungu; ikondo i cirin i iwuese sha ityough ki ishima i zunguluu; sha u á yila ve er, ikon i ouki i perapera, ka mmôôr u TER, sha er i̱ civir Un yô.

Yesaia 66:5

Ungwa nen kwaghôron u TER, ne mba ne gbidi ikarikase iyol sha kwaghôron Na la! Anmgbianev enev, mba ve ker ne ihom, mba ve te ne kera sha ci u iti Yam yô, mba kaan er: TER A̱ tese ase icivir Na, se̱ nenge a iember yen! Kpa ka ve, vea va ahenge ye!

Yeremia 31:25

M na uma u orvôron kundu un iyol, man hanma or u ishima i yen nan kpaa M taver nan ishima.

Mateu 21:38

Kpa mbashirensule mbala mba nengen a wan la yô, ve kaa ayol a ve er: Ngun ka u dyako je ne; se wua nen un, se ngohol nen dyako na.

Mateu 5:4

Saan mba ve zungu la iyol, gadia á sur ve asema.

Marku 14:72

Fese nahan ikegh maa tôngo i sha kwa har la; tsô Peteru umbur mkaanem ma Yesu kaa un er: Ikegh ia lu a tôngo kwa har ga, tsô ú nyiman kwa tar je wer, u fam ga. Umbur nahan yô, a gba vaan.

Marku 16:10

Tsô un yem za kaa mba yan ve lu a Na imôngo la; asema lu vihin ve, ve lu vaan.

Luka 22:45

Moughon hen msen yô, A va hen mbahenen mbala, A kohol ve, ve lu yaven sha ci u ishima i vihin.

Luka 22:62

Tsô a due a gba za vaan tsung.

Luka 23:27

Ikpelaior kpishi dondo Un, kua shi kasev mba ve lu vaan, zungwen Un kpaa.

Luka 24:17

A kaa a ve er: Ka nyi akaa ne lu ôron ayol a en ne yemene? Ve tile, ve gema ashe zuu.

Luka 24:21

Man se lu veren ishima ser, ka Wen je Una paa Mbaiserael ye. Nahan er akaa ne a er yô, nyian ka iyange i sha utar je ne.

Luka 6:21

Saan ne iyol, ne mba ijen i ker ne hegen, gadia né va ide. Saan ne iyol, ne mba ne vaa hegen, gadia né va se.

YOHANE 16:33

Akaa ne M ôr ne sha u né lu a bem ken a Mo yô. Shin tar ne yô, ican ngi eren ne; kpa taver nen asema, Mo M hemba tar ne.

YOHANE 16:6

Kpa sha ci u M er ne akaa ne yô, asema vihi ne, kondo je.

YOHANE 20:20

Kaan nahan yô, A tese ve ave Na man ihan. Nahan mbahenen ember er ve nenge a Ter.

Aerenakaa A Mbaapostoli 5:41

Nahan ve due ken mkohol la kera, ve gba ember sha er i nenge er ve kuma u yan ican i aheenegh sha ci u iti la yô.

Mbaromanu 5:11

Ka nahan tseegh kpaa ga, shi se mba wuese ser, se mba a Aôndo, sha Ter wase Yesu Kristu u se zough a mhim sha a Na hegen yô.

2 Mbakorinte 6:10

man shi bee er se mba zungwen yô, kpa se mba ember gbem je; man shi bee er se mba mbaatsanev yô, kpa se mba geman mbagenev kpishi hingir mbanyarev; man shi bee er se mba a ma kwagh ga yô, kpa se mba a akaa cii je.

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

1 Mbatesalonika 1:6

Ne hingir mbakaven se man shi Ter kpaa, gadia lu sha ican kpishi man ne rumun kwaghôron u Aôndo sha iember i Icighan Jijingi ye.

Yakobu 1:2

Anmgbianev av, i̱ lu ne kwagh u iember tseegh shighe u ameen atô kposo kposo aa va tser ne yô,

Yuda 1:24

Un u A lu a agee a Una kura ne sha u né kera nôngo gbev ga shi Una ver ne né lu a acôghol iyol ga sha ishigh ki iengem Na a iember tsung je,

Mpase U Yohane 11:10

mba ve tem sha tar cii vea ember sha ci u kwagh u a er ve la, á saan ve iyol, vea tindi uiwua hen ayol a ve, sha ci u uprofeti mba uhar mban ve er mba shin tar ican yum yô.

Mpase U Yohane 18:7

Er a lu civir iyol na shi ishar i lu haan un iyol nahan yô, kape na nen un ican man ijungwen vough la. Gadia ken ishima na yô, a lu kaan nahan er: M tema tor je, m ngu kwasecôghol ga, ijungwen kpaa me nenge a mi ashe ga.