YOHANE 16:13 - ICIGHAN BIBILO

¹³ Kpa zum u Un, Jijingi u mimi la, Una va va yô, Una hemen ne Una za a ven ken mimi cii; gadia Una gba ôron kwagh sha tahav Nav ga, kpa nyityô kwagh i Una ungwa yô, ka i je Una ôr ye, shi Una pase ne akaa a a lu van ken hemen la kpaa.

YOHANE 16:13 Iomraidhean Croise

Yesaia 11:2

Jijingi u TER Una lu sha a Na, ka Jijingi u kwaghfan man u mkav, Jijingi u wasen henen kwagh man u ageegh, Jijingi u mfe man u cian TER.

Yoel 2:28

Tsô sha ayange a masetyô la, Me haa Jijingi Wam sha uumace cii; ônov enev mba nomso man mba kasev vea ôron kwaghôron u profeti, mnyam maa cie mbatamen enev, ikaior yen ia nenge mbampase mba sha mnenge;

YOHANE 12:49

Gadia M gba ôron kwagh sha tahav Av ga; kpa ka Ter u A tindim la je, A nem tindi sha kwagh u Me kaa man shi Me ôr kpaa ye.

YOHANE 14:17

ka Jijingi u mimi u tar u fetyô u ngohol Un ga yô, gadia ngu nengen a Na ga, mfe kpaa u fa Un ga; ne yô, ne fa Un, gadia ngu a ven, shi Una lu ken a ven kpaa.

YOHANE 14:26

Kpa Orsurunshima, ka Icighan Jijingi je la, u Ter Una tindi ken iti Yam yô, ka Un je, Una tese ne akaa cii, man shi Una umbur ne akaa a M er ne cii kpaa ye.

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

YOHANE 15:26

Kpa Orsurunshima u Me tindi ne a Na hen Ter, ka Jijingi u mimi u A dugh ken Ter je la, Una va yô, ka Un je Una pase kwagh Wam ye.

YOHANE 16:12

Akaa shim kpishi a ma M er ne yô, kpa ne kôr a cio hegen ga.

YOHANE 3:32

Kwagh u A nenge man A ongo la, ka un je A pasen ye; kpa mpase Na la ma or rumun un ga.

YOHANE 8:38

Ka akaa a M nenge hen Terem la je M lu ôron kwagh sha mi ye; man ne kpaa ka di akaa a ne ongo hen ter wen la je ne lu eren ye.

Aerenakaa A Mbaapostoli 11:28

U môm ken ve iti na er Agabu, kighir mough sha, gba pasen ken Jijingi er, zegejen una gba, á tser tar cii. Kwagh la kpaa er di nahan vough sha ayange a Kaloudia tema tor la je.

Aerenakaa A Mbaapostoli 20:23

saa di er Icighan Jijingi A lu pasen mo ken hanma gar er ikangenev man atsan ve lu keghen mo yô.

Aerenakaa A Mbaapostoli 27:24

A kaa er: De cie ga, Paulu; tilen you sha ishigh ki Shisar kpee je; nenge, Aôndo kpaa na u mba ve lu zan a we imôngo la cii sha ikev.

2 Timoteu 2:12

sha er á ôr ior cii ijir mba ve ne kwagh u mimi jighjigh ga man ifer i gem i maa ve iyol la.

2 Timoteu 2:3

Ne yô, ma or môm nana̱ de tsughun ne sha nyityôkwagh kpaa ga, gadia saa m-undu u hiden ijime la una vande van ve, man saa á pase or u vendan atindi, ka wan u mtim je la.

Mbaheberu 1:1

Ngise yô, Aôndo ôr kwagh a uter sha uprofeti acin imôngo man sha igbenda kposo kposo kpaa,

1 Yohane 2:20

Kpa ne yô, ne mba a mshigh u u A lu Icighan la, ne cii, ne fa.

1 Yohane 2:27

Kpa ne yô, mshigh u ne zua a mi her a Na la, ngu lun ken a ven, kera gba u ma or nana tese ne ga, kpa mshigh Na ne, a tesen ne kwagh sha akaa cii, un ka u mimi, ka u aiegh ga, man er a tese ne nahan yô, lu nen ken a Na kpaa.

1 Yohane 4:6

Se yô, se due ken Aôndo; or u nan fe Aôndo yô, nan ongo se; u nan dugh ken Aôndo ga yô, nan ongo se ga. Ka sha kwagh ne man se fe jijingi u mimi man jijingi u icughugh kpaa ye.

1 Yohane 5:6

Ka Un u A ve sha mnger man awambe la, ka Yesu Kristu je la. Ka sha mnger tseegh ga, kpa ka sha mnger kua sha awambe kpaa. Ka Jijingi A eren shiada ye, gadia Jijingi ka u mimi je.

Mpase U Yohane 1:1

Mpase u Yesu Kristu u Aôndo na Un sha u A̱ tese mbatomov Nav akaa a aa er fefa keng la, man A pase a sha mtindi u A tindi ortyom Na hen Yohane wanakiriki Na la;

Mpase U Yohane 1:19

Nahan nger akaa a u nenge a mi yô, a a lu hegen man a aa va er ken hemen la kpaa.