YOHANE 15:7 - ICIGHAN BIBILO

⁷ Aluer ne luun ken a Mo, man mkaanem Am maa luun ken a ven yô, nyi ityôkwagh i i sar ne kpaa, sôn, nen, á er ne i.

YOHANE 15:7 Iomraidhean Croise

1 Utor 3:5

Ken Gibeon la, TER ande hen Solomon ken mnyam ma cien tugh. Aôndo kaa er: Sônom kwagh u a sar u u M̱ na u yô.

Yobu 22:26

ka nahan man ú ember ken Uhembanagee, shi ú kende ishigh you sha ken Aôndo kpaa ye.

Yobu 23:12

M hide ijime sha tindi u sha zwa Na kpaa ga; m wa akaaôron a Na iko, je hemba kwaghyan wam kpaa.

Upasalmi 119:11

M kusu mkaanem Ou ken ishima yam, sha er me er U isholibo ga yô.

Upasalmi 37:4

I̱ saan we iyol ken TER, man Una na u asaren a ken ishima you ye.

Anzaakaa 10:24

Kwagh u iferor nan cie la, ka un je una tser nan ye, kpa isharen i mbaperapera yô, á na ve i.

Anzaakaa 4:4

a tesem, a kaa a mo er: Ishima you i̱ kusu akaaôron am; waan atindi a am iko, tsô ú lu uma.

Yesaia 58:8

Nahan iwanger you ia due er ka sev mbu aven nahan, man mkpeyol wou una va fefa, perapera wou kpaa una za u sha ishi, iengem i TER kpaa ia yisa u ken ijime.

Yeremia 15:16

Ka a zua a akaaôron a Ou yô, m ya a, akaaôron a Ou hingir mo iember man msaanyol ken ishima yam; gadia i yilam sha iti You je, TERE, Aôndo u akum a Sha.

Mateu 7:7

Sôn nen, á na ne; ker nen, né zua a mi; mande nen uwegh sha katsor á bugh ne.

YOHANE 14:13

Man nyityô kwagh i ne sôn ken iti Yam yô, Me er i, sha er Ter A̱ zua a icivir ken Wan yô.

YOHANE 15:16

Ka ne ne tsoughom ga, kpa ka Mo je M tsough ne ye; man M ver ne sha er né za, né za ume atam yô, atam a en kpaa a̱ luun zan zan, sha er nyi ityôkwagh i ne sôn Ter ken iti Yam yô, Una er ne i.

YOHANE 16:23

Man sha iyange la né kera pinem ma kwagh ga. Mimi mimi je, M kaan ne ne, nyityô, kwagh i ne sôn Ter yô, Una na ne i ken iti Yam.

YOHANE 8:31

Tsô Yesu kaa a Mbayuda mba ve na Un jighjigh la er: Aluer nea lu ken kwaghôron Wam zan zan yô, ne mba mbahenen Av mimi je;

YOHANE 8:37

M fa ne mba tsombor u Aberaham; nahan kpaa ne mba keren Mo a ku sha ci u kwaghôron Wam a zough a ian her a ven ga yô.

Mbagalatia 4:2

Nan ngu sha ikev i ior mba nengen sha nan kua mbakuran zan zan ar sha shighe u ter u nan, nan vande veren la.

Mbagalatia 5:16

M ngu kaan mer, zende nen sha Jijingi nahan né kera eren sha asaren a iyolough ga.

Duteronomi 6:6

Akaaôron a m kaan we nyian ne, a̱ lu u ken ishima,

Mbakolose 3:16

Kwaghôron u Kristu a̱ tema ken a ven gbing, tesen nen ayol a en kwagh shi waan nen ayol a en kwagh sha kwaghfan cii, shi waan nen upasalmi man atsam man gberen nen amo a ken jijingi, sughun nen Aôndo ken asema a en.

1 Yohane 2:14

M nger ne mbayev gadia ne fa Ter. M nger ne uter gadia ne fa Un u A lu sha hiihii je yô. M nger ne ikaior gadia ne taver iyol man kwaghôron u Aôndo kpaa ngu ken a ven man ne hemba Orbo.

1 Yohane 2:27

Kpa ne yô, mshigh u ne zua a mi her a Na la, ngu lun ken a ven, kera gba u ma or nana tese ne ga, kpa mshigh Na ne, a tesen ne kwagh sha akaa cii, un ka u mimi, ka u aiegh ga, man er a tese ne nahan yô, lu nen ken a Na kpaa.

1 Yohane 3:22

Man nyityôkwagh i se sen kpaa se mba ngohol i her a Na, gadia se mba kor atindi a Na, shi se mba eren akaa a doon Un kpaa.

1 Yohane 5:14

Ka vangertiôr wase u se lu a mi sha ishigh Nagh ne: ka sea sôn nyityô kwagh u a lu sha ishima Na vough yô, A ungwa se.