YOHANE 15:5 - ICIGHAN BIBILO

⁵ Mo M ngu kon u wain, ne mba agbaa; or u nan luun ken a Mo Mo kpaa M luun ken a nan yô, ka nan ume atam kpishi; gadia a lu Mo ga yô, ne fatyô u eren ma kwagh ga.

YOHANE 15:5 Iomraidhean Croise

Anzaakaa 11:30

Ityamegh ki orperapera ka kon u uma je, u nan lu orfankwagh yô, ka nan wa ior.

Hosea 4:8

Ka sha asorabo a ior Av ve koson ayol a ve ye, man afer a ve la, ka kwagh u doon ve mimi.

Mateu 13:21

kpa nan lu a mise ken iyol i nan ga, nan taver ishima ica i gba ga; kpa er mkighir u sha ican shin mtev u sha ican una moughon a nan sha ci u kwaghôron la yô, nan nôngo gbev fese je.

YOHANE 12:24

Mimi mimi je, M kaan ne ne, aluer ishangewua ia gba hen inya ia kpe ga yô, ia lu di her môm tsô; kpa aluer ia kpe yô, ia mar kpishi.

YOHANE 15:16

Ka ne ne tsoughom ga, kpa ka Mo je M tsough ne ye; man M ver ne sha er né za, né za ume atam yô, atam a en kpaa a̱ luun zan zan, sha er nyi ityôkwagh i ne sôn Ter ken iti Yam yô, Una er ne i.

YOHANE 5:19

Nahan Yesu gema kaa a ve er: Mimi mimi je, M kaan ne ne, Wan Una fatyô u gban eren ma kwagh iyol Na ga, saa kwagh u A nenge Ter A eren la; gadia akaa a A eren la, Wan kpaa eren a nahan vough je.

YOHANE 9:33

Or ne Una dugh sha Aôndo ga yô, ma A fetyô u eren ma kwagh ga.

Aerenakaa A Mbaapostoli 4:12

Man shi myom ngu ken ma or ugen kpaa ga; gadia ma iti igen i i ne ior i á yima se a mi keng yô, ngi sha won kpaa ga.

Mbaromanu 12:5

kape se kpaa, se lu iyol i môm ken Kristu ne, shin er se ngee nahan kpaa, se mba alegh a ayol a ase.

Mbaromanu 6:22

Kpa hegen yô, i pase ne sha ikev i isholibo kera i tuhwa ne, ne gema ne hingir ikpan i Aôndo, injar yen yô, ka mtsegh, man mkur yô, ka uma u tsôron.

Mbaromanu 7:4

Anmgbianev av, kape ne kpaa, ne kpe sha kwagh u atindigh sha iyol i Kristu, sha u né hingir kwagh u orgen, ka Un u i nder Un shin ku sha u se se̱ ume atam sha ci u Aôndo la.

1 Mbakorinte 10:16

Iyongo i ishughun i se nan ishughun sha ci u i la yô, kera ka mzough wase a awambe a Kristu gaa? Bredi u se coon la, kera ka mzough a iyol i Kristu gaa?

1 Mbakorinte 12:12

Gadia er iyol i lu i môm man i lu a alegh kpishi yô, man alegh a iyolough a a lu kpishi la, a lu iyol i môm tsô yô, kape Kristu kpaa A lu je la.

1 Mbakorinte 12:27

Kpa ne yô, ne mba iyol i Kristu man alegh a i ser ser.

2 Mbakorinte 13:8

Gadia se fatyô u eren kwagh u vihin a vihi mimi ga, saa u wasen a wase mimi tsô.

2 Mbakorinte 9:10

Un u A ne ortanivor la ivor, shi A lu nan bredi sha ci u kwaghyan la yô, Una na ne ivor i tan, Una seer i, shi Una seer atam a perapera wen kpaa,

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbaefese 5:9

Gadia ityamegh ki iwangeregh yô, ki ken hanma kwagh u doon, man kwagh u perapera man kwagh u mimi cii.

Mbafilipi 1:11

né iv a atam a perapera a a lu sha Yesu Kristu la sha ci u icivir man iwuese i Aôndo.

Mbafilipi 4:13

M ngu a agee a eren akaa cii je ken Un u A taver mo ne.

Mbafilipi 4:17

Nahan kpaa ka iwua m keren ga kpa m ngu keren atam a ngeen sha ci u mtsera wen.

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

Mbakolose 1:6

U nyôr ken ven di er u nyer sha won cii nahan, ngu umen atam, ngu vesen di er ken ven nahan, hii sha iyange i ne ungwa man ne va fa mrumun u sha mhôôn u Aôndo sha mimi la.

Yakobu 1:17

Hanma nagh ku dedoo man hanma iwua i vough kpaa ka Sha hen Ter u iwanger ve dugh, ve senen ye. Un yô, ma mgem ngu ken a Na ga, shin mure u mgem tsô kpaa ga.

1 Peteru 2:4

Va nen hen a Na, Wen u A lu iwen i i lu uma i ior yô, ve venda i, kpa hen Aôndo yô, gema ka icuwan man shi i injaa kpaa.

2 Peteru 3:18

Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.