YOHANE 15:4 - ICIGHAN BIBILO

⁴ Luun nen ken a Mo, Mo kpaa Me luun ken a ven. Er gbaa iyol na una fatyô u umen ga, saa una luun ken kon u wain, kape ne kpaa, saa né luun ken a Mo la.

YOHANE 15:4 Iomraidhean Croise

I Solomon 8:5

Ka anti nan moughon shin ikôngo nan kende, nan suur sha u a doo nan ishima laa? Shin itinekon u apel m nder u, ka her je ngôu lu toghol iyav ou ye, ka her je un u a mar u la a lu toghol iyav ye.

Hosea 14:8

Eferaim: Ka nyi i shi i gbem a akombo? Ka Mo M ongo un shi M nengen sha a na kpaa; M ngu er kon u fer u lun shough shough nahan; ka her a Mo atam a ou a dugh ye.

Mateu 12:33

Gema nen kon u̱ lu u dedoo, atam a u kpaa a̱ lu a dedoo; gayô, gema nen kon u̱ lu u bo, atam a u kpaa a̱ lu a bo; gadia ka sha atam a kon man i fe u min ye.

Luka 8:15

Kpa i hen inya i dedoo yô, ka mba ve ongo kwaghôron la man ve kusu un ken ishima i mimi i dedoo man ve ume atam sha ishimawan.

YOHANE 14:20

Sha iyange la né fa er M lu ken Terem ne kpaa ne lu ker a Mo, man Mo di kpaa M lu ken a ven yô.

YOHANE 17:23

Mo ken a ve, man We di ken a Mo, sha u ve̱ hingir kwagh môm vough yô; sha er tar u̱ fa er We U tindim man shi er ve doo U ishima er M doo U ishima nahan kpaa yô.

YOHANE 6:56

U nan ye iyol Yam shi nan me awambe Am kpaa yô, nan ngu ken a Mo, Mo kpaa M ngu ken a nan.

YOHANE 8:31

Tsô Yesu kaa a Mbayuda mba ve na Un jighjigh la er: Aluer nea lu ken kwaghôron Wam zan zan yô, ne mba mbahenen Av mimi je;

Aerenakaa A Mbaapostoli 11:23

Un kpaa, er a za ar man a nenge mrumun u sha mhôôn u Aôndo yô, a ember, a taver ve ishima cii er ve̱ var ken Ter sha gbashima je;

Aerenakaa A Mbaapostoli 14:22

Ve lu taver mbahenen asema, nyôôso ve asema er ve̱ var ken jighjigh u nan, man shi er: Ka sha atsan kpishi keng je man sé nyôr ken tartor u Aôndo ye.

2 Mbakorinte 13:5

Kar nen ayol a en sha u né fa aluer nea lu ken jighjigh u nan yô, time nen ken ayol a en. Ne kera fa er Yesu Kristu A lu ken a ven gaa? Saa nea yina ikaren tsô.

Mbagalatia 2:20

I mandem sha terankon a Kristu imôngo; m kera ngu uma ga, kpa Kristu ngu uma ken mo. Man uma u m lu uma ken iyol hegen ne yô; ka sha jighjigh u nan ken Wan u Aôndo u m doo Un ishima man A gem A ne iyol Na sha ci wam la, man m lu uma ye.

Mbaefese 3:17

Kristu A̱ tema ya ken asema a en sha jighjigh u nan er ne we amise ken dooshima, i tim ne ker dông yô,

Mbafilipi 1:11

né iv a atam a perapera a a lu sha Yesu Kristu la sha ci u icivir man iwuese i Aôndo.

Mbakolose 1:23

Saa né tile sha jighjigh u nan dông, né tenger ga, man á mgbeghan ne sha ishimaverenkeghen i Loho u Dedoo u ne ungwa la kera kpaa ga, u i yôô u hen akaa a i gbe a sha won cii, man mo, Paulu, m hingir ortom u u.

Mbakolose 1:27

Ka ve mba i sar Aôndo pe ve̱ fa er iengem i ngeen yum i kwaghmyer ne i lu ken atôatyev yô. Inja na yô, ka Kristu ken a ven je la, ka ishimaveren keghen iengem la.

Mbakolose 2:6

Nahan er ne rumun Kristu Yesu ner ka Ter yô, shi zenden nen ken a Na nahan vough,

1 Mbatesalonika 3:5

Ka nahan man mo kpaa er m kan wan ishima shio yô, m tindi sha u me fa jighjigh wen u nan shin alaghga ormeen vande meen ne kera man tom wase u hingir gbilin tsôou?

Mbaheberu 10:39

Kpa se yô, se mba mbahirenjime sha u za saan ishe ga, kpa se mba mbananjighjigh sha er uma una war yô.

1 Yohane 2:6

U nan kaa er nan ngu ken a Na je yô, ka u nana zenden er Un lu zenden nahan keng.

2 Yohane 1:9

Hanma or u nan ze hemen kpishi, kpa nan kera luun ken ityesen i Kristu ga yô, nan ngu a Aôndo ga. Kpa u nan luun ken ityesen ne yô, ka nan je nan lu a Ter man Wan kpaa ye.