YOHANE 15:25 - ICIGHAN BIBILO

²⁵ Kpa i er kwagh ne sha er kwagh u i nger ken atindi a ve la, a̱ kure sha mi vough er: Ve kôrom ihom lu sha ityôikaa ga.

YOHANE 15:25 Iomraidhean Croise

Upasalmi 109:3

Ve toor a mo cam ce cam sha akaaôron a sha ihom, ve gba nôngon num a mo sha ityôikaa ga.

Upasalmi 35:19

Ve mba ve lu mbaihomov av sha aie la, ve̱ de ember sha a mo ga; man shi mba ve kerem ihom sha ityôikaa ga la, ve̱ de kamen ashe sha a mo ga.

Upasalmi 69:4

Mba ve kerem ihom sha ityôikaa ga yô, ve hemba ngeen a ice yam i sha ityo; mbaihomov av mba icughuv, mba i lu ve ka timin mo kera yô, ve taver; nahan m gba kimbin kwagh u m vande ngohol un ga tsô.

Upasalmi 7:4

aluer m or or u doon a mo iyev i ifer —mimi je, un u a gbe moughon num a mo a ityôikaa ga la, m yima un—

Mateu 10:8

Bee nen mba ve lu dedoo ga la angev; nder nen mbakpenev; wanger nen mbaamandev; dugh ujijingi mba bov. Ne ngohol gbilin, na nen di gbilin kpaa.

Luka 24:44

A kaa a ve er: Angan ka akaaôron Am a M ôr ne je er M lu a ven imôngo la, Mer, ka u akaa a i nger sha a Mo ken atindiakaa a Mose man uprofeti man upasalmi á kure sha mi vough keng.

YOHANE 10:34

Yesu gema kaa a ve er: I kera nger ken atindi a en er: M kaa je Mer, ne mba mbaaôndo gaa?

YOHANE 13:18

Ka ne cii M kaan ga; M fa mba M tsough ve yô; kpa ka sha er icighanruamabera Una kure sha mi vough yô er: Ka or u nan ye kwagh a Mo ikagh i môm je nan tumum angahar iyol ye.

YOHANE 19:36

Gadia akaa ne er sha er icighanruamabera a̱ kure sha mi vough yô, er: Á kever Un ma kuhe ga.

Mbaromanu 3:19

Se fa, hanma kwagh u atindi a lu ôron yô, nga ôron a mba ve lu sha ikev i atindigh la sha u ilyam a̱ tôndo hanma or zwa man tar cii u̱ ya ibo sha ishigh ki Aôndo.

Mbaromanu 3:24

Nahan mba ne ve ishô iwua sha mrumun u sha mhôôn Na, sha mpaa u a lu ken Kristu Yesu la.

2 Mbakorinte 11:7

Er m hide a iyol yam ijime sha u i̱ kende ne sha, m ôr ne Loho u Dedoo u Aôndo gbilin, nahan m er ka kwaghbo shinii?

Mbagalatia 2:21

M ngu tan mhôônom ma Aôndo kera ga, gadia ishô ia lu sha tindi yô, Kristu kpe gbilin je ve.

2 Timoteu 3:8

Mayange se ya kwaghyan hen ma or gbilin kpaa ga, saa sha tom u sha ican man u sha gbashima tugh man tetan sha u se̱ de kera zan mô wen iyol ga yô.

Mpase U Yohane 21:6

Shi A kaa a mo er: I kure ve! Mo M ngu Alefa man Omega, mhii man mkur. Or u imura i ker nan yô, Mo Me na nan mngerem ma imbormnger i uma la gbilin.

Mpase U Yohane 22:17

Jijingi man kwasehe mba kaan er: Va! Or u nan lu ungwan kpaa nana̱ kaa er: Va! Or u imura i ker nan yô, nana̱ va. Or u i sar nan kpaa, nana̱ va, nana̱ va ngohol mngerem ma umam gbilin.