YOHANE 15:24 - ICIGHAN BIBILO

²⁴ Aluer Mea eren ityom her a ve i mô gen nan er ga yô, ma ve lu a isholibo ga; kpa hegen yô, ve nenge i, shi ve kôrom ihom kua Terem kpaa.

YOHANE 15:24 Iomraidhean Croise

Upasalmi 81:15

Mbaihomov mba TER kpaa ma ve ve hen a Na agurenu, ican i i er ve la, ma i tser gbem sha won.

Ekesodu 20:5

De gur ve inya ga, shi de civir ve kpaa ga; gadia Mo TER, Aôndo wou, M ngu Aôndo u gban iwuhe; M tsahan mbayev sha ci u iferkwagh i uter zan zan ikov itiar man inyiin kpaa i mba ve kerem ihom;

Anzaakaa 8:36

Kpa or u nan karem kpe yô, nan ngu vihin uma u nan iyol i nan je; mba ve vendem cii, ka ku u doo ve ye.

Mateu 11:5

mbaapirashe mba nengen kera, man mbasombon mba zenden, wanger mbaamandev iyol, mbakondonato mba ungwan; mba nderen mbakpenev, man mba ôron mbaatsanev Loho u Dedoo.

Mateu 21:32

Gadia Yohane va hen a ven sha gbenda u perapera, kpa ne na un jighjigh ga; kpa ve mbangoholkpandegh man udyambaiorov yô, ve na un jighjigh; man er ne nenge nahan kpaa, ne kera hire ne vaa afanyô ne na un jighjigh ga.

Mateu 9:33

Er i dugh jijingi u bo kera yô, orkondoniker la gema gba lamen. Tsô kpiligh ikpelaior la iyol, ve kaa er: Mayange mba a nenge a imbakwagh ne ken Iserael ga.

Marku 2:12

Tsô a mough, a tôô gambe na fese je, a due sha ashe ve cii; nahan ve cii, kondo ve iyol, ve gba civir Aôndo kaan er: Mayange se mba a nenge imbakwagh ne ga.

Luka 24:19

A kaa a ve er: Ka nyi akaa? Ve kaa a Na er: Ka kwagh u Yesu, Or u Nasareti, u A lu profeti u lun a agee ken tom man kwaghôron sha ishigh ki Aôndo kua ior cii.

YOHANE 10:32

Yesu kaa a ve er: M tese ne ityom i dedoo kpishi i Terem; ka sha hanmô ken i man ne tem awen mini?

YOHANE 10:37

Aluer Mea eren ityom i Terem ga yô, de nem nen jighjigh ga;

YOHANE 12:10

Kpa upristi mba tamen gba henen imôngo er Lasaru kpaa vea wua un;

YOHANE 12:45

man shi or u nan nenge a Mo yô, nan ngu nengen a Un u A tindim la.

YOHANE 14:9

Yesu kaa a na er; M ngu a ven ayange ngee, nahan kpaa, we Filibu, u fam gaa? U nan nenge a Mo yô, nan nenge a Ter je ve; man er nan u kaan wer: Tese se Tere?

YOHANE 15:21

Kpa akaa ne cii vea er ne a sha ci u iti Yam sha ci u ve fe Un u A tindim la ga yô.

YOHANE 15:22

Aluer Mea ve, Mea va er ve kwagh ga yô, ma ve lu a isholibo ga; kpa hegen yô, mba a ityôikaa i ôron sha isholibo ve ga.

YOHANE 15:23

U nan kerem ihom yô, nan kôr Terem ihom kpaa.

YOHANE 16:9

sha kwagh u isholibo yô, ka sha ci u ve nem jighjigh ga yô;

YOHANE 3:2

Un va her a Na tugh, va kaa a na er: Rabi, se fa U ngu ortesen, ka sha Aôndo U ve ye, gadia ma or nana fatyô u gban eren uivande mba U eren ne ga, saa Aôndo Una lu a nan.

YOHANE 5:36

Kpa Mo M ngu a mpase u sha kwagh Wam u a hembe u Yohane la yô; gadia ityom i Ter A nem er M̱ kure i ne, ka ityom i M eren i ne je i lu pasen kwagh Wam er Ter A tindim ye.

YOHANE 6:36

Kpa M vande kaan a ven Mer: Ne nenge a Mo, nahan kpaa ne na jighjigh ga.

YOHANE 7:31

Kpa mbagenev ken ikpelaior kpishi na Un jighjigh, ve kaa er: Zum u Kristu Una va yô, Una er uivande vea hemba ngeen a mba Or ne A eren nee?

YOHANE 9:32

Hii sha igbetar je mba a ungwa er i bugh or u i mar nan a ashe a pirin, ashe ga.

YOHANE 9:41

Yesu kaa a ve er: Nea lu mbaapirashe yô, ma ne lu a isholibo ga; kpa hegen ne kaa ner: Se mba nengen; nahan isholibo yen ngi ne her.

Aerenakaa A Mbaapostoli 10:38

ka kwagh u Yesu Ornasareti la, u Aôndo haa Un Icighan Jijingi man agee; lu zenden, eren ityom i dedoo, waren mba diabolo eren ve ican la cii, gadia Aôndo lu a Na.

Aerenakaa A Mbaapostoli 2:22

Ne ior i Iserael, ungwa nen akaaôron ne: Yesu, Ornasareti Or u Aôndo tese ne Un sha ityom i ageegh man sha akaa a kpilighyol man uivande mba Aôndo er sha ikev Na her atô wen, er ne kpaa ne fe nahan;

Mbaromanu 1:30

man mbatuhwanior man mbakôron Aôndo ihom man mbacihinkwagh man mbagengeseyol man mbahagher sha kwaghôron man mbadughun aeren a bo man mbahemban mbamaren vev ato

Duteronomi 5:9

de gur ve inya ga, man shi de civir ve kpaa ga, gadia Mo, TER, Aôndo wou, M ngu Aôndo u gban iwuhe, M tsahan mbayev sha ci u iferkwagh i uter zan zan kov u sha utar man shi u sha unyiin kpaa, u mba ve kerem ihom;

WASHIKA U SHA UHAR U PAULU APOSTOLI TINDI HEN TIMOTEU - 2TI 3:4

man mbapasen ior aker man mbawan uma ve iko ga man mbamoronyol a ve man mba iember i iyolough i hembe doon ve a Aôndo la.

Yakobu 4:4

Ne mbadyarev, ne fa er u yan ikar a tar i lu u lun ihom a Aôndo gaa? Nahan yô, or u i sar nan ka lun ikar a tar yô, nan hingir orihom u Aôndo je ve.