YOHANE 15:22 - ICIGHAN BIBILO

²² Aluer Mea ve, Mea va er ve kwagh ga yô, ma ve lu a isholibo ga; kpa hegen yô, mba a ityôikaa i ôron sha isholibo ve ga.

YOHANE 15:22 Iomraidhean Croise

Esekiel 2:5

Man ve kpaa, shin vea ungwa shin vea venda—gadia ka ya u hendan je—vea fa er yan profeti lu ve her atô je yô.

Luka 12:46

ter u ortom la una va sha iyange i nan ver ashe sha gbenda ga la, hen shighe u nan fe ga kpaa, una gber nan atôôn atôôn, una na nan kwar a mba ve lu jighjigh ga la imôngo.

YOHANE 12:48

Or u nan vendem man nan rumun mkaanem Am ga yô, nan ngu a orjir, ka kwaghôron u M er ne je, ka un man una ôr nan ijir sha iyange i masetyô ye.

YOHANE 15:23

U nan kerem ihom yô, nan kôr Terem ihom kpaa.

YOHANE 15:24

Aluer Mea eren ityom her a ve i mô gen nan er ga yô, ma ve lu a isholibo ga; kpa hegen yô, ve nenge i, shi ve kôrom ihom kua Terem kpaa.

YOHANE 16:9

sha kwagh u isholibo yô, ka sha ci u ve nem jighjigh ga yô;

YOHANE 19:11

Yesu gema kaa er: Aluer a ne u tahav mbu mbu sen sha la ga yô, ma u lu a ma tahav sha a Mo ga; nahan yô, or u nan lu nan Mo sha ikev you la, nan hemba ngun a isholibo.

YOHANE 9:41

Yesu kaa a ve er: Nea lu mbaapirashe yô, ma ne lu a isholibo ga; kpa hegen ne kaa ner: Se mba nengen; nahan isholibo yen ngi ne her.

Aerenakaa A Mbaapostoli 17:30

Nahan Aôndo wa ayange a mlan ve la iko ga; kpa hegen yô, ngu pasen ior sha hanma ijiir cii er ve̱ gema ishima,

Mbaromanu 1:20

Hii sha igbetar je mba nengen a mlu Na u i nengen a mi sha ashe ga la, inja na yô, ka agee a Na a tsôron man mlu Na u sha inja i Aôndo la, mba nengen a mi sha ashe a ishima ken aeren a Na. Nahan mba a ityôkwagh i ishôôgh ga,

Mbaromanu 2:1

Nahan yô, we or u ka u gba nan or ibo tsô ne, wea lu nan nan kpaa u ngu a ityôkwagh i lun a ishô ga gadia kwagh u u lu nan orgen ibo sha mi la, we iyol you kpaa u ngu a ibo sha mi, gadia we u u lu nan ibo la kpaa u ngu eren akaa angara je.

Yakobu 4:17

Nahan yô, or u nan fe u eren dedoo kpa nan kera er nahan ga yô, hingir isholibo je nan er ye.

1 Peteru 2:16

Lu nen er mba ve lu ken uikangen ga nahan, kpa mlu wen u ken uikangen ga la a̱ de gem a̱ hingir ne kwagh u yisan ifer a mi ga; lu nen ikpan i Aôndo.