YOHANE 15:20 - ICIGHAN BIBILO

²⁰ Umbur nen kwaghôron u M ôr ne la Mer: Wanakiriki hembe Ter na icivir ga; lu vea tôvom a ican yô, ne kpaa vea tôv ne a ican je; lu vea wa kwaghôron Wam iko yô, u wen kpaa vea wa un iko.

YOHANE 15:20 Iomraidhean Croise

Esekiel 3:7

Kpa ya u Iserael yô, una ver ato her a we ga; gadia ve rumun u veren ato her a Mo ga; gadia ya u Iserael cii ka mbatavertyough man mbakehenasema kpaa.

Mateu 10:24

Orhenen hembe ortesen na ga; wanakiriki kpaa hembe ter na ga.

Marku 10:39

Ve kaa a Na er: Se fatyô. Kpa Yesu kaa a ve er: Iyongo i M me ne, né ma, batisema u i eren Mo ne, ne kpaa á er ne un,

Luka 2:34

Tsô Shimeon ver ve doo doo, shi a kaa a ngô Na, Maria, er: Wan ne yô, i ver Un sha ci u mgbe man mmough u ior kpishi ken Iserael, man shi sha ci u ikav i á nyiman i yô

Luka 6:40

Orhenen hembe ortesen u nan ga; kpa hanma or u i tese nan nan kom vough yô, nana hingir er ortesen u nan nahan.

YOHANE 10:31

Mbayuda shi tôô awen er vea ta Un.

YOHANE 11:57

Upristi mba tamen man Mbafarishi vande yôôn er, aluer or nana fa ape A lu yô, nana̱ pase, sha u vea kôr Un yô.

YOHANE 13:16

Mimi mimi je, M kaan ne ne, wanakiriki hembe ter na icivir ga, ortyom kpaa hembe un u a tindi un la icivir ga.

YOHANE 5:16

Ka sha kwagh ne man Mbayuda lu tôvon Yesu a ican sha ci u A er akaa ne sha iyange i memen yô.

YOHANE 7:32

Mbafarishi ungwa ikpelaior lu unun akaa ne sha a Na; nahan upristi mba tamen man Mbafarishi tindi udugwer er ve̱ za kôr Un.

YOHANE 8:51

Mimi mimi je, M kaan ne ne, aluer or nana wa kwaghôron Wam iko yô, mayange nana nenge a ku ashe ga.

YOHANE 8:52

Tsô Mbayuda kaa a Na er: Hegen yô, se fa U ngu a jijingi u bo; Aberaham kpe kua uprofeti kpaa; man We U ngu kaan wer: Aluer or nana wa kwaghôron Wam iko yô, nana bende a ku mayange ga.

YOHANE 8:59

Nahan ve tôô awen er vea ta Un; kpa Yesu ôso teghelee kar due ken tempel kera.

Aerenakaa A Mbaapostoli 14:22

Ve lu taver mbahenen asema, nyôôso ve asema er ve̱ var ken jighjigh u nan, man shi er: Ka sha atsan kpishi keng je man sé nyôr ken tartor u Aôndo ye.

1 Mbakorinte 4:12

Man se mba eren tom sha ican sha ave ase ayol ase. Ka a tuhwan se kpaa, se gema se naan iveren i dedoo. Ka a lu tôvon se a ican kpaa, se gba wan ishima tsô;

2 Mbakorinte 4:9

Mba tôvon se a ican nahan kpaa i ta se kera ga. Mba kôron se tan inya, kpa i wua se ga.

1 Mbatesalonika 2:15

mba ve wua Ter Yesu kua uprofeti la ye, se kpaa ve tôv se a ican, kwagh ve doo Aôndo ga man shi mba ihom a ior cii kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:12

Man mba i sar ve pe zenden sha mciviraôndo ken Kristu Yesu cii á tôv ve a ican.

1 Samuel 8:7

TER gema kaa a Samuel er: Ver ato, ungwa hanma kwagh u ior vea kaa u cii; gadia ka we ve vende ga, kpa ka Mo ve vende er M̱ de lu tor ve ga ye.