YOHANE 15:19 - ICIGHAN BIBILO

¹⁹ Aluer nea lu ior i tar ne yô, ma ne lu kwagh u tar jim, ma ne doo tar ishima; kpa er ne lu ior i tar ne ga, Mo M gem M tsough ne shin tar ne kera yô, ka nahan man tar u ker ne ihom ye.

YOHANE 15:19 Iomraidhean Croise

Mateu 10:22

Ior cii vea kôr ne ihom sha ci u iti Yam; kpa u nana taver ishima zan zan mkur yô, ka nan nana war ye.

Mateu 24:9

Hen zum la vea na ne ken ican, vea wua ne kpaa; akuraior cii aa kôr ne ihom sha ci u iti Yam.

Luka 6:32

Man aluer ka mba ne doo ve ishima la tsô vea doo ne yô, ka nyi iwuese á wuese ne a mini? Gadia mbaasorabo je kpaa, mba ve doon ve ishima la yô, ve kpaa mba doon di ve ishima je.

YOHANE 13:18

Ka ne cii M kaan ga; M fa mba M tsough ve yô; kpa ka sha er icighanruamabera Una kure sha mi vough yô er: Ka or u nan ye kwagh a Mo ikagh i môm je nan tumum angahar iyol ye.

YOHANE 15:16

Ka ne ne tsoughom ga, kpa ka Mo je M tsough ne ye; man M ver ne sha er né za, né za ume atam yô, atam a en kpaa a̱ luun zan zan, sha er nyi ityôkwagh i ne sôn Ter ken iti Yam yô, Una er ne i.

YOHANE 6:70

Yesu gema kaa a ve er: M kera tsuwa ne pue kar uhar gaa? Man u môm ken a ven ka diabolo je.

Yakobu 4:4

Ne mbadyarev, ne fa er u yan ikar a tar i lu u lun ihom a Aôndo gaa? Nahan yô, or u i sar nan ka lun ikar a tar yô, nan hingir orihom u Aôndo je ve.

1 Peteru 4:3

Gadia ayange a a kar la zum u i lu eren er atôatyev a eren nahan la, kuma ve, er ve lu zenden ken ijimba i eren man asaren a bo man msôrom ma hunden man iniongo i gbilinigh man mbamkohol mba man msôrom man shi kwaghsôron u dang kpaa.

1 Yohane 3:12

i̱ de luun er Kain u a due ken Orbo man a wua anngô na la nahan ga; man i lu sha ci u nyi man a wua unu? Ka sha ci u aeren a na lu a bo, kpa a anngô na gema lu a perapera yô.

Mpase U Yohane 12:17

Nahan ishima vihi darakon a kwase la, a yem sha u za nôngon ityav a tsombor na u u shi her u kor atindi a Aôndo shi u lu eren shiada sha kwagh u Yesu kpaa yô.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.